ಆನೇಕಲ್: ಆನೇಕಲ್ನ ಪ್ರತಿಷ್ಠಿತ ಬಡಾವಣೆಯಲ್ಲಿ ಆನ್ಲೈನ್ ವೇಶ್ಯಾವಾಟಿಕೆ ದೋಖಾ ಬಯಲಾಗಿದೆ. ಸೋಷಿಯಲ್ ಮೀಡಿಯಾದಲ್ಲಿ ಚಂದದ ಫೋಟೋ ಹಾಕಿ ನೈಟ್ಗೆ ಇಷ್ಟು, ಗಂಟೆಗೆ ಇಷ್ಟು ಅಂತ ರೇಟ್ ಫಿಕ್ಸ್ ಮಾಡಿ ಹಣ ವಸೂಲಿ ಮಾಡುತ್ತಿದ್ದರು.
ಪ್ರತಿಷ್ಠಿತ ಕಾಲೇಜೊಂದರ ಕೆಲ ವಿದ್ಯಾರ್ಥಿಗಳು ಈ ಜಾಲದಲ್ಲಿ ಆಕ್ಟಿವ್ ಆಗಿದ್ದರು ಎಂಬ ಆಘಾತಕಾರಿ ವಿಷಯವೂ ಬಯಲಾಗಿದೆ. ‘ದಿಗ್ವಿಜಯ ನ್ಯೂಸ್’ಗೆ ಸ್ಫೋಟಕ ಮಾಹಿತಿ ಲಭ್ಯವಾಗಿದ್ದು, ವರದಿ ಪ್ರಸಾರ ಆಗುತ್ತಿದ್ದಂತೆ ಭವ್ಯಶ್ರೀ ಹೆಸರಿನಲ್ಲಿದ್ದ ಫೇಸ್ಬುಕ್ ಅಕೌಂಟ್ ಡಿಲೀಟ್ ಮಾಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಯುವಕರನ್ನು ಖೆಡ್ಡಕ್ಕೆ ಕೆಡವುತ್ತಿದ್ದ ಅಕೌಂಟ್ ಇದು.
ಆನೇಕಲ್ ಪಟ್ಟಣ ಹಾಗೂ ಚಂದಾಪುರ ರಸ್ತೆಯ ಖಾಸಗಿ ಬಡಾವಣೆಯಲ್ಲಿ ಮಾಂಸದಂಧೆ ನಡೆಸುತ್ತಿರುವುದಾಗಿ ಸಾಮಾಜಿಕ ಜಾಲತಾಣದಲ್ಲಿ ವ್ಯವಹಾರ ಕುದುರಿಸುತ್ತಿದ್ದ ಖತರ್ನಾಕ್ ಗ್ಯಾಂಗ್, ಚಂದ ಚಂದದ ಹುಡುಗಿಯರ ಫೋಟೋ ಕಳಿಸಿ ಯಾರು ಬೇಕು ಆಯ್ಕೆ ಮಾಡಿಕೊಳ್ಳಿ ಎಂದು ಯುವಕರಿಗೆ ಗಾಳ ಹಾಕುತ್ತಿದ್ದರು. ಹುಡುಗಿಯರ ಫೋಟೋ ಕಳಿಸೋಕು ಮುನ್ನ ಅವರಿಂದ ಇಂತಿಷ್ಟು ಹಣ ಎಂದು ಆನ್ಲೈನ್ ಮೂಲಕ ತಮ್ಮ ಅಕೌಂಟ್ಗೆ ಹಾಕಿಸಿಕೊಳ್ಳುತ್ತಿದ್ದರು. ಹುಡುಗಿ ಫೋಟೋ ಆಯ್ಕೆ ಮಾಡುತ್ತಿದ್ದಂತೆ, 2 ಗಂಟೆಗೆ 3 ಸಾವಿರ, ರಾತ್ರಿಯಿಡೀ 6 ಸಾವಿರ, ಆಡಿಯೋ ಕಾಲ್ 1 ಗಂಟೆಗೆ 500 ರೂಪಾಯಿ, ವಿಡಿಯೋ ಕಾಲ್ 30 ನಿಮಿಷಕ್ಕೆ 500 ರೂಪಾಯಿ, ಬಾಡಿ ಮಸಾಜ್, ಫುಲ್ ಡೇ…ಗೆ ಇಂತಿಷ್ಟು ಎಂದು ರೇಟ್ ಫಿಕ್ಸ್ ಇದೆ. ಯಾವುದು ಓಕೆ? ಆ ಗ್ಯಾಂಗ್ ಮೆಸೇಜ್ ಕಳಿಸುತ್ತಿತ್ತು… ಹುಡುಗಿಯರ ಜತೆ ಸೇರುವ ಇಂಗಿತ ವ್ಯಕ್ತವಾಗುತ್ತಿದ್ದಂತೆ ಯುವಕರಿಂದ ಮುಂಗಡ ಹಣ ಕಟ್ಟಿಸಿಕೊಂದು ಸ್ವರ್ಗ ತೋರಿಸ್ತೀವಿ ಬನ್ನಿ ಎಂದು ಲೊಕೇಷನ್ ಶೇರ್ ಮಾಡ್ತಿದ್ದರು.
