ಹೈಟೆಕ್​ ಶೌಚಗೃಹ ಪೂರ್ಣಗೊಳಿಸಲು ಮೀನಮೇಷ

ರಾಮನಗರ

ಹಳೇ ಬಸ್​ ನಿಲ್ದಾಣ ಸಮೀಪದ ಕೆಂಗಲ್​ ಹನುಮಂತಯ್ಯ ವೃತ್ತದ ಬಳಿ ಅರ್ಕಾವತಿ ನದಿ ದಂಡೆಗೆ ಹೊಂದಿಕೊಂಡಂತೆ ನಗರಸಭೆ ನಿರ್ಮಿಸುತ್ತಿರುವ ಸುಸಜ್ಜಿತ ಹೈಟೆಕ್​ ಶೌಚಗೃಹ ಕಾಮಗಾರಿ ಶುರುವಾಗಿ 2 ವರ್ಷ ಕಳೆದರೂ ಪೂರ್ಣಗೊಂಡಿಲ್ಲ,

ಇದೇ ಸ್ಥಳದಲ್ಲಿ ಇದ್ದ ಶೌಚಗೃಹ ಹಳೆಯದಾದ ಕಾರಣ ನಗರಸಭೆ ಹೊಸ ಕಟ್ಟಡ ನಿರ್ಮಾಣಕ್ಕೆ ಟೆಂಡರ್​ ನೀಡಿ ಕೆಲಸ ಪ್ರಾರಂಭಿಸಿತ್ತು. ಆದರೆ, ಗುತ್ತಿಗೆದಾರರು ಕೆಲಸ ನಿಧಾನವಾಗಿ ಮಾಡುತ್ತಿದ್ದು, ಉದ್ಘಾಟನೆ ತಡವಾಗುತ್ತಿದೆ ಎನ್ನಲಾಗಿದೆ.

ಹಳೇ ಬಸ್​ ನಿಲ್ದಾಣ ಜನರಿಗೆ ಪ್ರಮುಖ ಸಂಪರ್ಕ ಕೇಂದ್ರ. ಈ ಸ್ಥಳದಲ್ಲಿ ಸರ್ಕಾರಿ ಕಚೇರಿಗಳು, ಹೋಟೆಲ್​, ದಿನಸಿ ಅಂಗಡಿ,

ವಾಣಿಜ್ಯ ಅಂಗಡಿ ಮಳಿಗೆಗಳು, ನೂರಾರು ಬೀದಿ ಬದಿ ವ್ಯಾಪಾರಿಗಳು, ಆಟೋ ರೀಾ ಸ್ಟಾ$ಂಡ್​, ಪಶು ಆಸ್ಪತ್ರೆ, ಖಾಸಗಿ ಕಾರ್ಖಾನೆ, ಆಸ್ಪತ್ರೆಗಳಿವೆ. ಆಟೋ ಚಾಲಕರು, ವ್ಯಾಪಾರಕ್ಕೆ ಬರುವ ಜನರು, ರೈಲು, ಬಸ್​ ನಿಲ್ದಾಣಕ್ಕೆ ತೆರಳುವ ಸಾರ್ವಜನಿಕರಿಗೆ, ಕಚೇರಿ ಕೆಲಸಗಳಿಗೆ ಬರುವ ಜನರಿಗೆ, ಪ್ರಯಾಣಿಕರಿಗೆ ಇಲ್ಲಿ ಶೌಚಗೃಹ ಅತ್ಯಗತ್ಯ. ಆದರೆ ಕಾಮಗಾರಿ ಪೂರ್ಣಗೊಳ್ಳದೆ ಜನ ಪರದಾಡುವಂತಾಗಿದೆ. ಕಾಮಗಾರಿ ಮುಗಿಯುವವರೆಗೂ ಪ್ರಮುಖ ರಸ್ತೆಗಳಲ್ಲಿ ತಾತ್ಕಾಲಿಕ ಮೊಬೈಲ್​ ಶೌಚಗೃಹ ವ್ಯವಸ್ಥೆ ಮಾಡಲು ನಗರಸಭೆ ಕ್ರಮ ಕೈಗೊಳ್ಳಬೇಕು ಎಂಬುದು ಸಾರ್ವಜನಿಕರ ಒತ್ತಾಯ.

ಹಳೇ ಬಸ್​ ನಿಲ್ದಾಣ ಶೌಚಗೃಹ ಕಾಮಗಾರಿ ಮಾಡುತ್ತಿರುವ ಸ್ಥಳದ ಅಕ್ಕಪಕ್ಕದಲ್ಲಿ ಬೇರೆ ಶೌಚಗೃಹ ಇಲ್ಲ. 500 ಮೀಟರ್​ಗೂ ದೂರದ ಕೆಎಸ್​ಆರ್​ಟಿಸಿ ಬಸ್​ ನಿಲ್ದಾಣದಲ್ಲಿದೆ. ಸ್ವಲ್ಪ ದೂರದಲ್ಲೇ ಅರ್ಕಾವತಿ ನದಿಯ ಇನ್ನೊಂದು ದಂಡೆಯ ಡಾ.ರಾಜ್​ಕುಮಾರ್​ ಕಾಂಪ್ಲೆಕ್ಸ್​ ಆವರಣದಲ್ಲಿ ನಿರ್ಮಾಣ ಮಾಡಿದ್ದ ಶೌಚಗೃಹ ನೀರಿನ ವ್ಯವಸ್ಥೆ ಇಲ್ಲದೆ ಬಾಗಿಲು ಹಾಕಿ ಅನೇಕ ವರ್ಷಗಳೇ ಕಳೆದಿವೆ. ಅದಾದರೂ ಇದ್ದರೆ ಅನುಕೂಲ ಆಗುತ್ತಿತ್ತು ಎನ್ನುತ್ತಾರೆ ರಾಮನಗರದ ನಾರಾಯಣ್​.

