ಡಬಲ್​ ಡೆಕ್ಕರ್​ ಕನಸಿಗೆ ಕೇಂದ್ರ ಅಸ್ತು?|metro

ಹಲವು ತಿಂಗಳಿಂದ ಅನಿಶ್ಚಿತತೆಯಲ್ಲಿ ಸಿಲುಕಿದ್ದ ನಮ್ಮ ಮೆಟ್ರೋ ಹಂತ&-3 ಯೋಜನೆಗೆ ಕೊನೆಗೂ ಜೀವ ಬಂದಂತಾಗಿದೆ. ಡಬಲ್​ ಡೆಕ್ಕರ್​ ಮಾದರಿಯ ವಿನ್ಯಾಸದ ಕಾರಣದಿಂದ ಕೇಂದ್ರ ಸರ್ಕಾರದ ಅನುಮೋದನೆಗಾಗಿ ಕಾಯುತ್ತಿದ್ದ ಈ ಮಹತ್ವಾಕಾಂಕ್ಷಿ ಯೋಜನೆಗೆ ಶೀಘ್ರದಲ್ಲೇ ಹಸಿರು ನಿಶಾನೆ ಸಿಗುವ ಸಾಧ್ಯತೆ ದಟ್ಟವಾಗಿದೆ. ಕೇಂದ್ರ ಸಚಿವ ಸಂಪುಟದ ಮುಂದಿನ ಸಭೆಗಳಲ್ಲಿ ಯೋಜನೆಗೆ ಅಧಿಕೃತ ಮುದ್ರೆ ಬೀಳುವ ಸಾಧ್ಯತೆ ಇದೆ.

ನಗರದ ಪಶ್ಚಿಮ ಭಾಗದ ಸಂಚಾರ ದಟ್ಟಣೆಗೆ ಪರಿಹಾರ ಕಲ್ಪಿಸುವ ಉದ್ದೇಶದಿಂದ ರೂಪಿಸಲಾಗಿರುವ ಹಂತ &3 ಯೋಜನೆಯ ಒಟ್ಟು ಉದ್ದ 44.65 ಕಿ.ಮೀ. ಆಗಿದೆ. ಇದರಲ್ಲಿ ಜೆ.ಪಿ.ನಗರ 4ನೇ ಹಂತದಿಂದ ಕೆಂಪಾಪುರದವರೆಗೆ 32.15 ಕಿ.ಮೀ. ಉದ್ದದ ಮಾರ್ಗ ಹಾಗೂ ಹೊಸಹಳ್ಳಿಯಿಂದ ಕಡಬಗೆರೆಯವರೆಗೆ 12.50 ಕಿ.ಮೀ. ಉದ್ದದ ಮತ್ತೊಂದು ಮಾರ್ಗ ನಿಮಾರ್ಣವಾಗಲಿದೆ. ನಗರದಲ್ಲಿ ವೇಗವಾಗಿ ಬೆಳೆಯುತ್ತಿರುವ ವಸತಿ ಮತ್ತು ವಾಣಿಜ್ಯ ಪ್ರದೇಶಗಳನ್ನು ಸಂಪರ್ಕಿಸುವ ಈ ಮಾರ್ಗಗಳು ಲಕ್ಷಾಂತರ ಪ್ರಯಾಣಿಕರಿಗೆ ಅನುಕೂಲ ಕಲ್ಪಿಸಲಿವೆ.

ಈ ಯೋಜನೆಯ ಪ್ರಮುಖ ಆಕರ್ಷಣೆ ಡಬಲ್​ ಡೆಕ್ಕರ್​ ವ್ಯವಸ್ಥೆ. ಕೆಳಹಂತದಲ್ಲಿ ರಸ್ತೆ ಸಂಚಾರಕ್ಕೆ ಮೇಲ್ಸೇತುವೆ ನಿಮಾರ್ಣವಾಗಲಿದ್ದು, ಅದರ ಮೇಲ್ಭಾಗದಲ್ಲಿ ಮೆಟ್ರೋ ಮಾರ್ಗ ಅಭಿಚೃದ್ಧಿಯಾಗಲಿದೆ. ಒಂದೇ ಕಾಮಗಾರಿಯಲ್ಲಿ ಎರಡು ಸಾರಿಗೆ ಮೂಲಸೌಕರ್ಯಗಳನ್ನು ನಿರ್ಮಿಸುವ ಮೂಲಕ ಜಾಗದ ಸಮರ್ಪಕ ಬಳಕೆ ಹಾಗೂ ವೆಚ್ಚದ ಉಳಿತಾಯ ಸಾಧ್ಯವಾಗಲಿದೆ ಎಂಬುದು ಅಧಿಕಾರಿಗಳ ಅಭಿಪ್ರಾಯ.

