ನವದೆಹಲಿ: ಭಾರತ ಮಹಿಳಾ ಕ್ರಿಕೆಟ್ ತಂಡದ ಸದ್ಯ ಬಾಂಗ್ಲಾದೇಶ ಪ್ರವಾಸದಲ್ಲಿದೆ. ಇದರ ನಡುವೆ ಭಾರತ ತಂಡದ ಉಪನಾಯಕಿ ಹಾಗೂ ಎಡಗೈ ಆರಂಭಿಕ ಬ್ಯಾಟುಗಾರ್ತಿ ಸ್ಮೃತಿ ಮಂದನಾ ಮಂಗಳವಾರ 23ನೇ ಜನ್ಮದಿನಕ್ಕೆ ಕಾಲಿಟ್ಟರು. ವಿದೇಶ ಪ್ರವಾಸದಲ್ಲಿದ್ದರೂ ಅವರಿಗೆ ಅಚ್ಚರಿ ನೀಡುವ ಮೂಲಕ ಅವರ ಬಾಯ್ಫ್ರೆಂಡ್ ಈ ಜನ್ಮದಿನವನ್ನು ವಿಶೇಷವಾಗಿಸಿದರು.
ಜನಪ್ರಿಯ ಗಾಯಕಿ ಪಾಲಕ್ ಮುಚ್ಚಲ್ ಅವರ ಸಹೋದರ ಹಾಗೂ ಸಂಗೀತ ಸಂಯೋಜಕ ಪಲಾಶ್ ಮುಚ್ಚಲ್ ಅವರು ಸ್ಮೃತಿ ಮಂದನಾ ಅವರ ಬಾಯ್ಫ್ರೆಂಡ್ ಆಗಿದ್ದಾರೆ ಎಂದು ಈಗಾಗಲೆ ಸುದ್ದಿ ಹರಡಿತ್ತು. ಮುಂಬೈ ಆಟಗಾರ್ತಿ ಸ್ಮೃತಿ ಜನ್ಮದಿನದಂದು ಬಾಂಗ್ಲಾದೇಶದ ಢಾಕಾಗೆ ತೆರಳಿ ಅಚ್ಚರಿ ನೀಡುವ ಮೂಲಕ ಮತ್ತು ಸ್ಮೃತಿ ಜತೆ ಆತ್ಮೀಯವಾಗಿರುವ ಚಿತ್ರವನ್ನು ಇನ್ಸ್ಟಾಗ್ರಾಮ್ನಲ್ಲಿ ಪ್ರಕಟಿಸುವ ಮೂಲಕ ಪಲಾಶ್ ಮುಚ್ಚಲ್ ಇದಕ್ಕೆ ಬಹುತೇಕ ಅಧಿಕೃತ ಮುದ್ರೆ ಒತ್ತಿದ್ದಾರೆ.
ಕೆಲದಿನಗಳ ಹಿಂದೆ ಪಲಾಶ್ ಮುಚ್ಚನ್ ತನ್ನ 28ನೇ ಜನ್ಮದಿನದಂದು ಕೂಡ ಸ್ಮೃತಿ ಮಂದನಾ ಜತೆ ಟೀಮ್ ಇಂಡಿಯಾದ ನೀಲಿ ಜೆರ್ಸಿ ಧರಿಸಿರುವ ಚಿತ್ರವನ್ನು ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಹಂಚಿಕೊಂಡಿದ್ದರು. ಭಾರತ ತಂಡದ ಪರ 4 ಟೆಸ್ಟ್, 79 ಏಕದಿನ ಮತ್ತು 119 ಟಿ20 ಪಂದ್ಯ ಆಡಿರುವ ಸ್ಮೃತಿ ಮಂದನಾ, ಮಹಿಳೆಯರ ಐಪಿಎಲ್ ಖ್ಯಾತಿಯ ವುಮೆನ್ಸ್ ಪ್ರೀಮಿಯರ್ ಲೀಗ್ನಲ್ಲಿ ಆರ್ಸಿಬಿ ತಂಡದ ನಾಯಕಿಯಾಗಿದ್ದಾರೆ. ಆದರೆ ಇತ್ತೀಚೆಗೆ ತೀವ್ರ ರನ್ಬರದಿಂದಾಗಿ ಸ್ಮೃತಿ ಮಂದನಾ ಬ್ಯಾಟಿಂಗ್ನಲ್ಲಿ ಲಯ ಕಂಡುಕೊಳ್ಳಲು ಪರದಾಡುತ್ತಿದ್ದಾರೆ.
ದುಲೀಪ್ ಟ್ರೋಫಿ ಗೆಲುವಿನ ಬೆನ್ನಲ್ಲೇ ಹನುಮ ವಿಹಾರಿಗೆ ಗುಡ್ನ್ಯೂಸ್!
ಟೀಮ್ ಇಂಡಿಯಾ ಪದಾರ್ಪಣೆ ಬೆನ್ನಲ್ಲೇ ಬಾಡಿಗೆಯಿಂದ ಸ್ವಂತ ಮನೆಗೆ ಶಿಫ್ಟ್ ಆದ ಯಶಸ್ವಿ ಜೈಸ್ವಾಲ್!