ಲಭ್ಯ ಅನುದಾನದಲ್ಲೇ ಪರಿಣಾಮಕಾರಿ ಬಳಕೆಗೆ ಸಲಹೆ

2026-27ನೇ ಸಾಲಿನ ಆಯವ್ಯಯದಲ್ಲಿ ಪ್ರಕಟಿಸಿರುವ ಕಾರ್ಯಕ್ರಮಗಳ ಜಾರಿಗೆ ಪಾಲಿಕೆಯ ಹಿರಿಯ ಅಧಿಕಾರಿಗಳು ಹಾಗೂ ವಿವಿಧ ತಜ್ಞರ ಸಮ್ಮುಖದಲ್ಲಿ ಗುರುವಾರ ಆಯೋಜಿಸಿದ್ದ ಕ್ರಿಯಾ ಯೋಜನೆ ಸಿದ್ಧಪಡಿಸುವ ಕಾರ್ಯಾಗಾರದಲ್ಲಿ ಈ ಅಭಿಪ್ರಾಯ ವ್ಯಕ್ತವಾಯಿತು. ತಜ್ಞರು ನೀಡಿದ ಸಲಹೆ-ಸೂಚನೆಗಳನ್ನು ಆಧರಿಸಿ ಬಜೆಟ್ ಯೋಜನೆಗಳನ್ನು ಅನುಷ್ಠಾನಕ್ಕೆ ತರಲಾಗುವುದು ಎಂದು ದಕ್ಷಿಣ ಪಾಲಿಕೆ ಆಯುಕ್ತ ಕೆ.ಎನ್. ರಮೇಶ್ ಭರವಸೆ ನೀಡಿದರು.

ಪಾಲಿಕೆಯ ಆಯುಕ್ತ ಕೆ.ಎನ್. ರಮೇಶ್ ಮಾತನಾಡಿ, ಸಾರ್ವಜನಿಕರ ಕೆಲಸ ಮಾಡುವ ವಿಚಾದಲ್ಲಿ ನಮ್ಮ ಎಂಜಿನಿಯರ್‌ಗಳು ಮತ್ತು ಅಧಿಕಾರಿಗಳು ಭಿನ್ನವಾಗಿ ಯೋಚಿಸಬೇಕಾಗಿದೆ. ಲಭ್ಯವಿರುವ ಸಂಪನ್ಮೂಲ ವ್ಯರ್ಥ ಮಾಡದೆ ಸಾರ್ವಜನಿಕರ ಆದ್ಯತೆಗಳಿಗೆ ತಕ್ಕಂತೆ ಕನಿಷ್ಠ ಬಂಡವಾಳ, ಗರಿಷ್ಠ ಪ್ರಭಾವ ಇರುವಂತಹವುಗಳಿಗೆ ಮಾತ್ರ ಖರ್ಚು ಮಾಡಬೇಕು ಎಂದು ಸೂಚನೆ ನೀಡಿದರು.

ಸ್ಥಳೀಯ ಮಟ್ಟದಲ್ಲಿ ಸ್ಥಿತಿಸ್ಥಾಪಕತ್ವ ಯೋಜನೆಯನ್ನು ಪ್ರಾಯೋಗಿಕವಾಗಿ ಅನುಷ್ಠಾನಗೊಳಿಸಲು ‘ವಾರ್ಡ್’ ಅನ್ನು ಒಂದು ಘಟಕವಾಗಿ ಪರಿಗಣಿಸಲು ನಿರ್ಧರಿಸಲಾಯಿತು. ಇದಕ್ಕಾಗಿ ಬೆಂಗಳೂರಿನ ಪಾರಂಪರಿಕ ಊರು ಎಂದು ಗುರುತಿಸಿರುವ ‘ಬೇಗೂರು’ ಅನ್ನು ಪೈಲಟ್ ಯೋಜನೆಯಾಗಿ ಆಯ್ಕೆ ಮಾಡಲಾಗಿದೆ.

