ಒಂದೇ ಸಿನಿಮಾ '3'ನೇ ಬಾರಿಗೆ ರಿ-ರಿಲೀಸ್: ಧನುಷ್​ ನಟನೆಯ ಫ್ಲಾಪ್ ಚಿತ್ರದ ಮೇಲೆ ಅರಳಿತು ಭರವಸೆ​

ಆಂಧ್ರಪ್ರದೇಶ: ತಮಿಳು ನಟ ಧನುಷ್ ಮತ್ತು ನಟಿ ಶ್ರುತಿ ಹಾಸನ್ ಅಭಿನಯದ 2012ರಲ್ಲಿ ಬಿಡುಗಡೆಗೊಂಡಿದ್ದ '3' ಚಿತ್ರ ಇದೀಗ ಮೂರನೇ ಬಾರಿಗೆ ರೀ-ರೀಲಿಸ್​ ಆಗಿದ್ದು, ಸೆ.14ರಂದು ಬಹುತೇಕ ಚಿತ್ರಮಂದಿರಗಳಲ್ಲಿ ತೆರೆಕಂಡಿದೆ. ನಟನ ಮಾಜಿ ಪತ್ನಿ ಐಶ್ವರ್ಯ ರಜನಿಕಾಂತ್​ ಅವರ ಚೊಚ್ಚಲ ನಿರ್ದೇಶನದಲ್ಲಿ ಮೂಡಿಬಂದ ಈ ಸಿನಿಮಾ ಅಂದು ಬಾಕ್ಸ್​ ಆಫೀಸ್​ನಲ್ಲಿ ಅಬ್ಬರಿಸುವಲ್ಲಿ ಮಕಾಡೆ ಮಲಗಿತ್ತು. ಆದ್ರೆ, ಇದೀಗ ಸತತ ಮೂರನೇ ಬಾರಿಗೆ 3 ಚಿತ್ರವನ್ನು ಮರುಬಿಡುಗಡೆ ಮಾಡಿರುವ ಚಿತ್ರತಂಡ, ಸದ್ಯ ಗಲ್ಲಾಪೆಟ್ಟಿಗೆಯಲ್ಲಿ ಶುಭಾರಂಭ ಕಂಡಿದೆ.

ಇದನ್ನೂ ಓದಿ: ರಾಷ್ಟ್ರ ಮಟ್ಟದ ಜಂಪ್ ರೋಪ್‌ನಲ್ಲಿ ಸಾಧನೆ

ಆಶ್ಚರ್ಯ ವಿಷಯ ಎಂದರೆ ಮೂರನೇ ಬಾರಿಗೆ ಚಿತ್ರಮಂದಿರಗಳಲ್ಲಿ ರೀ-ರಿಲೀಸ್ ಆಗಿರುವ ಧನುಷ್​ ಚಿತ್ರ ಇದೀಗ ಬಾಕ್ಸ್ ಆಫೀಸ್​ನಲ್ಲಿ ಕೇವಲ ಒಂದು ದಿನದ ಅಂತ್ಯಕ್ಕೆ 1.5 ಕೋಟಿ ರೂ. ಗಳಿಕೆ ಕಂಡಿದೆ ಎಂದು ಸಿನಿ ಮೂಲಗಳು ಮಾಹಿತಿ ಹಂಚಿಕೊಂಡಿವೆ. ಇದೇ ರೀತಿ ಚಿತ್ರ ಮುಂದಿನ ದಿನಗಳಲ್ಲಿ ಉತ್ತಮ ಪ್ರದರ್ಶನ ಕಾಣಲಿದ್ದು, ವಾರಾಂತ್ಯದಲ್ಲಿ ಪ್ರೇಕ್ಷಕರಿಂದ ಥಿಯೇಟರ್​ಗಳು ತುಂಬಲಿವೆ ಎಂಬ ನಿರೀಕ್ಷೆಗಳು ಸದ್ಯ ಹೆಚ್ಚಾಗಿವೆ. ಧನುಷ್ '3' ಚಿತ್ರಕ್ಕೂ ಮುನ್ನ ಈ ಹಿಂದೆ ಹಲವಾರು ತಮಿಳು ಸಿನಿಮಾಗಳು ಇದೇ ರೀತಿ ತೆಲುಗು ಚಿತ್ರಮಂದಿರಗಳಲ್ಲಿ ಮರು ಬಿಡುಗಡೆಯಾಗುವ ಮುಖೇನ ಅದೃಷ್ಟ ಪರೀಕ್ಷೆಗೆ ಇಳಿದು ಯಶಸ್ವಿಯಾಗಿವೆ. ಇದೀಗ ಈ ಸಾಲಿಗೆ 3 ಕೂಡ ಸೇರಿಕೊಂಡಿದೆ ಎಂದೇ ಹೇಳಬಹುದು.

ಸದ್ಯ '3' ಕೂಡ ಬಾಕ್ಸ್​ ಆಫೀಸ್​ನಲ್ಲಿ ಉತ್ತಮ ಕಲೆಕ್ಷನ್ ಕಂಡು, ರೀ-ರಿಲೀಸ್​ನಲ್ಲಿ ಯಶಸ್ವಿಯಾದರೆ, ಮುಂದಿನ ದಿನಗಳಲ್ಲಿ ಈ ಟ್ರೆಂಡ್​ ಮುಂದುವರೆಯುವ ಸಾಧ್ಯತೆಗಳು ಹೆಚ್ಚಿವೆ. ಚಿತ್ರದಲ್ಲಿ ಧನುಷ್​, ಶ್ರುತಿ ಹಾಸನ್, ಶಿವಕಾರ್ತಿಕೆಯನ್​, ಪ್ರಭು ಸೇರಿದಂತೆ ಮುಂತಾದವರ ತಾರಾಗಣವಿದೆ. ಐಶ್ವರ್ಯ ರಜನಿಕಾಂತ್ ನಿರ್ದೇಶನದ ಚಿತ್ರಕ್ಕೆ ನಟ್ಟಿ ಕುಮಾರ್​ ಬಂಡವಾಳ ಹೂಡಿದ್ದಾರೆ,(ಏಜೆನ್ಸೀಸ್). 

https://www.vijayavani.net/captain-cool-lost-his-temper-that-day