ಸುತ್ತಮುತ್ತಲೂ ಯಾವುದೇ ಶೌಚಗೃಹ ಇಲ್ಲದ ಕಾರಣ ನಗರಕ್ಕೆ ಬರುವ ಮಹಿಳೆಯರು, ವೃದ್ಧರಿಗೆ, ಬೀದಿ ಬದಿ ವ್ಯಾಪಾರಿ ಮಹಿಳೆಯರಿಗೆ ಸಮಸ್ಯೆ ಉಂಟಾಗುತ್ತಿದೆ. ಶೌಚಗೃಹ ಕಟ್ಟಡ ನಿರ್ಮಾಣ ಶ್ರೀ ಆಗಬೇಕು ಎನ್ನುತ್ತಾರೆ ಮಹಿಳೆ ಗೌರಮ್ಮ.

ನಗರಸಭೆ ಹಳೇ ಬಸ್​ ನಿಲ್ದಾಣದಲ್ಲಿ ಶೌಚಗೃಹ ನಿರ್ಮಾಣ 2 ವರ್ಷಗಳಿಂದಲೂ ಕುಂಟುತ್ತ ಸಾಗಿದೆ. ಹೀಗಾಗಿ ಪುರುಷರು ಎಪಿಎಂಸಿ&ಕೋರ್ಟ್​ರಸ್ತೆ ಖಾಲಿ ಜಾಗ, ಕರಗದಬೀದಿ ಸಂಪರ್ಕ ಕಲ್ಪಿಸುವ ಅರ್ಕಾವತಿ ಸೇತುವೆ ಅಕ್ಕಪಕ್ಕದಲ್ಲಿ ಜಲಭಾಧೆ ತೀರಿಸಿಕೊಳ್ಳಬೇಕಾದ ಅನಿವಾರ್ಯತೆ ಇದೆ.

ಹಳೇ ಬಸ್​ ನಿಲ್ದಾಣದ ಶೌಚಗೃಹ ಕಟ್ಟಡ ಹಳೆಯದಾಗಿದ್ದು, ಜನರ ಬಳಕೆಗೆ ಸಮಸ್ಯೆಯಾಗುತ್ತಿದ್ದ ಕಾರಣ ವೈಜ್ಞಾನಿಕವಾಗಿ ಸುಸಜ್ಜಿತ ಹೊಸ ಕಟ್ಟಡ ನಿರ್ಮಾಣ ಮಾಡಲು ಅಗತ್ಯ ಕಾಮಗಾರಿ ಕೈಗೊಳ್ಳಲಾಗಿದೆ. ಹೊಸ ಕಟ್ಟಡದ ಕಾಮಗಾರಿ ಪೂರ್ಣಗೊಳಿಸಲು ಗುತ್ತಿಗೆದಾರರಿಗೆ ಸೂಚನೆ ನೀಡಲಾಗಿದೆ. ಮುಂದಿನ ತಿಂಗಳು ಉದ್ಘಾಟನೆ ಕಾಣಲಿದೆ.

> ಕೆ. ಶೇಷಾದ್ರಿ (ಶಶಿ) ಅಧ್ಯಕ್ಷರು, ನಗರಸಭೆ, ರಾಮನಗರ

ರೇಷ್ಮೆ ಮಾರುಕಟ್ಟೆ ಸಮೀಪ, ಗಾಂಧಿ ಪಾರ್ಕ್​, ಕಂದಾಯ ಭವನದ ಮುಂಭಾಗ ಶೌಚಗೃಹಗಳನ್ನು ನಿರ್ಮಾಣ ಮಾಡಲಾಗಿದ್ದು, ಶ್ರೀದಲ್ಲೇ ಸಾರ್ವಜನಿಕ ಬಳಕೆಗೆ ಬರಲಿವೆ. ಹಳೇ ಬಸ್​ ನಿಲ್ದಾಣದ ಶೌಚಗೃಹ ಕಾಮಗಾರಿ ಖಾಸಗಿ ಸರ್ಕಾರಿ ಸಹಭಾಗಿತ್ವದಲ್ಲಿ ನಿರ್ವಹಣೆ ಮಾಡಿ ನಡೆಸಲು ಉದ್ದೇಶಿಸಲಾಗಿದೆ. ಶ್ರೀ ಉದ್ಘಾಟನೆ ಕಾಣಲಿದೆ.

> ಡಾ. ಜಯಣ್ಣ, ಆಯುಕ್ತರು, ನಗರಸಭೆ, ರಾಮನಗರ