ವಾಣಿಜ್ಯ ಸಮುಚ್ಚಯದಲ್ಲೇ ತ್ಯಾಜ್ಯರಾಶಿ

ಚನ್ನಪಟ್ಟಣ

ಚನ್ನಪಟ್ಟಣ ನಗರಸಭೆಯ ಸ್ವಚ್ಛ ಚನ್ನಪಟ್ಟಣ ೂಷಣೆ ಕೇವಲ ಸ್ಲೋಗನ್​ಗಷ್ಟೇ ಸಿಮೀತವೇ? ನಗರಸಭೆಯ ವಾಣಿಜ್ಯ ಸಮುಚ್ಚಯದ ಆವರಣದಲ್ಲೆ ಲೋಡ್​ಗಟ್ಟಲೇ ತ್ಯಾಜ್ಯ ವಿಲೇವಾರಿ ಮಾಡಿರುವುದು ಇಂತಹುದೊಂದು ಪ್ರಶ್ನೆ ಮೂಡಿಸಿದೆ.

ಹೌದು..., ನಗರದ ತರಕಾರಿ ಮಾರುಕಟ್ಟೆ ಆವರಣದಲ್ಲಿರುವ ನಗರಸಭೆಗೆ ಸೇರಿದ ಕೆಲವು ಮುಚ್ಚಿದ ವಾಣಿಜ್ಯ ಮಳಿಗೆಗಳನ್ನು ಹಸಿ ಕಸ, ಒಣ ಕಸ ಹಾಗೂ ಪ್ಲಾಸ್ಟಿಕ್​ ತ್ಯಾಜ್ಯ ಸುರಿಯಲು ಬಳಸಲಾಗುತ್ತಿದ್ದು, ನಗರಸಭೆ ಕಚೇರಿಯ ಅನತಿ ದೂರದಲ್ಲೆ ಇರುವ ಈ ಜಾಗದಲ್ಲಿ ಸಾಕಷ್ಟು ಪ್ರಮಾಣದ ತ್ಯಾಜ್ಯವನ್ನು ಸುರಿಯಲಾಗಿದೆ. ಸಾರ್ವಜನಿಕರ ಅನುಕೂಲಕ್ಕಾಗಿ ನಿರ್ಮಿಸಿರುವ ವಾಣಿಜ್ಯ ಮಳಿಗೆಗಳು ಸಮರ್ಪಕ ನಿರ್ವಹಣೆ ಇಲ್ಲದೆ ಕಸದ ಸಂಗ್ರಹಣಾ ಸ್ಥಳವಾಗಿ ಮಾರ್ಪಟ್ಟಿರುವುದು ಸಾರ್ವಜನಿಕರ ಆಕ್ರೋಶಕ್ಕೂ ಕಾರಣವಾಗಿದೆ.

ರೈಲು ನಿಲ್ದಾಣ ರಸ್ತೆಯಲ್ಲಿನ ಕರಬಲ ಮೈದಾನದ ಈ ಜಾಗದಲ್ಲಿ ಬಹಳ ವರ್ಷಗಳ ಹಿಂದೆಯೇ ಸುಸಜ್ಜಿತವಾದ ವಾಣಿಜ್ಯ ಸಮುಚ್ಚಯ ನಿರ್ಮಾಣ ಮಾಡಲಾಗಿತ್ತು. ಆದರೆ, ಈ ಜಾಗದಲ್ಲಿ ವಹಿವಾಟು ನಡೆಯದ ಹಿನ್ನೆಲೆಯಲ್ಲಿ ಕಾಲಕ್ರಮೇಣ ಸ್ಥಗಿತಗೊಂಡವು. ನಗರಸಭೆಗೆ ಸೇರಿದ ಈ ಮಳಿಗೆಗಳನ್ನು ನಿಯಮಾನುಸಾರ ಹರಾಜು ಮೂಲಕ ಬಾಡಿಗೆಗೆ ನೀಡುವ ಬದಲು, ಬೀಗ ಹಾಕಿರುವ ಮಳಿಗೆಗಳನ್ನೇ ತ್ಯಾಜ್ಯ ವಿಲೇವಾರಿಗೆ ಬಳಸಿಕೊಳ್ಳಲಾಗುತ್ತಿದೆ.

ಮಳಿಗೆಗಳ ಒಳಗೆ ಹಾಗೂ ಸುತ್ತಮುತ್ತ ಕಸ ಸಂಗ್ರಹ ಮಾಡಿರುವ ಹಿನ್ನೆಲೆಯಲ್ಲಿ ದುರ್ವಾಸನೆ, ಸೊಳ್ಳೆ&ನೊಣಗಳ ಕಾಟ ಸೇರಿ ಆರೋಗ್ಯ ಸಮಸ್ಯೆ ಎದುರಾಗುವ ಆತಂಕವಿದೆ.

