ಹು-ಧಾ ಪಾಲಿಕೆ ಚುನಾವಣೆ ಫಲಿತಾಂಶ ಅತಂತ್ರ: ಬಿಜೆಪಿ-ಕಾಂಗ್ರೆಸ್​ ಪಾಲಿಗೆ ಪಕ್ಷೇತರ ಅಭ್ಯರ್ಥಿಗಳೇ‌ ನಿರ್ಣಾಯಕ

ಧಾರವಾಡ: ಹುಬ್ಬಳ್ಳಿ- ಧಾರವಾಡ ಮಹಾನಗರ ಪಾಲಿಕೆ ಚುನಾವಣೆ ಫಲಿತಾಂಶ ಪ್ರಕಟಗೊಂಡಿದ್ದು, ಯಾವ ಪಕ್ಷಕ್ಕೂ ಬಹುಮತ ಸಿಕ್ಕಿಲ್ಲ. ಸೆ.3ರಂದು ಹು-ಧಾ ಪಾಲಿಕೆಯ ಒಟ್ಟು 82 ವಾರ್ಡ್​ಗಳಿಗೆ ಮತದಾನ ನಡೆದಿತ್ತು. ಇಂದು(ಸೆ.6) ಮತ ಎಣಿಕೆ ನಡೆದಿದ್ದು, ಫಲಿತಾಂಶ ಹೊರಬಿದ್ದಿದೆ. ಆರಂಭದಿಂದಲೂ ಕಾಂಗ್ರೆಸ್​ ಮತ್ತು ಬಿಜೆಪಿ ಮುನ್ನಡೆ ಕಾಯ್ದುಕೊಂಡು ಬಂದವಾದರೂ ಅಂತಿಮವಾಗಿ ಎರಡಕ್ಕೂ ಬಹುಮತ ಸಿಗಲಿಲ್ಲ.

ಅತಂತ್ರ ಫಲಿತಾಂಶ ಬಂದಿದ್ದು, ಪಕ್ಷೇತರ ಅಭ್ಯರ್ಥಿಗಳೇ‌ ಈಗ ನಿರ್ಣಾಯಕ. ಮೇಯರ್ ಆಗಲು 45 ಮತ ಬೇಕಿದೆ. ಆದರೆ, ಬಿಜೆಪಿ ಒಟ್ಟು 39 ವಾರ್ಡ್​ಗಳಲ್ಲಿ ಗೆದ್ದಿದ್ದು, ಬಿಜೆಪಿ ಬಳಿ ಮೇಯರ್ ಆಯ್ಕೆಗೆ ವಿಶೇಷ ಮತದಾನದ ಹಕ್ಕು ಹೊಂದಿರುವ ಐವರು ಜನಪ್ರತಿನಿಧಿಗಳಿದ್ದಾರೆ. ಅಲ್ಲಿಗೆ ಬಿಜೆಪಿಗೆ ಒಟ್ಟು 44 ಸ್ಥಾನ ಸಿಕ್ಕಂತಾಗುತ್ತೆ. ಇನ್ನೂ ಒಬ್ಬರ ಅಗತ್ಯವಿದೆ.

ಇನ್ನು ಕಾಂಗ್ರೆಸ್​ ಒಟ್ಟು 33 ವಾರ್ಡ್​ಗಳಲ್ಲಿ ಗೆದ್ದಿದ್ದು, ಕಾಂಗ್ರೆಸ್ ಬಳಿ ಮೇಯರ್ ಆಯ್ಕೆಗೆ ವಿಶೇಷ ಮತದಾನದ ಹಕ್ಕು ಹೊಂದಿರುವ ಮೂವರು ಜನಪ್ರತಿನಿಧಿಗಳಿದ್ದಾರೆ. ಅಲ್ಲಿಗೆ ಕಾಂಗ್ರೆಸ್​ ಗೆ ಒಟ್ಟು 36 ಸ್ಥಾನ ಸಿಕ್ಕಂತಾಗುತ್ತೆ. ಎಐಎಂಐಎಂ 3, ಪಕ್ಷೇತರ 6, ಜೆಡಿಎಸ್​ ಗೆ 1 ವಾರ್ಡ್​ನಲ್ಲಿ ಗೆಲುವಾಗಿದ್ದು, ಇವರು ಕಾಂಗ್ರೆಸ್​ ಕೈ ಹಿಡಿದರೆ ಬಿಜೆಪಿಗೆ ಹಿನ್ನೆಡೆ ಆಗಲಿದೆ. ಬಿಜೆಪಿ ಪಾಲಿಗೂ ಒಂದು ಸ್ಥಾನವನ್ನ ತನ್ನತ್ತ ಸೆಳೆಯುವುದು ಕಷ್ಟವೇನಾಗಲ್ಲ. ಸದ್ಯ ಪಕ್ಷೇತರರ ಮೇಲೆ ನಿಂತಿದೆ ಮೇಯರ್ ಆಯ್ಕೆ.

ಹು-ಧಾ ಪಾಲಿಕೆ ಚುನಾವಣೆಯಲ್ಲಿ ಪಕ್ಷವಾರು ಗೆದ್ದ ಸ್ಥಾನ

ಬಿಜೆಪಿ- 39 ವಾರ್ಡ್​ಗಳು

ಕಾಂಗ್ರೆಸ್- 33 ವಾರ್ಡ್​ಗಳು

ಪಕ್ಷೇತರ- 6 ವಾರ್ಡ್​ಗಳು

ಎಐಎಂಐಎಂ- 3 ವಾರ್ಡ್​ಗಳು

ಜೆಡಿಎಸ್- 1 ವಾರ್ಡ್​

https://www.vijayavani.net/a-vidyagiri-police-station-constable-ningappa-bhushannavar-death/

https://www.vijayavani.net/a-belgaum-corporation-electionss-result-bjp-wins/

https://www.vijayavani.net/a-bengaluru-women-tekki-case-nigeria-tony-and-ubaka-arrested/