ದಾವಣಗೆರೆಯಲ್ಲಿ ಶಿರಾ ಮೂಲದ 5 ವರ್ಷದ ಬಾಲಕಿ MIS-C ಸೋಂಕಿಗೆ ಬಲಿ!

ದಾವಣಗೆರೆ: ಕರೊನಾ ಸೋಂಕಿನಿಂದ ಗುಣಮುಖರಾದವರಲ್ಲಿ ಕಾಣಿಸಿಕೊಳ್ಳುವ ಹೊಸ ರೋಗ ಮಿಸ್​-ಸಿ (MIS-C)ಗೆ 5 ವರ್ಷದ ಹೆಣ್ಣು ಮಗು ಇಂದು ಬಲಿಯಾಗಿದೆ.

MIS-C ಮಲ್ಟಿಸಿಸ್ಟಮ್ ಇನ್‌ಫ್ಲಮೇಟರಿ ಸಿಂಡ್ರೋಮ್ ಇನ್ ಚಿಲ್ಡ್ರನ್(MIS-C) ಪ್ರಕರಣಕ್ಕೆ ಜಿಲ್ಲೆಯಲ್ಲಿ ಇದು ಮೊದಲ ಬಲಿಯಾಗಿದ್ದು, ಮಕ್ಕಳ ಪಾಲಕರಲ್ಲಿ ಆತಂಕ ಹೆಚ್ಚಿಸಿದೆ. ತುಮಕೂರು ಜಿಲ್ಲೆಯ ಶಿರಾ ಮೂಲದ 5 ವರ್ಷದ ಬಾಲಕಿಗೆ MIS-C ಕಾಣಿಸಿಕೊಂಡಿತ್ತು. ಬಹು ಅಂಗಾಂಗ ವೈಫಲ್ಯದಿಂದ ಬಳಲುತ್ತಿದ್ದರಿಂದ ಬಾಲಕಿಯನ್ನು ಚಿತ್ರದುರ್ಗದಿಂದ ದಾವಣಗೆರೆ ನಗರದ ಎಸ್.ಎಸ್. ಹೈಟೆಕ್ ಆಸ್ಪತ್ರೆಗೆ ರವಾನಿಸಲಾಗಿತ್ತು. ಚಿಕಿತ್ಸೆ ಫಲಿಸದೆ ಶನಿವಾರ ಮುಂಜಾನೆ ಕೊನೆಯುಸಿರೆಳೆದಿದೆ ಎಂದು ಜಿಲ್ಲಾಧಿಕಾರಿ ಮಹಾಂತೇಶ್ ಬೀಳಗಿ ಮಾಹಿತಿ ನೀಡಿದ್ದಾರೆ.

ಈಗಾಗಲೇ 10 ಮಕ್ಕಳಿಗೆ MIS-C ಆವರಿಸಿದ್ದು, ಈ ಪೈಕಿ 7 ಮಕ್ಕಳು‌ ಗುಣಮುಖರಾಗಿದ್ದಾರೆ. 3 ಮಕ್ಕಳು ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಜಿಲ್ಲಾಧಿಕಾರಿ ಮಾಹಿತಿ ನೀಡಿದರು.

ಕೋವಿಡ್‌ನಿಂದ ಗುಣಮುಖರಾದ ಮಕ್ಕಳಲ್ಲಿ MIS-C ಕಾಣಿಸಿಕೊಳ್ಳಲಿದ್ದು, ಮಕ್ಕಳಲ್ಲಿ ಬಹು ಅಂಗಾಗ ವೈಫಲ್ಯ ಆಗುವ ಸಾಧ್ಯತೆ ಹೆಚ್ಚು. ತೀವ್ರ ಜ್ವರ, ತಲೆ ನೋವು, ಹೊಟ್ಟೆನೋವು, ಕಣ್ಣು ಕೆಂಪಾಗುವುದು, ಚರ್ಮದ ಮೇಲೆ ಗಾದರೆಗಳಾಗುವುದು ಈ ರೋಗದ ಲಕ್ಷಣ.

https://www.vijayavani.net/a-bmtc-bu-driver-vishwanath-arrest/

https://www.vijayavani.net/a-new-born-baby-life-tragic-end/

https://www.vijayavani.net/a-yadagiri-same-family-6-people-life-is-tragic-end/

https://www.vijayavani.net/a-the-tragic-end-of-the-vijayapur-based-family-in-goa/