ನಟಿ ಮನೆಯನ್ನು ಜಾಲಾಡಿದ ಪೊಲೀಸರು; ಲ್ಯಾಪ್​ಟಾಪ್​, ಕಂಪ್ಯೂಟರ್​ ಹಾರ್ಡ್​ಡಿಸ್ಕ್ ಇತ್ಯಾದಿ ವಶಕ್ಕೆ..

ಮುಂಬೈ: ಎರಡು ದಿನಗಳ ಹಿಂದೆ ಬಂಧನಕ್ಕೆ ಒಳಗಾಗಿರುವ ಖ್ಯಾತ ನಟಿಯೊಬ್ಬರ ಮನೆಯನ್ನು ಇಂದು ಜಾಲಾಡಿದ ಅಪರಾಧ ವಿಭಾಗದ ಪೊಲೀಸರು, ನಟಿಗೆ ಸಂಬಂಧಿಸಿದ ಲ್ಯಾಪ್​ಟಾಪ್​, ಕಂಪ್ಯೂಟರ್ ಹಾರ್ಡ್​ ಡಿಸ್ಕ್ ಇತ್ಯಾದಿಗಳನ್ನು ವಶಕ್ಕೆ ಪಡೆದಿದ್ದಾರೆ.

ಎನ್​ಸಿಪಿ ಮುಖ್ಯಸ್ಥ ಶರದ್ ಪವಾರ್​ ಅವರ ಕುರಿತು ಸೋಷಿಯಲ್ ಮೀಡಿಯಾದಲ್ಲಿ ಅವಹೇಳನಕಾರಿ ಸ್ಟೇಟಸ್ ಹಾಕಿದ್ದ ಹಿನ್ನೆಲೆಯಲ್ಲಿ ಮರಾಠಿ ನಟಿ ಕೇತಕಿ ಚಿತಾಲೆ ಅವರನ್ನು ಎರಡು ದಿನಗಳ ಹಿಂದೆ ಪೊಲೀಸರು ಬಂಧಿಸಿದ್ದರು.

ನವಿ ಮುಂಬೈನ ಕಲಂಬೊಲಿಯಲ್ಲಿರುವ ಕೇತಕಿಯ ನಿವಾಸಕ್ಕೆ ಆಕೆಯನ್ನು ಕರೆದೊಯ್ದ ಪೊಲೀಸರು, ಆಕೆಗೆ ಸಂಬಂಧಿಸಿದ ಲ್ಯಾಪ್​ಟಾಪ್​, ಕಂಪ್ಯೂಟರ್ ಹಾರ್ಡ್​ ಡಿಸ್ಕ್ ಜತೆಗೆ ಇತರ ಎಲೆಕ್ಟ್ರಾನಿಕ್ ಉಪಕರಣಗಳನ್ನು ವಶಪಡಿಸಿಕೊಂಡಿದ್ದಾರೆ.

ಈ ನಟಿ ವಿರುದ್ಧ ಮಹಾರಾಷ್ಟ್ರದ ಐದು ಜಿಲ್ಲೆಗಳಲ್ಲಿ ಒಟ್ಟು ಆರು ಕೇಸುಗಳು ದಾಖಲಾಗಿದ್ದು, ಈಕೆ ಮೇ 18ರ ವರೆಗೂ ಪೊಲೀಸರ ಕಸ್ಟಡಿಯಲ್ಲಿ ಇರಲಿದ್ದಾರೆ.

https://www.vijayavani.net/actor-salman-khan-joins-hands-with-vikrant-rona/

https://www.vijayavani.net/a-casual-tweet-resulted-in-controversy/