6 ಜನರ ಸಾವಿನ ಬಳಿಕ ಎಚ್ಚೆತ್ತ ಇಲಾಖೆ: ಪಾವಗಡ-ವೈ.ಎನ್​. ಹೊಸಕೋಟೆ ಮಾರ್ಗದಲ್ಲಿ 7 ಸಾರಿಗೆ ಬಸ್​ ಸಂಚಾರ

ತುಮಕೂರು: ಪಾವಗಡ ತಾಲೂಕಿನ ಪಳವಳ್ಳಿ ಕೆರೆ ಬಳಿ ಖಾಸಗಿ ಬಸ್ ದುರಂತ ನಡೆದ ಬಳಿಕ ಎಚ್ಚೆತ್ತ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ, ವೈ.ಎನ್​.ಹೊಸಕೋಟೆಯಿಂದ ಪಾವಗಡಕ್ಕೆ 7 ಗ್ರಾಮೀಣ ಸಾರಿಗೆ ಬಸ್​ಗಳ ಸಂಚಾರ ಆರಂಭಿಸಿದೆ.

ಪಾವಗಡ ತಾಲೂಕು ಕೆಎಸ್​ಆರ್​ಟಿಸಿ ನಿಗಮದಿಂದ ವೈ.ಎನ್​. ಹೊಸಕೋಟೆ ಹೋಬಳಿಗೆ 7 ಸಾರಿಗೆ ಬಸ್​ಗಳು ಭಾನುವಾರದಿಂದ ಸಂಚಾರ ಆರಂಭಿಸಿವೆ. ಈ ಹಿಂದೆ ತುಮಕೂರು ಘಟಕ ಇದ್ದಾಗ 200 ಸಿಬ್ಬಂದಿ ಕಾರ್ಯನಿರ್ವಹಿಸುತ್ತಿದ್ದರು. 60 ಬಸ್​ಗಳು ಸಂಚರಿಸುತ್ತಿದ್ದವು. ಪ್ರಸ್ತುತ 123 ಸಿಬ್ಬಂದಿ ಕೆಲಸ ಮಾಡುತ್ತಿದ್ದು, 43 ಬಸ್​ಗಳು ಮಾತ್ರ ಸಂಚರಿಸುತ್ತಿವೆ. ಗ್ರಾಮೀಣ ಸಾರಿಗೆ ಸೇವೆ ಕಡಿತಗೊಳಿಸಲಾಗಿದೆ. ತುಮಕೂರಿನಿಂದ ಈಗ ಚಿತ್ರದುರ್ಗ ಘಟಕಕ್ಕೆ ಸೇರಿದೆ ಎಂದು ಡಿಪೋ ಮಾನೇಜರ್​ ಹನುಮಂತರಾಯಪ್ಪ 'ವಿಜಯವಾಣಿ'ಗೆ ಮಾಹಿತಿ ನೀಡಿದ್ದಾರೆ.

ಖಾಸಗಿ ಬಸ್​ ಅಪಘಾತದಲ್ಲಿ 6 ಜನ ಮೃತಪಟ್ಟಿದ್ದಾರೆ. ಈ ದುರಂತದ ಬಳಿಕ ಪಾವಗಡದಿಂದ ವೈ.ಎನ್​. ಹೊಸಕೋಟೆ ಮಾರ್ಗದಲ್ಲಿ ಸಾಕಷ್ಟು ಸಾರಿಗೆ ಬಸ್​ಗಳ ಸಂಚಾರ ಓಡಾಟ ಆರಂಭವಾಗಿದೆ. ಈ ಬಸ್​ ಸೇವೆ ನಿರಂತರವೋ ಆಥವಾ ತಾತ್ಕಾಲಿಕವೋ ಎಂಬ ಪ್ರಶ್ನೆ ಕಾಡುತ್ತಿದೆ ಎಂದು ವೈ.ಎನ್​.ಹೊಸಕೋಟೆಯ ಹೆಸರು ಹೇಳಲಿಚ್ಛಿಸದ ವಿದ್ಯಾರ್ಥಿಯೊಬ್ಬರು ಪ್ರತಿಕ್ರಿಯಿಸಿದ್ದಾರೆ.

https://www.vijayavani.net/a-3-wedding-case-mysuru/

https://www.vijayavani.net/a-anekal-chandapura-fraud-case/

https://www.vijayavani.net/a-ksrtc-bus-and-car-accident-5-student-death-in-belur/