ಶುಕ್ರವಾರ ರಾತ್ರಿ ಲ್ಯಾವೆಲ್ಲೆ ರಸ್ತೆಯಲ್ಲಿರುವ ಖಾಝಿ ಹೋಟೆಲ್ಗೆ ರಿಕ್ಕಿ ರೈ ಬಂದಿದ್ದಾರೆ. ಅದೇ ವೇಳೆ ಉದ್ಯಮಿ ಶ್ರೀನಿವಾಸ ನಾಯ್ಡು ಕೂಡ ಬಂದಿದ್ದು, ಏಕಾಏಕಿ ಶ್ರೀನಿವಾಸನಾಯ್ಡು, ಆತನ ಕಾರು ಚಾಲಕ ಹಾಗೂ 3-4 ಮಂದಿ ಇತರರು ರಿಕ್ಕಿ ರೈ ಮೇಲೆ ಹಲ್ಲೆ ನಡೆಸಿದ್ದಾರೆ. ಆಗ ರಿಕ್ಕಿ ರೈ ಹಣೆ ಭಾಗಕ್ಕೆ ಪೆಟ್ಟು ಬಿದ್ದು, ಸಮೀಪದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದುಕೊಂಡಿದ್ದಾರೆ. ತಕ್ಷಣವೇ ಪೊಲೀಸರಿಗೆ ಮಾಹಿತಿ ನೀಡಲಾಗಿದ್ದು ಪೊಲೀಸರು ಸ್ಥಳಕ್ಕೆ ಬರುತ್ತಿದಂತೆ ಶ್ರೀನಿವಾಸ ನಾಯ್ಡು ಅವರ ಜತೆಯಲ್ಲಿ ಇದ್ದವರು ಪರಾರಿಯಾಗಿದ್ದಾರೆ. ಈ ಸಂಬಂಧ ರಿಕ್ಕಿ ರೈ ಚಾಲಕ ನೀಡಿದ ದೂರಿನ ಅನ್ವಯ ತನಿಖೆ ನಡೆಸಲಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
