ಡಬಲ್ ಡೆಕ್ಕರ್ ನಿಮಾರ್ಣಕ್ಕೆ ಹಲವು ತಾಂತ್ರಿಕ ಅಡಚಣೆಗಳಿವೆ. ಈಗಾಗಲೇ ಇರುವ ಮೇಲ್ಸೇತುವೆಗಳು ಹಾಗೂ ಮೆಟ್ರೋ ಮಾರ್ಗಗಳನ್ನು ದಾಟಬೇಕಾಗುತ್ತದೆ. ಅದಕ್ಕಾಗಿ ಸುಮಾರು 35 ಮೀಟರ್ ಎತ್ತರಕ್ಕೆ ಮಾರ್ಗವನ್ನು ಏರಿಸಬೇಕಾಗಬಹುದು. ಇದರಿಂದ ನಿಮಾರ್ಣ, ನಿರ್ವಹಣೆ ಹಾಗೂ ಸಂಚಾರ ನಿರ್ವಹಣೆ ಮತ್ತಷ್ಟು ಸಂಕೀರ್ಣವಾಗಲಿದೆ. ಹೀಗಾಗಿ 37 ಕಿ.ಮೀ. ಯೋಜನೆಯನ್ನು ಸುಮಾರು 11 ಕಿ.ಮೀ.ಗೆ ಸೀಮಿತಗೊಳಿಸುವ ಸಾಧ್ಯತೆ ಇದೆ. ಹೆಬ್ಬಾಳ, ಬಿಇಎಲ್ ಸರ್ಕಲ್, ಗೊರಗುಂಟೆಪಾಳ್ಯ, ಸುಮನಹಳ್ಳಿ ಕ್ರಾಸ್, ನಾಗರಬಾವಿ, ನಾಯಂಡಹಳ್ಳಿ, ಕಾಮಾಕ್ಯ ಜಂಕ್ಷನ್, ಸರಕ್ಕಿ ಜಂಕ್ಷನ್, ಡೆಲ್ಮಿಯಾ ಫ್ಲೈಓವರ್ ಹಾಗೂ ವೆಗಾ ಸಿಟಿ ಮಾಲ್ ಸುತ್ತಮುತ್ತಲಿನ ಸಂಚಾರದ ಒತ್ತಡದ ಆಧಾರದ ಮೇಲೆ ಅಂತಿಮವಾಗಿ ಮಾರ್ಗಗಳನ್ನು ಆಯ್ಕೆ ಮಾಡುವ ಸಾಧ್ಯತೆ ಇದೆ.