ಕಾರ್ಯಾಗಾರದಲ್ಲಿ ಪಾಲಿಕೆಯ ಮುಖ್ಯ ಎಂಜಿನಿಯರ್‌ಗಳಾದ ಬಸವರಾಜ ಕಬಾಡೆ, ಕೆ.ವಿ. ರವಿ, ಎಚ್‌ಎಸ್‌ಆರ್ ಲೇಔಟ್ ಸಿಟಿಜನ್ ಫೋರಂನ ಡಾ. ಶಾಂತಿ, ಡಬ್ಲ್ಯುಆರ್‌ಐ ಸಂಸ್ಥೆಯ ಶ್ರೀನಿವಾಸ್ ಅಲಿವಿಲ್ಲಿ, ವಾಕಲೂರು ಸಂಸ್ಥೆಯ ಅರುಣ್ ಪೈ ಸೇರಿ ಬಿ-ಪ್ಯಾಕ್, ವೆಲ್ ಲ್ಯಾಬ್ಸ್, ಹಸಿರು ದಳ, ಜನ ಸಾಹಸ್, ಕ್ರಿಯೇಟ್ ಫೌಂಡೇಶನ್ ವೇದಿಕೆಯ ಪ್ರಮುಖರು ಹಾಗೂ ವಿವಿಧ ತಜ್ಞರು ಭಾಗವಹಿಸಿದ್ದರು.

1. ಪಾದಚಾರಿ ಮಾರ್ಗ ಹಾಗೂ ಕಸದ ಬ್ಲ್ಯಾಕ್‌ಸ್ಪಾಟ್‌ಗಳ ನಿರ್ಮೂಲನೆ

2. ಸುರಕ್ಷಿತ ರಸ್ತೆ ಮತ್ತು ಜಂಕ್ಷನ್ ಅಭಿವೃದ್ಧಿ

3. ಸಾರ್ವಜನಿಕ ಸ್ಥಳಗಳು ಮತ್ತು ಹಸಿರೀಕರಣ

4. ಸ್ಥಳೀಯ ಮಟ್ಟದಲ್ಲಿ ಸ್ಥಿತಿಸ್ಥಾಪಕತ್ವ

5. ಹವಾಮಾನ ವೈಪರೀತ್ಯ ಮತ್ತು ಜಲಕ್ಷಾಮ ಎದುರಿಸಲು ಕಾರ್ಯಸೂಚಿ

6. ಸೌಲಭ್ಯ ವಂಚಿತ ವರ್ಗಗಳ ರಕ್ಷಣೆ

7. ಕಾರ್ಯಕ್ರಮಗಳ ಜಾರಿಗೆ ಸಮುದಾಯದ ಸಹಭಾಗಿತ್ವ

"

ಆಯವ್ಯಯವು ಕಾಗದದ ಮೇಲಿನ ಬಜೆಟ್ ಆಗಿ ಉಳಿಯದೆ ನೆಲಮಟ್ಟದಲ್ಲಿ ತೀವ್ರ ಬದಲಾವಣೆ ತರುವಂತಹ ಪ್ರಭಾವಶಾಲಿ ಕ್ರಿಯಾ ಯೋಜನೆಯಾಗಲಿದೆ. ಎಂದಿನ ಸಾಂಪ್ರದಾಯಿಕ ಪ್ರಕ್ರಿಯೆಯಿಂದ ಹೊರಬಂದು ಆಧುನಿಕ ಹಾಗೂ ಪ್ರಾಯೋಗಿಕ ತಂತ್ರಜ್ಞಾನಗಳನ್ನು ಇದರಲ್ಲಿ ಬಳಸಿಕೊಳ್ಳಲಾಗುತ್ತಿದೆ.

- ಡಾ. ನವೀನ್‌ಕುಮಾರ್ ರಾಜು, ದಕ್ಷಿಣ ಪಾಲಿಕೆ ಹೆಚ್ಚುವರಿ ಆಯುಕ್ತ