16.80 ಕಿ.ಮೀ. ಉದ್ದದ ಫುಟ್‌ಪಾತ್ ಒತ್ತುವರಿ ತೆರವು

ಉತ್ತರ ಪಾಲಿಕೆ ವ್ಯಾಪ್ತಿಯ ಟ್ಯಾನರಿ ರಸ್ತೆ, ಎಂ.ಎಸ್. ಪಾಳ್ಯ, ದಾಸರಹಳ್ಳಿಯ ಕಮ್ಮಾರನಹಳ್ಳಿಯ ವಿವಿಧ ಸ್ಥಳಗಳಲ್ಲಿ ಒಟ್ಟು 2.80 ಕಿ.ಮೀ. ಉದ್ದದಷ್ಟು ತೆರವು ಕಾರ್ಯವನ್ನು ಕೈಗೊಳ್ಳಲಾಯಿತು. 3 ಜೆಸಿಬಿ, 8 ಟ್ರ್ಯಾಕ್ಟರ್, 2 ಟಿಪ್ಪರ್ ಹಾಗೂ 50 ಕಾರ್ಮಿಕರನ್ನು ಬಳಸಿಕೊಳ್ಳಲಾಯಿತು.

ಕೇಂದ್ರ ಪಾಲಿಕೆ ವ್ಯಾಪ್ತಿಯಲ್ಲಿ ಕಗ್ಗದಾಸಪುರ ಮುಖ್ಯರಸ್ತೆ, ಮಲ್ಲೇಶ್ವರದ ಎಂ.ಡಿ. ಬ್ಲಾಕ್, ರಸೆಲ್ ಮಾರುಕಟ್ಟೆಯ ಚಾಂದಿನಿ ಚೌಕ್ ವೃತ್ತ, ಚಾಮರಾಜಪೇಟೆಯ ಟಿ.ಆರ್. ಮಿಲ್ ರಸ್ತೆ, ಅಶೋಕ ಪಿಲ್ಲರ್-ಸಿದ್ದಾಪುರ ಜಂಕ್ಷನ್ ಪ್ರದೇಶವೂ ಸೇರಿ ಒಟ್ಟು 4.90 ಕಿ.ಮೀ. ಉದ್ದದಷ್ಟು ತೆರವು ಕಾರ್ಯವನ್ನು ಕೈಗೊಳ್ಳಲಾಯಿತು. ರಸೆಲ್ ಮಾರುಕಟ್ಟೆ ಬಳಿ ತೆರವು ವೇಳೆ ಬೀದಿ ಬದಿ ವ್ಯಾಪಾರಿಗಳು ಪಾಲಿಕೆ ಅಧಿಕಾರಿಗಳೊಂದಿಗೆ ವಾಗ್ವಾದ ನಡೆಸಿದರು.

ಪಶ್ಚಿಮ ಪಾಲಿಕೆ ಪ್ರದೇಶದಲ್ಲಿ ಬಸವನಗುಡಿಯ ಜಿಂಕೆ ಪಾರ್ಕ್-ಬಂಡೆಮಹಾಕಾಳಿಯಮ್ಮ ದೇವಸ್ಥಾನ ರಸ್ತೆ, ಮೈಸೂರು ರಸ್ತೆಯ ಸ್ಯಾಟಲೈಟ್ ಬಸ್ ನಿಲ್ದಾಣದ ಬಳಿ, ಯಡಿಯೂರಿನ ಕಾಮಾಕ್ಯ ಮುಖ್ಯರಸ್ತೆ ಹಾಗೂ ಹೆಗ್ಗನಹಳ್ಳಿಯ ಕರೀಂಸಾಬ್ ಲೇಔಟ್ ಮುಖ್ಯರಸ್ತೆ ಸೇರಿ ಒಟ್ಟು 3 ಕಿ.ಮೀ. ಉದ್ದದಷ್ಟು ಪಾದಚಾರಿ ಮಾರ್ಗವನ್ನು ಒತ್ತುವರಿಮುಕ್ತ ಮಾಡಲಾಯಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.