ಕಾಂಗ್ರೆಸ್​ ಸಂವಿಧಾನವನ್ನು ತುಳಿದಿದೆ, ಅಂಬೇಡ್ಕರ್ ಅವರ ಭಾವನೆಗಳಿಗೆ ದ್ರೋಹ ಬಗೆದಿದೆ: ಪ್ರಧಾನಿ ಮೋದಿ|PM Modi

PM Modi: ಸಂವಿಧಾನವನ್ನು ತಲೆಯ ಮೇಲೆ ಹೊತ್ತುಕೊಂಡು ನೃತ್ಯ ಮಾಡಿದವರು ಸಂವಿಧಾನವನ್ನು ತುಳಿದಿದ್ದಾರೆ ಮತ್ತು ಡಾ. ಬಿ.ಆರ್. ಅಂಬೇಡ್ಕರ್ ಭಾವನೆಗಳಿಗೆ ದ್ರೋಹ ಮಾಡಿದ್ದಾರೆ ಎಂದು ಪ್ರಧಾನಿ ನರೇಂದ್ರ ಮೋದಿ ಭಾನುವಾರ (ಆಗಸ್ಟ್​,17) ಆರೋಪಿಸಿದ್ದಾರೆ.

ದೆಹಲಿಯಲ್ಲಿ ಎರಡು ರಾಷ್ಟ್ರೀಯ ಹೆದ್ದಾರಿ ಯೋಜನೆಗಳನ್ನು ಉದ್ಘಾಟಿಸಲು ನಡೆದ ಸರ್ಕಾರಿ ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಿದ ಪ್ರಧಾನಿ, ಹಿಂದಿನ ಸರ್ಕಾರಗಳು ಕಾಂಗ್ರೆಸ್​ ಸರ್ಕಾರ ಗುಲಾಮರಂತೆ ನಡೆಸಿಕೊಂಡಿದೆ. ಸಂವಿಧಾನವನ್ನು ತಲೆಯ ಮೇಲೆ ಹೊತ್ತುಕೊಂಡು ನೃತ್ಯ ಮಾಡಿದವರು, ಸಂವಿಧಾನವನ್ನು ಹೇಗೆ ತುಳಿದು ಬಾಬಾಸಾಹೇಬ್ ಅಂಬೇಡ್ಕರ್ ಅವರಿಗೆ ದ್ರೋಹ ಬಗೆದ ಸತ್ಯವನ್ನು ನಾನು ನಿಮಗೆ ಹೇಳುತ್ತಿದ್ದೇನೆ ಎಂದು ಪ್ರಧಾನಿ ಮೋದಿ ತಿಳಿಸಿದ್ದಾರೆ.

ಇಂದು ನಾನು ನಿಮಗೆ ಆ ಸತ್ಯವನ್ನು ಹೇಳಲಿದ್ದೇನೆ. ದೆಹಲಿಯಲ್ಲಿ, ದೆಹಲಿ ಮುನ್ಸಿಪಲ್ ಕಾರ್ಪೊರೇಷನ್ ಕಾಯ್ದೆಯಲ್ಲಿ ಒಂದು ಅಪಾಯಕಾರಿ ಕಾನೂನು ಇತ್ತು. ನೈರ್ಮಲ್ಯ ಕೆಲಸಗಾರ ಮುಂಚಿತವಾಗಿ ತಿಳಿಸದೆ ಕೆಲಸ ಬಿಟ್ಟುಬಿಟ್ಟರೆ, ಅವನು ಅಥವಾ ಅವಳನ್ನು ಒಂದು ತಿಂಗಳು ಜೈಲಿಗೆ ಹಾಕಬಹುದು ಎಂಬ ಷರತ್ತು ಇತ್ತು ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಪ್ರಧಾನಿ ಮೋದಿ ಒಬ್ಬ ಕಳ್ಳ ಮತ್ತು ಆ ಕಳ್ಳನನ್ನು ಅಧಿಕಾರದಿಂದ ತೆಗೆದುಹಾಕುವುದು ಅವಶ್ಯಕ: ಮಲ್ಲಿಕಾರ್ಜುನ್ ಖರ್ಗೆ| Mallikarjun Kharge

ಕಾಂಗ್ರೆಸ್​ ಸರ್ಕಾರದಲ್ಲಿ ಸಫಾಯಿ ಕರ್ಮಚಾರಿಗಳ ಏನನಿಸಿತು? ನೀವು ಅವರನ್ನು ಸಣ್ಣ ತಪ್ಪಿಗೆ ಜೈಲಿಗೆ ಹಾಕುತ್ತೀರಾ? ಇವರು ಸಾಮಾಜಿಕ ನ್ಯಾಯದ ಬಗ್ಗೆ ದೊಡ್ಡದಾಗಿ ಮಾತನಾಡುತ್ತದೆ. ಇಂತಹ ಕಾನೂನುಗಳನ್ನು ರಚಿಸಿದರು. ಈ ಕಾನೂನುಗಳನ್ನು ತೆಗೆದು ಹಾಕುವುದಕ್ಕೆ ನಾವೇ ಬರಬೇಕಾಯಿತು ಎಂದು ಕಾಂಗ್ರೆಸ್​ ವಿರುದ್ಧ ಮೋದಿ ತೀವ್ರ ವಾಗ್ದಾಳಿ ನಡೆಸಿದರು.

ಬಲಿಷ್ಠ ಭಾರತ ನಿರ್ಮಾಣಕ್ಕೆ ಶ್ರೀಕೃಷ್ಣನಿಂದ ಸ್ಫೂರ್ತಿ: ಮೋದಿ

ಭಾರತವನ್ನು ಬಲಿಷ್ಠಗೊಳಿಸಲು, ನಾವು ಚಕ್ರಧಾರಿ ಶ್ರೀ ಕೃಷ್ಣನಿಂದ ಸ್ಫೂರ್ತಿ ಪಡೆಯಬೇಕು. ಭಾರತವನ್ನು ಸ್ವಾವಲಂಬಿಯನ್ನಾಗಿ ಮಾಡಲು, ನಾವು ಚರಖಾಧಾರಿ ಮಹಾತ್ಮ ಗಾಂಧಿ ಅವರ ಮಾರ್ಗವನ್ನು ಅನುಸರಿಸಬೇಕು. ನಾವು ನಮ್ಮ ಜೀವನದ ಸ್ಥಳೀಯರಿಗಾಗಿ ಕೆಲಸ ಮಾಡುವಂತೆ ರೂಪಿಸಿಕೊಳ್ಳಬೇಕು. ಇದನ್ನು ಸಾಧಿಸುವುದು ನಮಗೆ ಕಷ್ಟವಲ್ಲ. ಸಮಾಜಕ್ಕಾಗಿ ಕೆಲಸ ಮಾಡುವುದನ್ನು ನಮ್ಮ ಜೀವನದ ಮಂತ್ರವನ್ನಾಗಿ ಮಾಡಿಕೊಳ್ಳಬೇಕು. ಈ ಕಾರ್ಯ ನಮಗೆ ಕಷ್ಟಕರವಲ್ಲ. ನಾವು ಸಂಕಲ್ಪ ಮಾಡಿದಾಗಲೆಲ್ಲಾ, ಅದನ್ನು ಯಾವಾಗಲೂ ಸಾಧಿಸಿದ್ದೇವೆ ಎಂದು ಪ್ರಧಾನಿ ಮೋದಿ ತಿಳಿಸಿದರು.(ಏಜೆನ್ಸೀಸ್​)

https://www.vijayavani.net/dont-push-bumrah-into-retirement-what-did-the-former-cricketer-tell-critics