ನಗರದ ಸ್ವಚ್ಛತೆ ಕಾಪಾಡುವುದು ಹಾಗೂ ತ್ಯಾಜ್ಯವನ್ನು ವೈಾನಿಕ ರೀತಿಯಲ್ಲಿ ವಿಲೇವಾರಿ ಮಾಡುವುದು ನಗರಸಭೆಯ ಜವಾಬ್ದಾರಿಯಾಗಿದೆ. ಆದರೆ, ಮುಚ್ಚಿರುವ ವಾಣಿಜ್ಯ ಮಳಿಗೆಗಳನ್ನೇ ಕಸ ಹಾಕುವ ಸ್ಥಳಗಳಾಗಿ ಬಳಸುತ್ತಿರುವುದು ಅಧಿಕಾರಿಗಳ ರ್ನಿಲ್ಯಕ್ಕೆ ಸಾಯಾಗಿದೆ. ನಗರದ ಪರಿಸರ ಹಾಗೂ ಸ್ಪಚ್ಛತೆಯನ್ನು ಕಾಪಾಡುವ ಮಹತ್ತರವಾದ ಜವಾಬ್ದಾರಿ ಹೊಂದಿರುವ ನಗರಸಭೆಯೇ ಈ ಮಟ್ಟಿನ ಪ್ರಮಾದ ಮಾಡುತ್ತಿರುವುದು ಎಷ್ಟು ಸರಿ ಎಂಬುದೇ ಪರಿಸರ ಪ್ರಿಯರ ಪ್ರಶ್ನೆಯಾಗಿದೆ.

ಮಾರುಕಟ್ಟೆಯಲ್ಲಿರುವ ಮಳಿಗೆಗಳು ಸಾರ್ವಜನಿಕ ಆಸ್ತಿಯಾಗಿದ್ದು, ಅವುಗಳನ್ನು ದೀರ್ಕಾಲ ಖಾಲಿ ಇಡುವ ಬದಲು ನಿಯಮಾನುಸಾರ ಹರಾಜು ನಡೆಸಿ ಅರ್ಹರಿಗೆ ಬಾಡಿಗೆಗೆ ನೀಡಬೇಕು. ಇಲ್ಲವೇ ಬೇರೆ ಯೋಜನೆ ರೂಪಿಸಬೇಕು. ಇದರಿಂದ ನಗರಸಭೆಗೆ ಆದಾಯವೂ ಬರಲಿದೆ. ಆದರೆ, ಮಳಿಗೆಗಳನ್ನು ನಿರ್ವಹಣೆ ಇಲ್ಲದೆ ಬಿಡುವುದರಿಂದ ಸಾರ್ವಜನಿಕ ಆಸ್ತಿ ದುರುಪಯೋಗವಾಗುವುದರ ಜತೆಗೆ, ಸ್ವಚ್ಛತಾ ಸಮಸ್ಯೆಯೂ ಉಂಟಾಗುತ್ತಿದೆ. ಈ ಬಗ್ಗೆ ೇತ್ರದ ಶಾಸಕರು ಸೇರಿ ಹಿರಿಯ ಅಧಿಕಾರಿಗಳು ಗಮನಹರಿಸುವ ಅವಶ್ಯಕತೆ ಇದೆ.

ನಗರದ ಪ್ರಮುಖ ಮಾರುಕಟ್ಟೆ ಪ್ರದೇಶವಾಗಿರುವ ತರಕಾರಿ ಮಾರುಕಟ್ಟೆಯಲ್ಲಿ ಪ್ರತಿನಿತ್ಯ ಸಾರ್ವಜನಿಕರು ಹಾಗೂ ವ್ಯಾಪಾರಿಗಳು ಓಡಾಡುವುದರಿಂದ ಸ್ವಚ್ಛತೆಗೆ ಹೆಚ್ಚಿನ ಆದ್ಯತೆ ನೀಡಬೇಕಾಗಿದೆ. ಆದ್ದರಿಂದ ನಗರಸಭೆ ಅಧಿಕಾರಿಗಳು ಸ್ಥಳ ಪರಿಶೀಲನೆ ನಡೆಸಿ, ಕೂಡಲೇ ಕಸದ ತೆರವು ಮಾಡಲಿ ಎಂಬುದೇ ಪತ್ರಿಕೆಯ ಆಶಯವಾಗಿದೆ.