ಐಷಾರಾಮಿ ಜೀವನ ಕೊಟ್ಟರೂ ಪ್ರಿಯಕರನನ್ನೇ ಕೊಂದು ಠಾಣೆಗೆ ಶರಣಾದ ಪ್ರೇಯಸಿ!

ನೆಲಮಂಗಲ: ಪತ್ನಿ ಮತ್ತು ಮಕ್ಕಳಿದ್ದರೂ ಮತ್ತೊಬ್ಬಳ ಸಹವಾಸಕ್ಕೆ ಬಿದ್ದ ರಿಯಲ್​ ಎಸ್ಟೇಟ್​ ಉದ್ಯಮಿಯೊಬ್ಬ, ಪ್ರೇಯಸಿಗೆ ಕೋಟ್ಯಂತರ ಮೌಲ್ಯದ ಬಂಗಲೆ, ಕಾರು, ನಿವೇಶನ, ಚಿನ್ನಾಭರಣ ಕೊಡಿಸಿದ್ದ. ಆಕೆಯೊಂದಿಗೆ ಅನೈತಿಕ ಸಂಬಂಧವನ್ನೂ ಇಟ್ಟುಕೊಂಡಿದ್ದ. ಕೈ ಹಿಡಿದ ಪತ್ನಿಗೆ ಈ ವಿಚಾರ ಗೊತ್ತಾಗಿ ಗಲಾಟೆ ಆಗುತ್ತಿದ್ದಂತೆ ಪ್ರೇಯಸಿಗೆ ತಾಳಿ ಕಟ್ಟಿ ಹೆಂಡತಿ ಮಕ್ಕಳನ್ನ ಬಿಟ್ಟು ಆಕೆಯೊಂದಿಗೇ ವಾಸವಿದ್ದ. ಕೊನೆಗೆ ಪ್ರೇಯಸಿಯಿಂದಲೇ ದುರಂತ ಅಂತ್ಯಕಂಡಿದ್ದಾನೆ.

ಬೆಂಗಳೂರು ಉತ್ತರ ತಾಲೂಕು ದಾಸನಪುರ ಹೋಬಳಿಯ ಹಾರೋಕ್ಯಾತನಹಳ್ಳಿ ನಿವಾಸಿ ಸ್ವಾಮಿರಾಜ್​ (46) ಮೃತ ದುರ್ದೈವಿ. ಈತನ ಎರಡನೇ ಪತ್ನಿ ನೇತ್ರಾವತಿ (34) ಕೊಲೆ ಆರೋಪಿ. ಸ್ವಾಮಿರಾಜ್​ ನಿತ್ಯ ಲೈಂಗಿಕ ಕಿರುಕುಳ ಕೊಡುತ್ತಿದ್ದ. ಬೇಡ ಅಂದ್ರೂ ಲೈಂಗಿಕ ಸಂಪರ್ಕ ಬೆಳೆಸುವಂತೆ ಪದೇಪದೆ ಹಿಂಸಿಸುತ್ತಿದ್ದನಂತೆ. ನ.6ರ ರಾತ್ರಿ ಸ್ವಾಮಿರಾಜು ಮದ್ಯಸೇವಿಸಿ ಮನೆಗೆ ಬಂದು ಲೈಂಗಿಕವಾಗಿ ಕಿರುಕುಳ ನೀಡಿದ್ದ. ಇದರಿಂದ ಬೇಸತ್ತು ಆತನ ತಲೆಗೆ ಕಬ್ಬಿಣದ ರಾಡ್​ನಿಂದ ಹೊಡೆದು ಕೊಂದುಬಿಟ್ಟೆ ಎಂದು ನೇತ್ರಾವತಿಯೇ ಪೊಲೀಸರ ಬಂದು ಶರಣಾಗಿದ್ದಾಳೆ.

ಆಂಧ್ರಪ್ರದೇಶ ಮೂಲದ ಸ್ವಾಮಿರಾಜ್​, 18 ವರ್ಷಗಳ ಹಿಂದೆ ಮೊದಲನೇ ವಿವಾಹವಾಗಿದ್ದ. 15 ವರ್ಷದಿಂದ ರಿಯಲ್​ ಎಸ್ಟೆಟ್​ ಉದ್ಯಮ ಮಾಡಿಕೊಂಡು ಬೆಂಗಳೂರಿನ ಅಂದ್ರಹಳ್ಳಿಯಲ್ಲಿ ವಾಸವಾಗಿದ್ದ. 10 ವರ್ಷಗಳ ಹಿಂದೆ ಬ್ಯೂಟಿಷಿಯನ್​ ಕೆಲಸ ಮಾಡುತ್ತಿದ್ದ ನೇತ್ರಾವತಿಯ ಪರಿಚಯ ಸ್ವಾಮಿರಾಜ್​ಗೆ ಆಗಿತ್ತು. ಇವರಿಬ್ಬರೂ ಅನ್ಯೂನ್ಯವಾಗಿದ್ದರು. 3 ವರ್ಷದ ಹಿಂದೆ ಸ್ವಾಮಿರಾಜ್​ ಮತ್ತು ನೇತ್ರಾವತಿ ನಡುವಿನ ಅಕ್ರಮ ವಿಚಾರ ಮೊದಲ ಪತ್ನಿಗೆ ತಿಳಿದು ಮನೆಯಲ್ಲಿ ಜಗಳವಾಗಿತ್ತು. ಈ ವೇಳೆ ಸ್ವಾಮಿರಾಜು ಕುಟುಂಬ ತೊರೆದು ನೇತ್ರಾವತಿಯೊಂದಿಗೆ 2ನೇ ವಿವಾಹವಾಗಿದ್ದ. ಸ್ವಾಮಿರಾಜ್​ನ ಮೊದಲ ಹೆಂಡತಿ ಹಾಗೂ ಇಬ್ಬರು ಮಕ್ಕಳು ತುಮಕೂರಿನಲ್ಲಿ ವಾಸವಿದ್ದಾರೆ.

