ಸಂತೋಷ್​ ಚಿತ್ರಮಂದಿರಕ್ಕೆ ಧ್ರುವ ಬರ್ತಾರಂತೆ ... ಯಾಕಿರಬಹುದು?

ಬೆಂಗಳೂರು: ಚಿರಂಜೀವಿ ಅಭಿನಯದ 'ಶಿವಾರ್ಜುನ' ಚಿತ್ರವು ಶುಕ್ರವಾರ ಸಂತೋಷ್​ ಸೇರಿದಂತೆ ರಾಜ್ಯದ್ಯಂತ ಹಲವು ಚಿತ್ರಮಂದಿರಗಳಲ್ಲಿ ಇಂದು ಬಿಡುಗಡೆಯಾಗಿದ್ದು, ಚಿತ್ರಕ್ಕೆ ಪ್ರೇಕ್ಷಕರಿಂದ ಒಳ್ಳೆಯ ಪ್ರತಿಕ್ರಿಯೆ ಸಿಗುತ್ತಿದೆ.

ಇದನ್ನೂ ಓದಿ: ಹಾಸ್ಯನಟ ಚಿಕ್ಕಣ್ಣ ನಾಯಕನಾಗಿ ನಟಿಸೋ ಚಿತ್ರದ ಶೀರ್ಷಿಕೆ ಏನಿರಬಹುದು?

ನಾಳೆ ಅಂದರೆ ಅಕ್ಟೋಬರ್​ 17ರ ಶನಿವಾರದಂದು ಚಿತ್ರವನ್ನು ಇನ್ನಷ್ಟು ಪ್ರಮೋಟ್​ ಮಾಡುವ ಸಲುವಾಗಿ ಚಿರಂಜೀವಿ ಅವರ ಸಹೋದರ ಧ್ರುವ, ಸಂತೋಷ್​ ಚಿತ್ರಮಂದಿರಕ್ಕೆ ಭೇಟಿ ಕೊಡಲಿದ್ದಾರೆ. ಲಾಕ್​ಡೌನ್​ ಶುರುವಾಗುವುದಕ್ಕಿಂತ ಒಂದು ದಿನ ಮುನ್ನ, 'ಶಿವಾರ್ಜುನ' ಬಿಡುಗಡೆಯಾಗಿತ್ತು. ಆ ಸಂದರ್ಭದಲ್ಲೂ ಚಿತ್ರವನ್ನು ವೀಕ್ಷಿಸುವುದಕ್ಕೆ ಧ್ರುವ ಸರ್ಜಾ ಬಂದಿದ್ದರು. ಈಗ ನಾಳೆ ಮತ್ತೊಮ್ಮೆ ಅವರು ಸಂತೋಷ್​ಗೆ ಭೇಟಿ ಕೊಡಲಿದ್ದಾರೆ.

ಧ್ರುವ ಭೇಟಿ ಕೊಡುವುದಷ್ಟೇ ಅಲ್ಲ, ನಾಳೆ ಚಿರಂಜೀವಿ ಸರ್ಜಾ ಅವರ ಹುಟ್ಟುಹಬ್ಬವಿರುವುದರಿಂದ, ಚಿತ್ರ ನೋಡುವುದಕ್ಕೆ ಬರುವ ಪ್ರೇಕ್ಷಕರಿಗೆ ಸಿಹಿ ಹಂಚುವುದಕ್ಕೆ ನಿರ್ಮಾಪಕ ಶಿವಾರ್ಜುನ್​ ತೀರ್ಮಾನಿಸಿದ್ದು, ಅದಕ್ಕಾಗಿ ತಯಾರಿ ನಡೆಸಿದ್ದಾರೆ.

ಇದನ್ನೂ ಓದಿ: ದಸರಾ ಹಬ್ಬಕ್ಕೆ ‘ಯುವರತ್ನ’ ಕಡೆಯಿಂದ ಬರಲಿದೆ ಪುನೀತ್​ ಬಿಯರ್ಡ್​ ಲುಕ್​

'ಶಿವಾರ್ಜುನ್​' ಚಿತ್ರವನ್ನು ಶಿವತೇಜಸ್​ ನಿರ್ದೇಶಿಸಿದ್ದು, ಚಿತ್ರದಲ್ಲಿ ಚಿರು ಜತೆಗೆ ಅಮೃತಾ ಅಯ್ಯಂಗಾರ್​, ಅಕ್ಷತಾ ಶ್ರೀನಿವಾಸ್​, ತಾರಾ, ಕಿಶೋರ್​, ಶಿವರಾಜ್​ ಕೆ.ಆರ್. ಪೇಟೆ, ರವಿಕಿಶನ್​ ಸೇರಿದಂತೆ ಹಲವರು ನಟಿಸಿದ್ದಾರೆ.

https://www.vijayavani.net/double-dhamaka-for-chiru-fans/