ಏಳು ಸೆಟ್​ಗಳಲ್ಲಿ ವಾಮನ ಸಾಂಗ್​ : ಇಂಟ್ರಡಕ್ಷನ್​ ಹಾಡಿನಲ್ಲಿ ಧನ್​ವೀರ್​ ಮಿಂಚು

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು:

"ಬಜಾರ್​', "ಬೈಟು ಲವ್​' ಬಳಿಕ ಧನ್​ವೀರ್​ ಗೌಡ ನಾಯಕನಾಗಿರುವ ಚಿತ್ರ "ವಾಮನ'. ಶಂಕರ್​ ರಾಮ್​ ಆ್ಯಕ್ಷನ್​ ಕಟ್​ ಹೇಳುತ್ತಿರುವ ಈ ಆ್ಯಕ್ಷನ್​ ಎಂಟರ್​ಟೇನರ್​ ಚಿತ್ರದ ಪೋಸ್ಟರ್​ ಟೀಸರ್​ ಈಗಾಗಲೇ ರಿಲೀಸ್​ ಆಗಿದ್ದು, ಇದೀಗ ಭಾನುವಾರ (ಜು. 30) ಚಿತ್ರದ ಮೊದಲ ಹಾಡು ಬಿಡುಗಡೆ ಮಾಡಲು ಚಿತ್ರತಂಡ ಸಿದ್ಧತೆ ಮಾಡಿಕೊಳ್ಳುತ್ತಿದೆ.

ಇದನ್ನೂ ಓದಿ : ನಿಜವಾದ ಗಂಡಸು ಎಂದರೆ ಯಾರು? ಕೌಸಲ್ಯಾ ಸುಪ್ರಜಾ ರಾಮ ನೋಡಲು ಐದು ಕಾರಣಗಳು…

ಭೂಷಣ್​ ಮಾಸ್ಟರ್​ ನೃತ್ಯನಿರ್ದೇಶನದಲ್ಲಿ ಮೂಡಿಬಂದಿರುವ "ವಾ..ವಾ.. ವಾಮನ, ಇವನ ಮೈಮೇಲೆ ಬರುತಾನೆ ರಾವಣ' ಎಂದು ಸಾಗುವ ನಾಯಕನನ್ನು ಪರಿಚಯಿಸುವ ಹಾಡನ್ನು ಏಳು ಅದ್ದೂರಿ ಸೆಟ್​ಗಳಲ್ಲಿ ಚಿತ್ರೀಕರಣ ಮಾಡಿರುವುದು ವಿಶೇಷ. ಈ ಹಾಡಿಗೆ "ಜೇಮ್ಸ್​' ನಿರ್ದೇಶಕ ಚೇತನ್​ ಕುಮಾರ್​ ಸಾಹಿತ್ಯ ಬರೆದಿದ್ದು, ಅಜನೀಶ್​ ಲೋಕನಾಥ್​ ಸಂಗೀತ ನೀಡಿದ್ದಾರೆ. ಚಿತ್ರದ ಎಲ್ಲ ಹಾಡುಗಳಿಗೂ ಭೂಷಣ್​ ಮಾಸ್ಟರ್​ ನೃತ್ಯನಿರ್ದೇಶನ ಮಾಡಿದ್ದು, ನಾಯಕ ಧನವೀರ್​ ಮತ್ತು ನಾಯಕಿ ರೀಷ್ಮಾ ನಾಣಯ್ಯ ಅವರಿಂದ ಚೆನ್ನಾಗಿಯೇ ಕುಣಿಸಿದ್ದಾರೆ.

ಇದನ್ನೂ ಓದಿ : ಇದು ನಗಿಸುವ ಭೂತಾತ್ಮ : ತೆರೆಗೆ ಬರಲು “ನಮೋ ಭೂತಾತ್ಮ 2′ ರೆಡಿ

ಸಂಪತ್​, ಆದಿತ್ಯ ಮೆನನ್​, ಅಚ್ಯುತ್​ ಕುಮಾರ್​, ಅವಿನಾಶ್​, ತಾರಾ, ಶಿವರಾಜ್​ ಕೆಆರ್​ ಪೇಟೆ, ಪೆಟ್ರೋಲ್​ ಪ್ರಸನ್ನ, ಕಾಕ್ರೋಚ್​ ಸುಧಿ ಪ್ರಮುಖ ತಾರಾಗಣದಲ್ಲಿದ್ದಾರೆ. ಚಿತ್ರಕ್ಕೆ ಮಹೇಂದ್ರ ಸಿಂಹ ಛಾಯಾಗ್ರಹಣ, ಸುರೇಶ್​ ಆಮುರ್ಗಂ ಸಂಕಲನ, ಅರ್ಜುನ್​ ರಾಜು, ವಿಕ್ರಮ್​ ಮೋರ್​ ಮತ್ತು ಜಾಲಿ ಬಾಸ್ಟಿನ್​ ಸಾಹಸ, ನವೀನ್​ ಕಲಾ ನಿರ್ದೇಶನವಿರಲಿದೆ.

https://www.vijayavani.net/kausalya-supraja-rama-movie-review