ಸ್ವಚ್ಛತಾ ಅಭಿಯಾನದಲ್ಲಿ 25 ಪಾರ್ಕ್, 12 ಪ್ಲೇಗ್ರೌಂಡ್ ಶುಚಿ

ಸ್ವಚ್ಛ ಸರ್ವೇಕ್ಷಣ 2025-26ರ ಶ್ರೇಯಾಂಕ ಸ್ಪರ್ಧೆಯ ಹಿನ್ನೆಲೆಯಲ್ಲಿ 3ನೇ ಹಂತದ ವಿಶೇಷ ಸ್ವಚ್ಛತಾ ಅಭಿಯಾನದ ವೇಳೆ ಪಾಲಿಕೆಯ 6 ವಿಭಾಗಗಳಲ್ಲಿ ಈ ಶುಚಿ ಕಾರ್ಯವನ್ನು ಕೈಗೊಳ್ಳಲಾಗಿದೆ ಎಂದು ಆಯುಕ್ತ ಜಿ.ಜಗದೀಶ್ ತಿಳಿಸಿದ್ದಾರೆ.

ಉದ್ಯಾನ ಹಾಗೂ ಆಟದ ಮೈದಾನಗಳನ್ನು ಸ್ವಚ್ಛ, ಸುರಕ್ಷಿತ ಹಾಗೂ ಸಾರ್ವಜನಿಕರ ಬಳಕೆಗೆ ಅನುವು ಮಾಡಿಕೊಡುವ ಉದ್ದೇಶದಿಂದ 25 ಪಾರ್ಕ್ ಹಾಗೂ 12 ಪ್ಲೇಗ್ರೌಂಡ್ ಸೇರಿ ಒಟ್ಟು 37 ಸ್ಥಳಗಳನ್ನು ಸಮಗ್ರವಾಗಿ ಸ್ವಚ್ಛಗೊಳಿಸಲಾಗಿದೆ. ಈ ವೇಳೆ ಶಾಂತಿನಗರ - 6, ಸಿ.ವಿ. ರಾಮನ್‌ನಗರ - 9, ಶಿವಾಜಿನಗರ - 5, ಗಾಂಧಿನಗರ - 7, ಚಾಮರಾಜಪೇಟೆ- 2 ಹಾಗೂ ಚಿಕ್ಕಪೇಟೆಯ 8 ಸ್ಥಳಗಳಲ್ಲಿ ಒಟ್ಟು 1,543 ಕೆ.ಜಿ. ತ್ಯಾಜ್ಯವನ್ನು ತೆರವುಗೊಳಿಸಲಾಗಿದೆ. ಸ್ವಚ್ಛತಾ ಕಾರ್ಯದಲ್ಲಿ 270 ಪೌರಕಾರ್ಮಿಕರು ಹಾಗೂ 88 ಆರೋಗ್ಯ ಮತ್ತು ಸ್ವಚ್ಛತಾ ಸಿಬ್ಬಂದಿ ಭಾಗಿಯಾಗಿದ್ದರು.