ಬಿಡಿಎ ಮಾರುಕಟ್ಟೆ ವಿಭಾಗದ ಇಇ ಅವರು ಜಿಬಿಎಗೆ ಬರೆದಿರುವ ಪತ್ರದಲ್ಲಿ ಮರಗಳ ಸಂಖ್ಯೆ ಬಗ್ಗೆ ನಿಖರ ಮಾಹಿತಿ ನೀಡಿಲ್ಲ. ಇಇ ಪ್ರಕಾರ ಕಾಂಪ್ಲೆಕ್ಸ್ ಆವರಣದಲ್ಲಿ 143 ಮರಗಳಿವೆ. ಇವುಗಳಲ್ಲಿ 49 ಮರಗಳನ್ನು ಮಾತ್ರ ತೆರವುಗೊಳಿಸುತ್ತಿದ್ದು, ಇತರ 12 ಮರಗಳನ್ನು ಸ್ಥಳಾಂತರಿಸಲಾಗುತ್ತದೆ. ಅಲ್ಲದೆ ಹೊಸ ವಾಣಿಜ್ಯ ಸಂಕೀರ್ಣದ ನಕ್ಷೆಗೆ ಅಡ್ಡಿಯಾಗದಂತೆ ಇತರ 82 ಮರಗಳನ್ನು ಆವರಣದಲ್ಲಿಯೇ ಉಳಿಸಿಕೊಳ್ಳುವ ಪ್ರಸ್ತಾಪ ಇದೆ ಎಂಬುದಾಗಿ ಪ್ರಸ್ತಾವನೆಯಲ್ಲಿ ತಿಳಿಸಿದ್ದರು. ಆದರೆ, ಮಳಿಗೆ ನಿರ್ಮಿಸುವ ಜಾಗದಲ್ಲಿರುವ ಮರಗಳ ಸಂಖ್ಯೆಯನ್ನು ಪ್ರಸ್ತಾವನೆಯಲ್ಲಿ ಉಲ್ಲೇಖಿಸಿಲ್ಲ. ಹಾಗಾಗಿ ಪ್ರಾಧಿಕಾರಕ್ಕೆ ಮರಗಳ ತೆರವು ವಿಚಾರದಲ್ಲಿ ನಿಖರತೆ ಇಲ್ಲ ಎಂದು ಪರಿಸರವಾದಿಗಳು ಆಕ್ಷೇಪಿಸಿದ್ದಾರೆ.
