ಧೀರಾನ್ ಇಸ್ಪಾಸ್ಟ್ರಕ್ಟರ್ ಪ್ರೈ.ಲಿ ಕಂಪನಿಯವರು ನಿರ್ಮಿಸಿದ್ದ ಧೀರಾನ್ ವಸತಿ ಸಮುಚ್ಛಯದ ಕಟ್ಟಡಕ್ಕೆ 419 ಕಿಲೋ ವ್ಯಾಟ್ ವಿದ್ಯುತ್ ಸಂಪರ್ಕದ ಮಂಜೂರಾತಿ ಪಡೆಯಲು ವಿದ್ಯುತ್ ಗುತ್ತಿಗೆದಾರ ಶರಣಪ್ಪ ಅವರು ಎಚ್.ವಿ. ಕೃಷ್ಣಪ್ರಸಾದ್ನನ್ನು ಭೇಟಿಯಾಗಿದ್ದರು. ಆ ವೇಳೆ ವಿದ್ಯುತ್ ಸಂಪರ್ಕದ ಮಂಜೂರಾತಿಗಾಗಿ ಎಚ್.ವಿ. ಕೃಷ್ಣಪ್ರಸಾದ್ 2 ಲಕ್ಷ ರೂ. ಲಂಚಕ್ಕೆ ಬೇಡಿಕೆಯಿಟ್ಟಿದ್ದ. ಲಂಚ ನೀಡಲು ಇಚ್ಛಿಸದ ಶರಣಪ್ಪ ಈ ಬಗ್ಗೆ ಲೋಕಾಯುಕ್ತ ಪೊಲೀಸರಿಗೆ ದೂರು ನೀಡಿದ್ದರು. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಜ.19ರಂದು ಶರಣಪ್ಪ ಅವರಿಂದ ಆರೋಪಿ ಕೃಷ್ಣಪ್ರಸಾದ್ 1.50 ಲಕ್ಷ ರೂ. ಲಂಚ ಸ್ವೀಕರಿಸುತ್ತಿದ್ದಾಗ ಕಾರ್ಯಾಚರಣೆ ನಡೆಸಿ ಬಂಧಿಸಿದ್ದಾರೆ.