ಹಂತ-&3ಕ್ಕೆ ರಾಜ್ಯ ಸಚಿವ ಸಂಪುಟ ಈಗಾಗಲೇ ಅನುಮೋದನೆ ನೀಡಿದ್ದು, ಕೇಂದ್ರ ಸರ್ಕಾರದ ಅಂತಿಮ ಒಪ್ಪಿಗೆ ಮಾತ್ರ ಬಾಕಿಯಿದೆ. ಡಬಲ್​ ಡೆಕ್ಕರ್​ ವಿನ್ಯಾಸದ ತಾಂತ್ರಿಕ ಅಂಶಗಳ ಕುರಿತು ನಡೆದ ಪರಿಶೀಲನೆಯಿಂದ ಅನುಮೋದನೆ ಪ್ರಕ್ರಿಯೆ ವಿಳಂಬವಾಗಿತ್ತು. ಆ ಅಡೆತಡೆಗಳು ನಿವಾರಣೆಯಾದ ಬಳಿಕ ಯೋಜನೆಗೆ ವೇಗ ಸಿಗುವುದೆಂದು ನಿರೀಸಲಾಗಿದೆ.

ಕೇಂದ್ರದ ಅನುಮೋದನೆ ದೊರೆತ ಕೂಡಲೇ ಭೂಸ್ವಾಧಿನ ಪ್ರಕ್ರಿಯೆ, ಟೆಂಡರ್​ ಆಹ್ವಾನ ಹಾಗೂ ಕಾಮಗಾರಿಗೆ ಚಾಲನೆ ನೀಡಲು ಬಿಎಂಆರ್​ಸಿಎಲ್​ ಸಿದ್ಧತೆ ನಡೆಸಿದೆ. ಈಗಾಗಲೇ ಹಂತ&2 ಮತ್ತು ವಿಮಾನ ನಿಲ್ದಾಣ ಮಾರ್ಗದ ಕಾಮಗಾರಿ ವಿಳಂಬದಿಂದ ಸಂಕಷ್ಟ ಅನುಭವಿಸುತ್ತಿರುವ ಬೆಂಗಳೂರಿಗರು, ಹಂತ&3 ಮಾತ್ರ ನಿಗದಿತ ವೇಳಾಪಟ್ಟಿಯಂತೆ ಪೂರ್ಣಗೊಳ್ಳಲಿ ಎಂಬ ಆಶಾಭಾವನೆ ವ್ಯಕ್ತಪಡಿಸಿದ್ದಾರೆ.

ನಮ್ಮ ಮೆಟ್ರೋ ಹಂತ-&3 ಯೋಜನೆಯು ಅನುಮೋದನೆ ಪಡೆಯಲು ಯಾಕೆ ವಿಳಂಬವಾಗುತ್ತಿದೆ? ಶ್ರೀ ಸಮಸ್ಯೆಗೆ ಪರಿಹಾರ ನೀಡುವಂತೆ ಸಂಸದರಾದ ಪಿ.ಸಿ. ಮೋಹನ್​ ಹಾಗೂ ತೇಜಸ್ವಿ ಸೂರ್ಯ ಅವರಲ್ಲಿ ಉದ್ಯಮಿ ಮೋಹನ್​ ದಾಸ್​ ಪೈ ಅವರು ಜಾಲತಾಣ ಎಕ್ಸ್​ನಲ್ಲಿ ಪೋಸ್ಟ್​ ಮಾಡುವ ಮೂಲಕ ಆಗ್ರಹಿಸಿದ್ದಾರೆ.

ಬಹುನಿರೀಕ್ಷಿತ ನಮ್ಮ ಮೆಟ್ರೋ ಹಂತ-&3 ಯೋಜನೆಗೆ ಕೇಂದ್ರ ಸರ್ಕಾರದ ಅನುಮೋದನೆ ಶೀಘ್ರದಲ್ಲೇ ದೊರೆಯುವ ಸಾಧ್ಯತೆ ಹೆಚ್ಚಾಗಿವೆ. ಯೋಜನೆಗೆ ಸೇರ್ಪಡೆಯಾಗಿರುವ ಸುಮಾರು 9,700 ಕೋಟಿ ರೂ. ವೆಚ್ಚದ ಡಬಲ್​ ಡೆಕ್ಕರ್​ ಕಾರಿಡಾರ್​ ಆರ್ಥಿಕವಾಗಿ ಲಾಭದಾಯಕವೇ ಎಂಬ ಅನುಮಾನಗಳು ವ್ಯಕ್ತವಾಗಿದ್ದರೂ, ಇದೀಗ ಆ ಆತಂಕಗಳಿಗೆ ತೆರೆಬಿದ್ದಿದೆ.

— ಪಿ.ಸಿ. ಮೋಹನ್​, ಸಂಸದ