ಮಗು ಮಡಿಲು ತುಂಬಿತು: ಐದು ವರ್ಷದ ಹಿಂದೆ ಮದುವೆಯಾಗಿತ್ತು. ಮೊದಲ ಸಲ ಗರ್ಭಧರಿಸಿದಾಗ ರಕ್ತ ಹೆಪ್ಪುಗಟ್ಟುವಿಕೆ ಸಮಸ್ಯೆಯಿಂದ ಆರು ತಿಂಗಳ ಗಂಡುಮಗು ಕಳೆದುಕೊಂಡೆವು. ನಂತರ ೨ನೇ ಬಾರಿ ಅವಳಿ ಹೆಣ್ಣು ಮಕ್ಕಳು ಸಹ ಬದುಕುಳಿಯಲಿಲ್ಲ. ಇನ್ನೇನು ಮಕ್ಕಳ ಭಾಗ್ಯ ಕನಸಿನ ಮಾತು ಎಂದು ಸುಮ್ಮನಾಗಿದ್ದೆವು. ಜಿಲ್ಲಾಧಿಕಾರಿ ಮೇಡಂ ನಮ್ಮೂರಿಗೆ ಬಂದಾಗ ನೋವು ಹೇಳಿಕೊಂಡೆ. ಒಬ್ಬ ತಾಯಿಯಂತೆ ಸ್ಪಂದಿಸಿದರು. ಐದೂವರೆ ತಿಂಗಳ ಕಾಲ (ದಿನಕ್ಕೆ ೪೫೦ ರೂ.) ಚುಚ್ಚು ಮದ್ದು ಮತ್ತು ಔಷಧ ಕೊಡಿಸಿದರು.ಇದರಿಂದ ನಾನು ತಾಯಿಯಾಗಲು ಸಾಧ್ಯವಾಯಿತು. ನನ್ನ ಆರೋಗ್ಯವೂ ಸುಧಾರಿಸಿದೆ. ಪುನರ್ಜನ್ಮ ಕೊಟ್ಟ ಜಿಲ್ಲಾಧಿಕಾರಿ ಅವರನ್ನು ಜೀವನಪೂರ್ತಿ ಸ್ಮರಿಸುತ್ತೇನೆ. ಹಗಲಿರುಳು ಕಾಳಜಿ ತೋರಿದ ವೈದ್ಯರು, ಆಶಾ ಕಾರ್ಯಕರ್ತೆ, ಆರೋಗ್ಯ ಸಿಬ್ಬಂದಿಯನ್ನು ಎಂದಿಗೂ ಮರೆಯಲಾರೆ ಎಂದು ನಾಗವೇಣಿ ಸಂತಸ ಹಂಚಿಕೊಂಡಿದ್ದಾರೆ.
