ಡೇಟಿಂಗ್​ಗಾಗಿ ಹಾತೊರೆದು ಆತನ ಗೆಳೆತನ ಬೆಳೆಸಿದ ಬೆನ್ನಲ್ಲೇ ಮಹಿಳಾ ಉದ್ಯೋಗಿಗೆ ಕಾದಿತ್ತು ಆಘಾತ!

ಬೆಂಗಳೂರು: ಖಾಸಗಿ ಕಂಪನಿಯ ಮಹಿಳಾ ಉದ್ಯೋಗಿಯೊಬ್ಬರು ಡೇಟಿಂಗ್​ಗಾಗಿ ಹಾತೊರೆದು ಡೇಟಿಂಗ್​ ಆಪ್​ನಲ್ಲಿ ಖಾತೆ ತೆರೆದಿದ್ದರು. ವ್ಯಕ್ತಿಯೊಬ್ಬನ ಗೆಳೆತನ ಬೆಳೆಸಿ, ಆತನನ್ನು ನಂಬಿದ ಆ ಮಹಿಳೆಗೆ ಸಂಕಷ್ಟ ಎದುರಾಗಿದೆ.

ಆಸ್ಟಿನ್​ಟೌನ್ ನಿವಾಸಿ ನಿಲೋಫರ್ (37) ಎಂಬ ಮಹಿಳೆ ಬೆಮಗಳೂರಿನ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಡೇಟಿಂಗ್ ಆಪ್​ನಲ್ಲಿ ನಿಲೋಫರ್​ ಖಾತೆ ತೆರೆದಿದ್ದರು. ಅಲ್ಲಿ ಸ್ನೇಹಿತನಾದ ವ್ಯಕ್ತಿ ತಾನು ವಿದೇಶದಲ್ಲಿರುವುದಾಗಿ ನಂಬಿಸಿದ್ದ. ತಾನು ವಿದೇಶದಿಂದ ಬಂದು ನಿನ್ನನ್ನೇ ವಿವಾಹವಾಗುವುದಾಗಿಯೂ ಭರವಸೆ ಕೊಟ್ಟಿದ್ದ. ಆತನ ಮಾತಿಗೆ ಮರುಳಾದ ನಿಲೋಫರ್ ಆತನನ್ನು ವಿವಾಹವಾಗಲು ಒಪ್ಪಿದ್ದಳು.

ಸೆ.30ರಂದು ನಿಲೋಫರ್​ಗೆ ಕರೆ ಮಾಡಿದ ಆರೋಪಿ, ತನ್ನ ಉದ್ಯಮ ನಷ್ಟದಲ್ಲಿದ್ದು, ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದೇನೆ. ಸ್ವಲ್ಪ ಹಣ ನೀಡಿದರೆ, ಮುಂದಿನ ತಿಂಗಳು ಬೆಲೆ ಬಾಳುವ ಉಡುಗೊರೆಯೊಂದಿಗೆ ಹಣ ಹಿಂತಿರುಗಿಸುವುದಾಗಿ ಭರವಸೆ ನೀಡಿದ್ದ. ಇದನ್ನು ನಂಬಿದ ನಿಲೋಫರ್, ಸೆ.30ರಿಂದ ಅ.4ರ ವರೆಗೆ ಹಂತ-ಹಂತವಾಗಿ 18.29 ಲಕ್ಷ ಹಣವನ್ನು ಆರೋಪಿಯ ಖಾತೆಗೆ ವರ್ಗಾವಣೆ ಮಾಡಿದ್ದರು. ಹಣ ಜಮೆಯಾಗುತ್ತಿದ್ದಂತೆ ಆರೋಪಿ ಮೊಬೈಲ್ ಸಂಪರ್ಕಕ್ಕೆ ಸಿಗಲಿಲ್ಲ. ಆಗ ತಾನು ಮೋಸ ಹೋಗಿರುವುದನ್ನು ಅರಿತ ನಿಲೋಫರ್ ಕೂಡಲೇ ಕೇಂದ್ರ ವಿಭಾಗದ ಸಿಇಎನ್ ಠಾಣೆಗೆ ದೂರು ನೀಡಿದ್ದಾರೆ.

https://www.vijayavani.net/a-tumkuru-scaning-center-case/

https://www.vijayavani.net/a-nanjanagudu-girl-love-case-fir-against-including-asi/

https://www.vijayavani.net/a-kunigal-talluk-meghana-and-shankranna-wedding-photos/