ಆನೇಕಲ್ ಪಟ್ಟಣ ಹಾಗೂ ಚಂದಾಪುರ ರಸ್ತೆಯ ಖಾಸಗಿ ಬಡಾವಣೆಯ ಲೊಕೇಷನ್ಗೆ ಹೋಗಿ ಗ್ರಾಹಕರು ಕಾಲ್ ಮಾಡಿದ್ರೆ ನೋ ರೆಸ್ಪಾನ್ಸ್. ನಂಬರ್ ಬ್ಲಾಕ್/ ನಾಟ್ ರೀಚಬಲ್ ಆಗಿರೋದು… ಮರ್ಯಾದೆಗೆ ಹೆದರಿ ಹಣ ಕಳೆದುಕೊಂಡವರು ಯಾರ ಬಳಿಯೂ ಈ ಬಗ್ಗೆ ಹೇಳಿಕೊಳ್ಳದ ಕಾರಣ ದಂಧೆಕೋರರಿಗೆ ಇದು ಬಂಡವಾಳವಾಯ್ತು. ಹಣ ಕಳೆದುಕೊಂಡ ಯುವಕನೊಬ್ಬ ದಿಗ್ವಿಜಯ ನ್ಯೂಸ್ ಬಳಿ ಅಳಲು ತೋಡಿಕೊಂಡಿದ್ದು, ಆ ಗ್ಯಾಂಗ್ ವೊಡ್ಡಿದ ಆಮಿಷ, ಕಳಿಸಿದ ಮೆಸೇಜ್, ಫೋಟೋ ಎಲ್ಲವನ್ನೂ ಬಯಲು ಮಾಡಿದ್ದಾರೆ.
ಚಂದಾಪುರ ರಸ್ತೆಯ ಖಾಸಗಿ ಬಡಾವಣೆಯ ಮನೆಯೊಂದರಲ್ಲಿ ಮಾಂಸದಂಧೆ ನಡೆಯುತ್ತಿದ್ದು, ರಾತ್ರಿ ಆಗುತ್ತಿದ್ದಂತೆ ಕೆಲ ವಿದ್ಯಾರ್ಥಿಗಳೂ ಭಾಗಿಯಾಗಿದ್ದಾರೆ. ಈ ದಂಧೆ ಮೂಲಕ ಹಣ ಪೀಕುವ ಕೆಲಸ ಮಾಡುತ್ತಿದ್ದಾರೆ. ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ಇದ್ದರೂ ಸುಮ್ಮನಿದ್ದಾರೆ ಎಂಬ ಗಂಭೀರ ಆರೋಪ ಕೇಳಿಬಂದಿದೆ.
ಹೊರಗೆ ಸಮಾಜ ಸೇವೆ, ಒಳಗೆ ವೇಶ್ಯಾವಾಟಿಕೆ… ಮಂಗಳೂರಲ್ಲಿ ಕೊನೆಗೂ ಸಿಕ್ಕಬಿದ್ದ ಕಾಮುಕ!
ಕೆಎಸ್ಸಾರ್ಟಿಸಿ-ಕಾರಿನ ನಡುವೆ ಭೀಕರ ಅಪಘಾತ: 5 ವಿದ್ಯಾರ್ಥಿಗಳು ದುರ್ಮರಣ, ಸಾವಲ್ಲೂ ಒಂದಾದ ಸ್ನೇಹಿತರು…
ಹಣ ಕಳೆದುಕೊಂಡು ದಿಕ್ಕುತೋಚದೆ ಕುಳಿತ ಮಾತುಬಾರದ ವ್ಯಕ್ತಿಯನ್ನೇ ಹುಡುಕಿಕೊಂಡು ಬಂದ ಅದೃಷ್ಟಲಕ್ಷ್ಮೀ!