ಸಂಸದ ಜಿ.ಎಸ್.ಬಸವರಾಜು ಬಣದ ಜತೆಗೂ ಸಂಬಂಧ ಹಳಸಿಕೊಂಡಿದ್ದು, ಗ್ರಾಮಾಂತರ ಕ್ಷೇತ್ರದ ಮೇಲೆ ಹಿಡಿತ ಹೊಂದಿರುವ ಮಾಜಿ ಸಚಿವ ಸೊಗಡುಶಿವಣ್ಣರ ವಿರೋಧವನ್ನೂ ಕಟ್ಟಿಕೊಂಡಿದ್ದಾರೆ. ಈ ರಾಜಕೀಯ ನಡೆಗಳಿಂದ ಸುರೇಶ್ಗೌಡ ಪಕ್ಷ ತೊರೆಯುತ್ತಾರೆ ಎಂಬ ವದಂತಿ ಹಬ್ಬಿತ್ತು. ಆದರೆ, ಗ್ರಾಮಾಂತರ ಕ್ಷೇತ್ರದಲ್ಲಿ ಕಾಂಗ್ರೆಸ್ಗೆ ನೆಲೆಯೇ ಇಲ್ಲ. ಹಾಗಾಗಿ, ಸ್ವಂತ ಬಲದ ಮೇಲೆ ಪಕ್ಷ ಸಂಘಟನೆ ಕಷ್ಟಸಾಧ್ಯ ಇರುವುದರಿಂದ ಸುರೇಶ್ಗೌಡ ಪಕ್ಷಾಂತರದ ನಿರ್ಧಾರ ಮಾಡುವುದಿಲ್ಲ ಎಂಬ ಲೆಕ್ಕಾಚಾರ ಇದೆ. ಅವರ ಪಕ್ಷಾಂತರ ವದಂತಿ ಕೇವಲ ರಾಜಕೀಯ ತಂತ್ರಗಾರಿಕೆ ಎಂದೇ ಅಂದಾಜಿಸಲಾಗುತ್ತಿದೆ. ಸುರೇಶ್ಗೌಡರ ‘ರೆಬೆಲ್’ ನಡೆ ಪಕ್ಷದೊಳಗೆ ಅವರನ್ನು ‘ಏಕಾಂಗಿ’ಯಾಗಿಸಿದೆ.
