ಹುಲಿ ಮೈಬಣ್ಣದ ಗೋವು ಸಂವರ್ಧನೆ! | malenadu gidda

ಕಪಿಲ ವರ್ಣದ ಮಲೆನಾಡು ಗಿಡ್ಡ ತಳಿಯಲ್ಲೇ ಮೈ ಮೇಲೆ ಕಪ್ಪು ಪಟ್ಟಿಗಳ ಹೊದ್ದು ಜನಿಸುವ ವ್ಯಾಘ್ರವರ್ಣದ ಕಪಿಲ ಗೋವುಗಳು ತುಂಬಾ ವಿರಳ ಹಾಗೂ ಅಳಿವಿನ ಅಂಚಿನಲ್ಲಿರುವ ತಳಿಯೂ ಹೌದು. ಹಾಗಾಗಿ ಮಲೆನಾಡು ಗಿಡ್ಡ ತಳಿಯ ಅಪ್ಪಟ ದೇಸಿ ಗೋವುಗಳ ಸಂವರ್ಧನೆಗೆ ಕರಾವಳಿ ಭಾಗದಲ್ಲಿ ವಿವಿಧ ಪ್ರಯೋಗ ನಡೆಯುತ್ತಿದ್ದು, ಇದೀಗ ಸಂಶೋಧನೆಗೆ ಲ ಸಿಕ್ಕಿದೆ.

ದಣಕನ್ನಡ ಜಿಲ್ಲೆ ಬೆಳ್ಳಾರೆಯ ಪ್ರವಿಣ್​ ಎಂಬ ಗೋಪಾಲಕರ ಗೋಶಾಲೆಯಲ್ಲಿ ಒಂದು ಕಪಿಲ ಹಸುವಿಗೆ ಜನಿಸಿದ ಹೋರಿ ಕರುವು ಕಪ್ಪು ಪಟ್ಟಿಗಳಿಂದ ಕೂಡಿತ್ತು. ಅದೇ ಕರುವನ್ನು ಸಾಕಿ ಬೆಳೆಸಿದ್ದು, ಇದೀಗ ಆ ಹೋರಿಯಿಂದ ಹುಟ್ಟಿದ ಕರುವಿಗೂ ಅದೇ ರೀತಿಯ ಬಣ್ಣ ಬಂದಿರುವುದು ಅಚ್ಚರಿ ಮೂಡಿಸಿದೆ. ಆದರೆ, ಈ ವಿಶಿಷ್ಟ ತಳಿಯ ಸಂವರ್ಧನೆ, ಬಣ್ಣದಲ್ಲಿ ಫಲಿತಾಂಶ ಕಾಣಲು ಸತತ 6 ವರ್ಷಗಳ ಸಂಶೋಧನೆ ಹಾಗೂ ವಿಶೇಷ ತಳಿ ಸಂವರ್ಧನೆ ಹಿಂದೆ ಗೋಪಾಲಕರ ಪರಿಶ್ರಮ ಬಹಳಷ್ಟಿದೆ.

ವ್ಯ್ರಾವರ್ಣ ಹಿನ್ನೆಲೆ ಏನು?: ಮಲೆನಾಡು ಗಿಡ್ಡಗಳು ಹಿಂದೆ ದುರ್ಗಮವಾದ ಕಾಡು ಬೆಟ್ಟಗಳ ಹಾದಿಯಲ್ಲಿ ಮೇಯಲು ಅಥವಾ ಅಲೆದಾಡುವ ಸಂದರ್ಭ ಕಾಡುಪ್ರಾಣಿಗಳ ಹಾವಳಿಗೆ ತುತ್ತಾಗುತ್ತಿದ್ದವು. ಹಿಂದಿನ ಕಾಲದಲ್ಲಿ ಹುಲಿ ಬಣ್ಣದ ಗೋವು ಅಥವಾ ಹೋರಿಗಳಿದ್ದರೆ ಅದನ್ನು ಗೋಮಂದೆಯ ರಕ್ಷಣೆ ಸಲುವಾಗಿ ಮುಂದೆ ಕಳುಹಿಸಲಾಗುತ್ತಿತ್ತು. ಅಂದರೆ, ಕ್ರೂರ ಪ್ರಾಣಿಗಳು ಇತರ ಹಸುಗಳ ಮೇಲೆ ಆಕ್ರಮಣಕ್ಕೆ ಬಂದಾಗ ವ್ಯ್ರಾವರ್ಣದ ಹಸು ಅಥವಾ ಹೋರಿಯನ್ನು ಕಂಡು ಭಯಗೊಂಡು ವಾಪಸಾಗುತ್ತಿದ್ದವು. ಇಂತಹ ಅತ್ಯಂತ ವಿರಳ ಹಾಗೂ ಅಳಿವಿನಂಚಿನಲ್ಲಿದ್ದ, ಈ ಬಣ್ಣವನ್ನು ಮತ್ತೆ ಪ್ರವರ್ಧಮಾನಕ್ಕೆ ತರಲು ಪ್ರವಿಣ್​ ಬೆಳ್ಳಾರೆ ವ್ಯಾಘ್ರವರ್ಣದ ಹೋರಿಯ ಹುಡುಕಾಟದಲ್ಲಿದ್ದರು. ಇದೀಗ ವ್ಯ್ರಾವರ್ಣದ ಮಲೆನಾಡ ಗಿಡ್ಡ ತಳಿಯ ಗೋ ಸಂವರ್ಧನೆ ಯಶಸ್ವಿಯಾಗಿದೆ.