https://www.vijayavani.net/a-love-case-swamiraj-and-netravathi-case/

ನ.6ರ ರಾತ್ರಿ 9 ಗಂಟೆಗೆ ಸ್ವಾಮಿರಾಜ್​ ಮದ್ಯಸೇವಿಸಿ ಮನೆಗೆ ಬಂದು ನೇತ್ರಾವತಿಗೆ ಲೈಂಗಿಕವಾಗಿ ಕಿರುಕುಳ ನೀಡಿದ್ದನಂತೆ. ಈ ವಿಚಾರವಾಗಿ ಇಬ್ಬರ ಮಧ್ಯೆ ಜಗಳ ಆರಂಭವಾಗಿದ್ದು, ಕೋಪದಿಂದ ರಾಡ್​ನಿಂದ ಹಲ್ಲೆ ಮಾಡಿದೆ. ನಂತರ ಪ್ರಜ್ಞೆ ತಪ್ಪಿಬಿದ್ದಿದ್ದರು. ಬಳಿಕ ನಾನೇ ಅವರನ್ನು ಕೊಲೆ ಮಾಡಿದೆ ಎಂದು ನೇತ್ರಾವತಿ ಅಂದು ರಾತ್ರಿ 11 ಗಂಟೆ ಸುಮಾರಿಗೆ ಮಾದನಾಯಕನಹಳ್ಳಿ ಠಾಣೆಗೆ ಬಂದು ಶರಣಾಗಿದ್ದಳು.

ನೇತ್ರಾವತಿಗೆ ಸ್ವಾಮಿರಾಜ್​ ಹಾರೋಕ್ಯಾತನಹಳ್ಳಿಯಲ್ಲಿ 6 ಕೋಟಿ ರೂ. ಮೌಲ್ಯದ ಬಂಗಲೆ, ಕಾರು, ಚಿನ್ನಾಭರಣ ನಿವೇಶನ ಸೇರಿ ಕೋಟ್ಯಂತರ ಮೌಲ್ಯದ ಆಸ್ತಿಯನ್ನು ನೀಡಿದ್ದ.

ಮಗಳಿಂದ ದೂರು ದಾಖಲು: ಕುಟುಂಬವನ್ನು ತೊರೆದಿದ್ದ ನಮ್ಮ ತಂದೆ, ನಮ್ಮನ್ನು ಆಗಾಗ್ಗೆ ಬಂದು ಭೇಟಿ ಮಾಡುತ್ತಿದ್ದರು. ನ.6ರಂದು ನನಗೆ ಹೊಸ ಬೈಕ್​ ಕೊಡಿಸಲು ಶೋ ರೂಂ ಬಳಿ ತೆರಳಿ ಬಣ್ಣ ಆಯ್ಕೆ ಮಾಡಿ ಬೈಕ್​ನ ಫೋಟೋ ನನಗೆ ಕಳುಹಿಸಿದ್ದರು. ನಮ್ಮ ತಂದೆ, ನಮ್ಮನ್ನು ನೋಡಿಕೊಳ್ಳುತ್ತಿರುವುದು ನೇತ್ರಾವತಿಗೆ ಇಷ್ಟ ಇರಲಿಲ್ಲ. ನಮ್ಮ ವಿಚಾರವಾಗಿ ನೇತ್ರಾವತಿ ಸಾಕಷ್ಟು ಬಾರಿ ಮನೆಯಲ್ಲಿ ಜಗಳ ಮಾಡಿದ್ದು, ಈ ಬಗ್ಗೆ ತಂದೆ ನನ್ನ ಬಳಿ ಹೇಳಿಕೊಳ್ಳುತ್ತಿದ್ದರು. ನನಗೆ ಗಾಡಿ ಕೊಡಿಸುವ ವಿಚಾರ ತಿಳಿದು ಅಂದು ಸಂಜೆ ಮನೆಯಲ್ಲಿ ಗಲಾಟೆ ಮಾಡಿ ಕೋಪದಿಂದ ಕೊಲೆ ಮಾಡಿದ್ದಾಳೆ ಎಂದು ಸ್ವಾಮಿರಾಜ್​ನ ಮಗಳು ವರ್ಷಿಣಿ ಪೊಲೀಸರಿಗೆ ಮಾಹಿತಿ ನೀಡಿದ್ದಳು.

ಆದರೆ, ನೇತ್ರಾವತಿಯ ನಡವಳಿಕೆ ಮೇಲೆ ಅನುಮಾನ ಮೂಡಿದ್ದು, ಸ್ವಾಮಿರಾಜ್​ ಕೊನೆಗೆ ನಿಖರ ಕಾರಣ ಏನೆಂಬುದು ಪೊಲೀಸ್​ ತನಿಖೆ ಬಳಿಕ ಬಯಲಾಗಲಿದೆ.

https://www.vijayavani.net/a-basavanagudi-police-station-seriol-actor/

https://www.vijayavani.net/a-child-kidnap-case-tragic-end-five-members-life-of-the-same-family-2/

https://www.vijayavani.net/a-auto-driver-police-casedocror/