ಈಗಿರುವ ಸನ್ನಿವೇಶವನ್ನು ಗಮನಿಸಿದರೆ ಜೂನ್ 21-28ರ ನಡುವೆ ನಿತ್ಯವೂ ಪ್ರಕರಣಗಳ ಸಂಖ್ಯೆ 7,000ದಿಂದ 7,500 ಶ್ರೇಣಿಯಲ್ಲಿ ಇರಲಿದೆ. ಅಕ್ಟೋಬರ್ ಮೊದಲ ವಾರ ದೇಶದಲ್ಲಿ ಕರೊನಾ ಕೇಸ್ಗಳ ಸಂಖ್ಯೆ 5 ಲಕ್ಷ ತಲುಪಲಿದೆ. ಆ ನಂತರವಷ್ಟೇ ಇಳಿಮುಖವಾಗಲಿದೆ. ಇಂತಹ ಸನ್ನಿವೇಶದಲ್ಲಿ ಕರೊನಾ ಹುಟ್ಟಿನ ಮೂಲ ಕೇಂದ್ರವಾದ ವುಹಾನ್ನ ಪರಿಸ್ಥಿತಿ ಊಹಿಸಿಕೊಳ್ಳಿ. 76 ದಿನ ಸಂಪೂರ್ಣ ಲಾಕ್ಡೌನ್ ಮಾಡಬೇಕಾಗಿ ಬಂತು ಅಲ್ಲಿ. ಆದರೆ, ಭಾರತದಲ್ಲಿ ಸಾಕಷ್ಟು ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಂಡ ಕಾರಣ ಕೇಸ್ಗಳು ಏರುಮುಖವಾಗಿ ಸಾಗುವುದಕ್ಕೆ ಬಹಳ ದಿನಗಳು ಬೇಕಾಗಿವೆ. ಸಾಮಾಜಿಕ ಅಂತರ ಕಾಯುವ ದೃಷ್ಟಿಯಿಂದ ಸಾಧ್ಯವಾದಷ್ಟೂ ಸಾರ್ವಜನಿಕ ಸಾರಿಗೆ ತಪ್ಪಿಸಿದರೆ ಉತ್ತಮ. ತಪ್ಪಿದರೆ ಅಪಾಯ ಕಟ್ಟಿಟ್ಟ ಬುತ್ತಿ ಎಂಬುದನ್ನು ಸರ್ಕಾರದ ಗಮನಕ್ಕೂ ತಂದಿದ್ದೇವೆ ಎಂದು ಅವರು ಹೇಳಿದ್ದಾರೆ.