ಗೋವುಗಳನ್ನು ವಿವಿಧ ವರ್ಣಗಳ ಆಧಾರದಲ್ಲಿವರ್ಗೀಕರಣ ಮಾಡಿ ಉಲ್ಲೇಖಿಸಿರುವುದನ್ನು ಮಹಾಭಾರತ, ಗರುಡಪುರಾಣ ಇತ್ಯಾದಿ ಗ್ರಂಥಗಳಲ್ಲೂ ಕಾಣಬಹುದು. ಮುಖ್ಯವಾಗಿ ಕಪಿಲ, ಶ್ವೇತ ಕಪಿಲ, ಗೌರ ಪಿಂಗಲ, ಗಲಪಿಂಗಲ, ಭಭ್ರುವರ್ಣ, ರಕ್ತಪಿಂಗಲ, ನೀಲ, ಮಹಾನೀಲ ಸೇರಿ 10 ಬಣ್ಣದ ತಳಿಗಳಿವೆ. ಈ ಪೈಕಿ ವ್ಯ್ರಾವರ್ಣ ಬಹಳ ಅಪರೂಪ ಹಾಗೂ ವಿಶಿಷ್ಟ ಎನಿಸಿಕೊಂಡಿದೆ. 

ಗಿರ್​, ಹಳ್ಳಿಕಾರ್​, ಖಿಲಾರಿ ಮೊದಲಾದ ದೇಸಿ ಹಸುಗಳಿಗೆ ಏಕರೂಪದ ಲಕ್ಷಣವೇ ಹೆಚ್ಚಾಗಿರುತ್ತದೆ. ಆದರೆ ಮಲೆನಾಡು ಗಿಡ್ಡ ಗೋವುಗಳು ಪ್ರತಿಯೊಂದೂ ವರ್ಣ, ಕೊಂಬಿನ ರಚನೆ, ಗುಣ, ಸ್ವಭಾವಗಳು ವ್ಯತ್ಯಸ್ಥವಾಗಿರುತ್ತದೆ. ಅದರಲ್ಲೂ ಕಪಿಲ ವರ್ಣ ಹಾಗೂ ಇತರ ಲಕ್ಷಣಗಳ ಗೋವುಗಳು ಜನಿಸುವುದೂ ಅಪರೂಪ. ಅವುಗಳಲ್ಲೂ ಶ್ವೇತ ಕಪಿಲವಂತೂ ಅತ್ಯಂತ ಅಪರೂಪ. ಆದ್ದರಿಂದ ಕಪಿಲ ಗೋವು ಹಾಗೂ ಶ್ವೇತ ಕಪಿಲಗಳನ್ನು ಸಂವರ್ಧನೆ ಮಾಡುವ ಅನಿವಾರ್ಯತೆ ಇದೆ.

ಭಾರತೀಯ ಸಂಸತಿಯಲ್ಲಿ ಪವಿತ್ರತೆಯ ಪ್ರತಿಕವಾಗಿ ಕಪಿಲ ಗೋವುಗಳು ಶಾಂತ ಸ್ವಭಾವ ಮತ್ತು ಸಾತ್ವಿಕ ಗುಣಗಳಿಂದ ಪ್ರಸಿದ್ಧವಾಗಿವೆ. ವೇದಪುರಾಣಗಳಲ್ಲಿ ಕಪಿಲ ಗೋವಿಗೆ ಮಹತ್ವದ ಸ್ಥಾನವಿದ್ದು, ದೇವತಾ ಕೃಪೆಯನ್ನು ಹೊತ್ತಿರುವ ತಾಯಿ ರೂಪವಾಗಿ ಗೌರವಿಸಲಾಗುತ್ತದೆ. ಕಪಿಲ ಗೋವಿನ ಹಾಲು, ಮೊಸರು, ತುಪ್ಪ ಔಷಧೀಯ ಗುಣಗಳಿಂದ ಕೂಡಿದ್ದು, ಆಯುರ್ವೇದದಲ್ಲಿ ಅಮೂಲ್ಯವೆಂದು ಪರಿಗಣಿಸಲಾಗಿದೆ. ಕಪಿಲ ಗೋವು ಮನೆಗೆ ಶುಭ, ಶಾಂತಿ ಮತ್ತು ಐಶ್ವರ್ಯ ತರುತ್ತದೆ ಎಂಬ ನಂಬಿಕೆಯೂ ಇದೆ.