ಆದಾಯ ಸಂಪನ್ಮೂಲ ಕ್ರೋಡೀಕರಣ ವಿಚಾರದಲ್ಲಿ ಆಸ್ತಿತೆರಿಗೆ ವಸೂಲಾತಿಗೆ ಜಿಬಿಎ ಮೊದಲ ಆದ್ಯತೆ ನೀಡಿದೆ. ಈ ಹಿನ್ನೆಲೆಯಲ್ಲಿ ತೆರಿಗೆ ಮರೆಮಾಚಿರುವ ಪ್ರಕರಣಗಳನ್ನು ಭೇದಿಸಿ ಕೋಟ್ಯಂತರ ರೂ. ಮೊತ್ತವನ್ನು ಕಡಿಮೆ ತೋರಿಸಿ ಟ್ಯಾಕ್ಸ್ ಪಾವತಿಸುತ್ತಿದ್ದವರಿಂದ ಈಗ ಹಿಂಬಾಕಿ ವಸೂಲಾತಿಗೆ ಕ್ರಮ ಜರುಗಿಸಲು ನಿರ್ಧರಿಸಲಾಗಿದೆ. ಕೆಲ ತಿಂಗಳ ಹಿಂದೆ ಕೈಗೊಂಡಿದ್ದ ಮೊದಲ ಹಂತದ ಕಾರ್ಯಾಚರಣೆಯಲ್ಲಿ 10 ಸಾವಿರ ಸ್ವತ್ತುಗಳಿಂದ 370 ಕೋಟಿ ರೂ. ಬಾಕಿ ಪತ್ತೆ ಮಾಡಲಾಗಿತ್ತು. ಈಗ ಎರಡನೇ ಹಂತದಲ್ಲಿ ಮತ್ತೆ 13,600 ಸ್ವತ್ತುಗಳಿಗೆ 318 ಕೋಟಿ ರೂ. ಪತ್ತೆ ಹಚ್ಚಿದ್ದು, 2 ಹಂತದಲ್ಲಿ ಒಟ್ಟು 23,600 ಸ್ವತ್ತುಗಳಿಂದ 688 ಕೋಟಿ ರೂ. ವಸೂಲಾತಿ ಪ್ರಕ್ರಿಯೆ ಕೈಗೊಳ್ಳಲಾಗುತ್ತಿದೆ.
