ಶಾಪಿಂಗ್ಗೆ ಹೋದಾಗ ಅಗತ್ಯ ವಸ್ತುಗಳ ಖರೀದಿಯೊಂದಿಗೆ…ಅಗತ್ಯ ವಿಲ್ಲದಿದ್ದರೂ ಇಷ್ಟ ಎಂಬ ಕಾರಣಕ್ಕೆ ಒಂದಷ್ಟು ವಸ್ತುಗಳನ್ನು ಕೊಳ್ಳುವುದು ಕೆಲವರ ಹವ್ಯಾಸ.
ಅದರಲ್ಲೂ ಮನೆಯ ಅಲಂಕಾರಿಕ ವಸ್ತುಗಳ ಖರೀದಿಗೆ ಹೆಚ್ಚಿನ ಆದ್ಯತೆ ಇರುತ್ತದೆ. ಚಾಕಲೇಟ್ಗಳು..ಮದ್ಯದ ಬಾಟಲಿಗಳು, ಕರ್ಟನ್..ಹೀಗೆ ಅವರವರ ಇಷ್ಟ, ಆಸಕ್ತಿಯ ವಸ್ತುಗಳನ್ನು ಕೊಳ್ಳುತ್ತಾರೆ.
ಆದರೆ ಇಲ್ಲೋರ್ವ ಮಹಿಳೆ ಶಾಪಿಂಗ್ನಿಂದ ತಂದ ವಸ್ತುವನ್ನು ನೋಡಿ ಆಕೆಯ ಪತಿ ತಬ್ಬಿಬ್ಬಾಗಿದ್ದಲ್ಲದೆ, ಆಗಿನಿಂದಲೂ ಆತ ಅಸಂತುಷ್ಟನಾಗಿದ್ದಾನೆ..ಅಸಂತೃಪ್ತನಾಗಿದ್ದಾನೆ.
ಇದನ್ನೂ ಓದಿ: ಮಲಗಿದ್ದ ಮನೆಯೊಡೆಯನ ಮುಖದ ಮೇಲೆ ಹೊಡೆದ ಬೆಕ್ಕು…; ಆತ ಎಚ್ಚರಗೊಳ್ಳದೆ ಇದ್ದರೆ ಅವನ ಇಡೀ ಕುಟುಂಬ ಸಾಯುತ್ತಿತ್ತು..!
ಅಷ್ಟೇ ಅಲ್ಲ ಆ ಪತಿ ತನ್ನ ದುಃಖ, ಅಸಮಾಧಾನಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡಿಕೊಂಡು ಸಾವಿರಾರು ಜನರ ಸಿಂಪತಿ ಗಿಟ್ಟಿಸಿಕೊಂಡಿದ್ದಾನೆ…!
ಆಸ್ಟ್ರೇಲಿಯಾದ ಮಹಿಳೆ ಸಾರಾ ಕಿರ್ನ್ಸ್ ಎಂಬುವರು ಅಂದು ಶಾಪಿಂಗ್ಗೆಂದು ಹೋಗಿದ್ದರು. ಆದರೆ ವಾಪಸ್ ಬರುವಾಗ ಎರಡು ದೊಡ್ಡ ಮರಗಳನ್ನೇ ಹೊತ್ತು ತಂದಿದ್ದಾರೆ.
ಎರಡು ದೊಡ್ಡ ಸಿಮೆಂಟ್ ಪಾಟ್ನಲ್ಲಿರುವ ಮರಗಳನ್ನು ಹೊತ್ತು ತಂದು, ಮಲಗುವ ಕೋಣೆಯಲ್ಲಿರುವ ಬೆಡ್ನ ಎರಡೂ ಕಡೆಗಳಲ್ಲಿ ಒಂದೊಂದನ್ನು ಇಟ್ಟಿದ್ದಾರೆ. ಆ ಸಸಿಗಳು ಎತ್ತರ ಇರುವುದರಿಂದ ಸಹಜವಾಗಿಯೇ ಪತಿಗೆ ಕಿರಿಕಿರಿ ಆಗಿದೆ.
ಇದನ್ನೂ ಓದಿ: 20 ಲೀಟರ್ ಬೆಲ್ಲದ ಕೊಳೆ ವಶ
ಮಹಿಳೆಯ ಪತಿ ತನ್ನ ಪತ್ನಿಯ ಶಾಪಿಂಗ್ ಬಗ್ಗೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ನನ್ನ ಪತ್ನಿಗೆ ಸರಿಯಾದ ಅಳತೆಯ, ಚಿಕ್ಕ ಸಸ್ಯಗಳನ್ನು ತರಲು ಏನಾಗಿತ್ತು ಎಂದು ಪ್ರಶ್ನಿಸಿದ್ದಾರೆ. ಇನ್ನೂ ಸ್ವಲ್ಪ ದಿನ ಹೋದರೆ ಪಕ್ಷಿಗಳೂ ಬಂದು ನೆಲೆಸಬಹುದು ಎಂದು ಅಲವತ್ತುಕೊಂಡಿದ್ದಾರೆ.
ಅವರ ಪೋಸ್ಟ್ ಓದಿದ ಹಲವರು ಪ್ರತಿಕ್ರಿಯೆ ನೀಡಿದ್ದು, ಸಮಾಧಾನ ಮಾಡಿದ್ದಾರೆ. (ಏಜೆನ್ಸೀಸ್)
