ಆತ ಸಿದ್ದೇಗೌಡ (ರಂಗಾಯಣ ರು), ಹೆಣ್ಣುಮಕ್ಕಳಿರುವುದೇ ಪುರುಷರ ಸೇವೆ ಮಾಡಲು ಎಂದು ನಂಬಿದ ವ್ಯಕ್ತಿ. ಆತನ ಪತ್ನಿ ಕೌಸಲ್ಯ (ಸುಧಾ ಬೆಳವಾಡಿ) ಗಂಡ ಹೇಳಿದಂತೆ ಕೇಳಿಕೊಂಡು, ಬೈಸಿಕೊಂಡು, ಹೊಡೆಸಿಕೊಂಡು, ಆತನ ಅವತಾರಗಳಿಗೆ ಹೊಂದಿಕೊಂಡ ಹೆಣ್ಣುಮಗಳು. ಆ ಜೋಡಿಯ ಮಗ ರಾಮೇಗೌಡ ಅಲಿಯಾಸ್ ರಾಮ (ಕೃಷ್ಣ). ಬಾಲ್ಯದಿಂದಲೂ ಅಪ್ಪನನ್ನು ನೋಡಿ ಅದೇ ಮನಸ್ಥಿತಿ ರೂಢಿಸಿಕೊಂಡ ಹುಡುಗ. "ಸ್ಕೂಟಿನ ಬುಲೆಟ್ ಫಾಲೋ ಮಾಡಬಾರದು, ಬುಲೆಟ್ನ ಸ್ಕೂಟಿ ಫಾಲೋ ಮಾಡಬೇಕು' ಅಂತಿರುವ ಆತ ಶಿವಾನಿಯನ್ನು (ಬೃಂದಾ ) ಪ್ರೀತಿಸತೊಡಗುತ್ತಾನೆ. ಆದರೆ, ಈತನ ಆಟಗಳನ್ನು ನೋಡಿ ಸಾಕಾಗಿ ಆಕೆ ಗುಡ್ಬೈ ಹೇಳಿಬಿಡುತ್ತಾಳೆ. ಕೆಲವು ತಪ್ಪು ನಿರ್ಧಾರಗಳಿಂದ ಈ ಕಲಿಯುಗದ ರಾಮ ತಾನೇ ವನವಾಸ ಅನುಭವಿಸುವಂತಾಗುತ್ತದೆ. ಅದೇ ಸಮಯದಲ್ಲಿ ನಡೆಯುವ ಟನೆಯೊಂದು ಆತನನ್ನು ಸಂಪೂರ್ಣವಾಗಿ ಬದಲಿಸಿಬಿಡುತ್ತದೆ. ಆಗ ರಾಮನ ಜೀವನಕ್ಕೆ ಮುತ್ತುಲಕ್ಷ್ಮಿ (ಮಿಲನಾ) ಎಂಟ್ರಿಯಾಗುತ್ತಾಳೆ. ಮುಂದೆ? ರಾಮನಿಗೆ ಹೇಗೆ ಜ್ಞಾನೋದಯವಾಗುತ್ತದೆ? ಶಿವಾನಿ ಮತ್ತೆ ವಾಪಸ್ಸಾಗುತ್ತಾಳಾ? ರಾಮ ಮುತ್ತುಲಕ್ಷ್ಮಿ ಮದುವೆಯಾಗುತ್ತಾನಾ? ಸಿನಿಮಾ ನೋಡಿ.
