ಜಗಳೂರು ತಾಲೂಕಿನ ಗಡಿಮಾಕುಂಟೆ ಗ್ರಾಮದ ಮಂಜುನಾಥ್(35) ಹಲ್ಲೆಗೆ ಒಳಗಾದವ. ಈತನ ಪತ್ನಿಯ ಸಹೋದರ, ಹಿರೇಮ್ಯಾಗಳಗರೆ ಗ್ರಾಮದ ಮಲ್ಲಿಕಾರ್ಜುನ ಹಲ್ಲೆ ಮಾಡಿ ಕತ್ತು ಕೊಯ್ದವ. ಮಂಜುನಾಥ್ ಮತ್ತು ಹಾಗೂ ಪತ್ನಿ ವಿಚ್ಛೇದನಕ್ಕಾಗಿ 2008ರಿಂದ ಕೋರ್ಟ್ಗೆ ಅಲೆಯುತ್ತಿದ್ದಾರೆ. ಇಂದು ಕೂಡ ಎಂದಿನಂತೆ ಎರಡು ಕುಟುಂಬಗಳು ಕೋರ್ಟ್ಗೆ ಬಂದಿದ್ದರು. ಜೀವನಾಂಶ ವಿಚಾರವಾಗಿ ಗಲಾಟೆಯೂ ಆಗಿದೆ. ಎರಡೂ ಕುಟುಂಬಗಳ ನಡುವೆ ಮಾತಿನ ಚಕಮಕಿ ನಡೆದಿದ್ದು, ಪರಿಸ್ಥಿತಿ ನೋಡನೋಡುತ್ತಿದ್ದಂತೆ ವಿಕೋಪಕ್ಕೆ ತಿರುಗಿತ್ತು. ಚಾಕುವಿನಿಂದ ಬಾವನ ಕತ್ತು ಕೊಯ್ದು ಕೊಲೆಗೆ ಯತ್ನಿಸಿದ್ದಾನೆ. ಕೂಡಲೇ ಆಸ್ಪತ್ರೆಗೆ ಕರೆದೊಯ್ಯಲಾಗಿದ್ದು, ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.
