ನೀರಿನ ಬಿಲ್​ನ ಅಸಲು ಮಾತ್ರ ಕಟ್ಟಲು ಅವಕಾಶ | water bill

ವರ್ಷಾಚರಣೆ ಸಂಭ್ರಮ ಸಮೀಪಿಸುತ್ತಿದ್ದಂತೆ ಬೆಂಗಳೂರು ನೀರು ಸರಬರಾಜು ಮತ್ತು ಒಳಚರಂಡಿ ಮಂಡಳಿಯು ತನ್ನ ಗ್ರಾಹಕರಿಗೆ ಭರ್ಜರಿ ಉಡುಗೊರೆ ಕೊಟ್ಟಿದೆ. ಬಾಕಿ ಇರುವ ನೀರಿನ ಬಿಲ್​ನ ಅಸಲು ಮೊತ್ತವನ್ನು ಏಕಕಾಲದಲ್ಲಿ ಪಾವತಿಸಿದರೆ, ಬಡ್ಡಿ, ದಂಡ ಹಾಗೂ ಇತರೆ ಶುಲ್ಕಗಳು ಶೇ.100 ಮನ್ನಾ ಮಾಡುವುದಾಗಿ ಜಲಮಂಡಳಿ ಘೋಷಣೆ ಮಾಡಿದೆ. 

ಜಲಮಂಡಳಿ ಪ್ರಸ್ತಾಪಿಸಿದ್ದ ಒನ್​ ಟೈಮ್​ ಸೆಟ್ಲ್​ಮೆಂಟ್​ (ಒಟಿಎಸ್​) ಯೋಜನೆಗೆ ರಾಜ್ಯ ಸರ್ಕಾರವು ಹಸಿರುನಿಶಾನೆ ತೋರಿದ್ದು, ಯೋಜನೆ ಅನುಷ್ಠಾನಕ್ಕೆ ತರುವಂತೆ ಆದೇಶ ಹೊರಡಿಸಿದೆ. ರಿಯಾಯಿತಿ ಪಾವತಿಗೆ 2026ರ ಜ.1ರಿಂದ ಮಾ.31ವರೆಗೆ ಅವಕಾಶ ಕಲ್ಪಿಸಲು ಜಲಮಂಡಳಿ ತೀರ್ಮಾನಿಸಿದೆ. ಏಕಕಾಲಿಕ ಸೆಟ್ಲ್​ಮೆಂಟ್​ ಯೋಜನೆಯನ್ನು 3 ತಿಂಗಳ ಸೀಮಿತ ಅವಧಿಗೆ ಜಾರಿಗೊಳಿಸಲಾಗುತ್ತಿದ್ದು, ಸರ್ಕಾರದ ವಿವಿಧ ಇಲಾಖೆಗಳಲ್ಲಿ ಬಾಕಿಯಾದ ಮೊತ್ತಗಳನ್ನು ಲೆಕ್ಕಪತ್ರದಲ್ಲಿ ಸಮನ್ವಯಗೊಳಿಸಲು ಈ ಯೋಜನೆ ರೂಪಿಸಲಾಗಿದೆ. 

ಯೋಜನೆಯಿಂದ ಗೃಹ ಮತ್ತು ವಾಣಿಜ್ಯ ಸಂಪರ್ಕ ಹೊಂದಿರುವ ಗ್ರಾಹಕರು ತಮ್ಮ ಬಾಕಿ ಹಣವನ್ನು ಸುಲಭವಾಗಿ ತೀರಿಸಿಕೊಳ್ಳಲು ಅವಕಾಶ ಕಲ್ಪಿಸಲಾಗಿದೆ. ಬಡ್ಡಿ, ದಂಡ ಹಾಗೂ ದಂಡದ ಶುಲ್ಕಗಳನ್ನು ಸಂಪೂರ್ಣವಾಗಿ ಮನ್ನಾ ಮಾಡುವುದರಿಂದ ಗ್ರಾಹಕರ ಮೇಲಿನ ಹೊರೆ ಕಡಿಮೆಯಾಗಲಿದೆ. ನೀರಿನ ಬಿಲ್​ ಬಾಕಿ ಇರುವ ಪ್ರಕರಣಗಳು ದಿನದಿನಕ್ಕೆ ಹೆಚ್ಚಾಗುತ್ತಿರುವುದಲ್ಲದೆ, ಬಾಕಿ ಮೊತ್ತಕ್ಕೆ ಬಡ್ಡಿ ಮೊತ್ತವೂ ಹೆಚ್ಚಾಗುತ್ತಿದೆ. ಇದರಿಂದ ಹಲವು ಗ್ರಾಹಕರು ದೀರ್ ಕಾಲದಿಂದ ನೀರಿನ ಬಿಲ್​ ಪಾವತಿಸದೇ ಉಳಿದಿದ್ದಾರೆ. ೆಬ್ರವರಿವರೆಗೆ ಗ್ರಾಹಕರು ಉಳಿಸಿಕೊಂಡಿರುವ ನೀರಿನ ಬಾಕಿ ಒಟ್ಟು ಮೊತ್ತವು 701.71 ಕೋಟಿ ರೂ. ಇದ್ದು, ಈ ಮೊತ್ತದಲ್ಲಿ ಅಸಲು ಮೊತ್ತವು 439.03 ಕೋಟಿ ರೂ. ಇದೆ. ಅಲ್ಲದೆ, 262.68 ಕೋಟಿ ರೂ. ಕೇವಲ ಬಾಕಿ ಇರುವ ಬಡ್ಡಿ ಮೊತ್ತವಾಗಿದೆ.

