ಧೂಮ್​ 4ರಲ್ಲಿ ಶಾರುಖ್​ ಖಾನ್​ ಜತೆ ವಿಲನ್​ ಆಗಿ ಕಾಣಿಸಿಕೊಳ್ಳಲಿದ್ದಾರಾ ದೀಪಿಕಾ!

ಮುಂಬೈ: ಬಾಲಿವುಡ್​ನಲ್ಲಿ ಧೂಮ್ ಸರಣಿಯ ಸಿನಿಮಾಗಳು ಸಾಕಷ್ಟು ಸದ್ದು ಮಾಡಿವೆ. ಬಾಕ್ಸ್ಆಫೀಸ್​ನಲ್ಲಿ ನೂರಾರು ಕೋಟಿ ಗಳಿಕೆ ಮಾಡಿ ಹೊಸ ಹೊಸ ದಾಖಲೆಗಳನ್ನು ಸೃಷ್ಟಿಸಿವೆ. ಇದೀಗ 8 ವರ್ಷ ಆಗುತ್ತ ಬಂದರೂ ಧೂಮ್​ 4 ಸಿನಿಮಾ ಆಗಲಿದೆ ಎಂದು ಚಿತ್ರತಂಡ ಹೇಳುತ್ತಲೇ ಇದೆ. ಆದರೆ, ಅಧಿಕೃತ ಮಾತ್ರ ಇನ್ನೂ ಆಗಿಲ್ಲ. ಆಮೀರ್ ಬಳಿಕ ನಾಲ್ಕನೇ ಸರಣಿಯಲ್ಲಿ ಶಾರುಖ್​ ವಿಲನ್ ಆಗಲಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತಾದರೂ, ಇದೀಗ ಅವರ ಜತೆಗೆ ದೀಪಿಕಾ ಪಡುಕೋಣೆ ಹೆಸರೂ ತಳುಕು ಹಾಕಿಕೊಂಡಿದೆ.

ಇದನ್ನೂ ಓದಿ: ಮಾಸ್ಟರ್ ಸ್ಟ್ರೋಕ್!; ಅಲ್ಲಿ ಶೇ. 100 ಆಸನ ಭರ್ತಿ, ಇಲ್ಲಿ ಯಾವಾಗ?

ಅಂದರೆ, ಧೂಮ್ 4ರಲ್ಲಿ ಶಾರುಖ್​ ಖಾನ್ ಖಳನಾಗಿ ಕಾಣಿಸಿಕೊಂಡರೆ, ಅವರಿಗೆ ಜತೆಯಾಗಿ ದೀಪಿಕಾ ಸಹ ವಿಲನ್ ಪೋಷಾಕು ಧರಿಸಲಿದ್ದಾರಂತೆ. ಧೂಮ್ ಎರಡನೇ ಸರಣಿಯಲ್ಲಿ ಐಶ್ವರ್ಯಾ ರೈ ಹೃತಿಕ್ ಜತೆಗೆ ವಿಲನ್ ಆಗಿ ಕಾಣಿಸಿಕೊಂಡಿದ್ದರು. ಅದಾದ ಬಳಿಕ ಮೂರರಲ್ಲಿ ಆಮೀರ್​ಗೆ ಕತ್ರಿನಾ ಕೈಫ್ ಜತೆಯಾಗಿದ್ದರು. ಇದೀಗ ನಾಲ್ಕನೇ ಸರಣಿಯಲ್ಲಿ ಶಾರುಖ್​- ದೀಪಿಕಾ ಜೋಡಿ ಮೋಡಿ ಮಾಡಲಿದೆಯಂತೆ.

ಇದನ್ನೂ ಓದಿ: ಕಾರುಣ್ಯಾರಾಮ್​ ಕೂದಲು ದಾನ; 14 ಇಂಚುಗಳಷ್ಟು ಉದ್ದದ ಕೇಶರಾಶಿ ಕಟ್..

ಯಶ್​ ರಾಜ್ ಫಿಲಂಸ್​ ಬ್ಯಾನರ್​ನಲ್ಲಿ ಈ ಸಿನಿಮಾ ನಿರ್ಮಾಣವಾಗಲಿದ್ದು, ದೀಪಿಕಾ ಬರ್ತ್​ಡೇ ನಿಮಿತ್ತ ಹೀಗೊಂದು ಸುದ್ದಿ ಹರಿದಾಡುತ್ತಿದೆಯಾದರೂ, ಅಧಿಕೃತವಾಗಿಲ್ಲ. ಇತ್ತ ಶಾರುಖ್​ ಖಾನ್ ಪಠಾಣ್ ಸಿನಿಮಾ ಶೂಟಿಂಗ್​ನಲ್ಲಿ ಬಿಜಿಯಾಗಿದ್ದಾರೆ. ಸಾಲು ಸಾಲು ಸಿನಿಮಾಗಳಲ್ಲಿ ದೀಪಿಕಾ ತೊಡಗಿಸಿಕೊಂಡಿದ್ದಾರೆ. ಒಂದು ವೇಳೆ ಈ ಇಬ್ಬರು ಸ್ಟಾರ್​​ಗಳ ಡೇಟ್ಸ್ ಹೊಂದಾಣಿಕೆ ಆದರೆ, ಈ ಸಿನಿಮಾ ಸೆಟ್ಟೇರಲಿದೆ. (ಏಜೆನ್ಸೀಸ್​)

https://www.vijayavani.net/you-will-always-be-an-inspiration-alia-bhatt-wishes-deepika-padukone/