ಪರೀಕ್ಷೆ ಪಾಸಾದರೂ ಹುದ್ದೆಗೆ ಅರ್ಹತೆ ಇಲ್ಲ! ಪಿಎಸ್​ಐ ಅರ್ಜಿ ವಜಾಗೊಳಿಸಿದ ಹೈಕೋರ್ಟ್​

ಸರ್ಕಾರಿ ಉದ್ಯೋಗದಲ್ಲಿರುವುದನ್ನು ಬಹಿರಂಗಪಡಿಸದೆ ಕೆಪಿಎಸ್​ಸಿ ನಡೆಸುವ ಗೆಜೆಟೆಡ್​ ಪ್ರೊಬೇಷನರ್ಸ್​ ಗ್ರೂಪ್​ "ಎ' ಮತ್ತು "ಬಿ' ಹುದ್ದೆಗೆ ಅರ್ಜಿ ಸಲ್ಲಿಸಿ ಪರೀೆಯಲ್ಲಿ ಆಯ್ಕೆಯಾಗಿದ್ದ ಪಿಎಸ್​ಐ ಎಂ. ಗೀತಾ ಎಂಬುವರ ಉಮೇದುವಾರಿಕೆ ರದ್ದುಪಡಿಸಿದ್ದ ಕೆಪಿಎಸ್​ಸಿ ಆದೇಶವನ್ನು ಎತ್ತಿಹಿಡಿದಿರುವ ನ್ಯಾಯಮೂರ್ತಿಗಳಾದ ಡಿ.ಕೆ. ಸಿಂಗ್​ ಮತ್ತು ಎಚ್​. ಶಾಂತಿಭೂಷಣ್​ ಅವರಿದ್ದ ವಿಭಾಗೀಯ ನ್ಯಾಯಪೀಠ ಈ ತೀರ್ಪು ನೀಡಿದೆ.

ಕೆಪಿಎಸ್​ಸಿ ಕ್ರಮ ಪ್ರಶ್ನಿಸಿ ಗೀತಾ ಕರ್ನಾಟಕ ಆಡಳಿತಾತ್ಮಕ ನ್ಯಾಯಮಂಡಳಿ (ಕೆಎಸ್​ಎಟಿ) ಮೊರೆ ಹೋಗಿದ್ದರು. ಆನ್​ಲೈನ್​ ಅರ್ಜಿ ಸಲ್ಲಿಸುವ ಸಂದರ್ಭದಲ್ಲಿ ತಪ್ಪನ್ನು ಸರಿಪಡಿಸಲು ಅವಕಾಶವಿರಲಿಲ್ಲ. ಹೀಗಾಗಿ ಸರ್ಕಾರಿ ನೌಕರರಾಗಿರುವುದನ್ನು ನಮೂದಿಸದೇ ಇರುವುದು ಅಜಾಗರೂಕತೆಯಿಂದಾದ ತಪ್ಪು ಎಂದು ಪರಿಗಣಿಸಿದ್ದ ಕೆಎಸ್​ಎಟಿ, ಅವರ ಅರ್ಜಿಯನ್ನು ಪುರಸ್ಕರಿಸಿತ್ತು. ಈ ಆದೇಶ ಪ್ರಶ್ನಿಸಿ ಕೆಪಿಎಸ್​ಸಿ ಹೈಕೋರ್ಟ್​ ಮೆಟ್ಟಿಲೇರಿತ್ತು. ಇದೀಗ ಕೆಎಸ್​ಎಟಿ ಆದೇಶವನ್ನು ಹೈಕೋರ್ಟ್​ ರದ್ದುಪಡಿಸಿದೆ.

ಸರ್ಕಾರಿ ನೌಕರರಾಗಿರುವುದನ್ನು ಅರ್ಜಿ ಸಲ್ಲಿಸುವ ವೇಳೆ ಬಹಿರಂಗಪಡಿಸದೆ, ಬಳಿಕ ದಾಖಲೆ ಪರಿಶೀಲನೆ ವೇಳೆ ಮಾಹಿತಿ ನೀಡಿದ ಅಭ್ಯರ್ಥಿಯು ಪರೀೆಯಲ್ಲಿ ಯಶಸ್ವಿಯಾದರೂ, ಹುದ್ದೆ ನೀಡಲಾಗದು. 2007ರಿಂದ ಸರ್ಕಾರಿ ಸೇವೆಯಲ್ಲಿರುವ ಅಭ್ಯರ್ಥಿಗೆ ಮಾಹಿತಿ ಬಹಿರಂಗಪಡಿಸದೆ ಇರುವುದರಿಂದಾಗುವ ಪರಿಣಾಮದ ಬಗ್ಗೆ ಅರಿವಿರಲಿಲ್ಲ ಎಂದು ಹೇಳಲಾಗದು. ಅದರಲ್ಲೂ ಪರೀೆಗೆ ಹಾಜರಾಗಲು ಸಕ್ಷಮ ಪ್ರಾಧಿಕಾರದಿಂದ ಎನ್​ಒಸಿ ಪಡೆದಿದ್ದರು. ಹೀಗಿದ್ದರೂ ಪ್ರಾಥಮಿಕ ಮತ್ತು ಮಖ್ಯ ಪರೀೆಯ ಅರ್ಜಿಗಳಲ್ಲಿ ಮಾಹಿತಿ ಮುಚ್ಚಿಟ್ಟಿರುವುದು ಗಂಭೀರ ಸಂಗತಿ. ಆದ್ದರಿಂದ ಅವರು ಮೊದಲು ಕೆಲಸ ಮಾಡಿದ ಸ್ಥಳದಲ್ಲಿಯೇ ಪರೀಕ್ಷಾ ಕೇಂದ್ರ ಸಿಕ್ಕಿದೆ. ಇದು ಪರೀಕ್ಷಾ ಪ್ರಕ್ರಿಯೆಯ ಮೇಲೆ ಪರಿಣಾಮ ಬೀರುತ್ತದೆ ಎಂದು ಕೋರ್ಟ್​ ಅವಲೋಕನ ಮಾಡಿದೆ.