ಗ್ರಾಹಕರಿಂದ ನೀರಿನ ಬಿಲ್​ನ ಬಾಕಿ ಮೊತ್ತವನ್ನು ಸಂಗ್ರಹಿಸುವ ದೃಷ್ಟಿಯಿಂದ ಬಡ್ಡಿ ಮೊತ್ತವನ್ನು ಮನ್ನಾ ಮಾಡಿ, ಅಸಲು ಮಾತ್ರ ಪಡೆದುಕೊಳ್ಳಲು ಜಲಮಂಡಳಿ ತೀರ್ಮಾನಿಸಿದೆ. ಸದರಿ ಯೋಜನೆ ಜಾರಿಗೆ ತರಲು ಜಲಮಂಡಳಿ ಮಾ. 18ರಂದು ನಡೆದ ಸಭೆಯಲ್ಲಿ ಸರ್ಕಾರದ ಅನುಮೋದನೆಗಾಗಿ ಪ್ರಸ್ತಾವನೆ ಸಲ್ಲಿಸಿತ್ತು. ನವೆಂಬರ್​ನಲ್ಲಿ ಈ ಯೋಜನೆಗೆ ಸರ್ಕಾರ ಅನುಮೋದನೆ ಲಭಿಸಿದೆ.

ನೀರು ಮೂಲಭೂತ ಅಗತ್ಯವಾಗಿರುವ ಕಾರಣ ಸಂಪರ್ಕ ಕಡಿತಗೊಳಿಸುವುದು ಕಷ್ಟ. ಸಾರ್ವಜನಿಕರಿಗೆ ತೊಂದರೆಯಾಗುವ ಹಿನ್ನೆಲೆಯಲ್ಲಿ ನೀರಿನ ಸರಬರಾಜನ್ನು ಸ್ಥಗಿತಗೊಳಿಸಲಾಗಲಿಲ್ಲ. ಇದನ್ನೇ ಕೆಲವು ಸಂಸ್ಥೆಗಳು ದುರುಪಯೋಗ ಮಾಡಿಕೊಂಡು ನಿರಂತರವಾಗಿ ಬಾಕಿ ಉಳಿಸಿಕೊಂಡಿವೆ. ಆದರೆ, ಈ ಆರ್​ ಮೂಲಕ ಬಾಕಿ ಮೊತ್ತವನ್ನು ಪಾವತಿಸಲು ಬಾಕಿ ಇರುವವರು 3 ತಿಂಗಳ ಒಳಗಾಗಿ ತಮ್ಮ ಲೆಕ್ಕ ಚುಕ್ತಾ ಮಾಡಬಹುದು. ಇದರಿಂದ ಜಲಮಂಡಳಿಯಲ್ಲಿ ಬಾಕಿ ಇರುವ ಪ್ರಕರಣಗಳ ಸಂಖ್ಯೆ ಕಡಿತವಾಗಲಿದೆ. ಆ್ಯಪ್​ ಮೂಲಕ ಅಸಲು ಸಂಗ್ರಹಣೆಗೆ ಜಲಮಂಡಳಿ ಸಿದ್ಧತೆ ನಡೆಸುತ್ತಿದ್ದು, ಸುಲಭದಲ್ಲಿ ಸೇವೆ ಲಭಿಸಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

* ಜಲಮಂಡಳಿ ಒಟ್ಟು ಸಂಪರ್ಕ: 10.15 ಲಕ್ಷ

* ತಿಂಗಳ ಸಂಗ್ರಹ: 120ರಿಂದ130 ಕೋಟಿ ರೂ.

* ವಾರ್ಷಿಕ ಆದಾಯ: 1,489 ಕೋಟಿ ರೂ.

* ನೀರಿನ ಬಿಲ್​ ಬಾಕಿ ಪಾವತಿ ಮೊತ್ತ: 701 ಕೋಟಿ ರೂ.

* ಬಾಕಿ ಮೊತ್ತದಲ್ಲಿನ ಅಸಲು: 439.03 ಕೋಟಿ ರೂ.

* ಬಡ್ಡಿ ಮತ್ತು ದಂಡ: 262.6 ಕೋಟಿ ರೂ.