ಕಾಶಿ ವಿಶ್ವನಾಥನ ಸನ್ನಿಧಿಯಲ್ಲಿ ಫೋಟೋಶೂಟ್​; ಬಿಗ್​ಬಾಸ್​-2 ವಿನ್ನರ್​ ವಿರುದ್ಧ ದಾಖಲಾಯ್ತು ದೂರು

ವಾರಣಾಸಿ: ಸದಾ ಒಂದಿಲ್ಲೊಂದು ವಿವಾದಾತ್ಮಕ ಕೆಲಸಗಳಿಂದಲೇ ಸುದ್ದಿಯಲ್ಲಿರುವ ಖ್ಯಾತ ಯೂಟ್ಯೂಬರ್​, ಬಿಗ್​ಬಾಸ್​ ಒಟಿಟಿ-2 ವಿನ್ನರ್​ ಎಲ್ವಿಶ್​ ಯಾದವ್​ ವಿವಾದದ ಕೇಂದ್ರಬಿಂದು ಎಂದರೆ ತಪ್ಪಾಗಲಾರದು. ಇದೀಗ ಪುರಾಣ ಪ್ರಸಿದ್ಧ ಕಾಶಿ ವಿಶ್ವೇಶ್ವರ ದೇವಾಲಯದಲ್ಲಿ ಫೋಟೋ ತೆಗೆದಿರುವ ಆರೋಪ ಕೇಳಿ ಬಂದಿದ್ದು, ಎಲ್ವಿಶ್​ ಯಾದವ್​ ವಿರುದ್ಧ ದೂರು ದಾಖಲಾಗಿದೆ.

ವಾರಣಾಸಿಯ ಪ್ರಸಿದ್ಧ ಕಾಶಿ ವಿಶ್ವನಾಥನ ಸನ್ನಿಧಿಯಲ್ಲಿ ಮೊಬೈಲ್​ ಬಳಕೆ ನಿಷೇಧಿಸಲಾಗಿದ್ದು, ಒಂದು ವೇಳೆ ಮೊಬೈಲ್​ ಬಳಸಿದರೆ ಅಂತಹವರ ವಿರುದ್ಧ ಕ್ರಮ ಕೈಗೊಳ್ಳಲಾಗುತ್ತೆ. ಇದೀಗ ಎಲ್ವಿಶ್​ ದೇವಾಲಯದ ಒಳಗೆ ಫೋಟೋ ತೆಗೆಸಿಕೊಂಡಿರುವುದು ಹೊಸ ವಿವಾದವನ್ನು ಹುಟ್ಟು ಹಾಕಿದ್ದು, ಕ್ರಮಕ್ಕೆ ಆಗ್ರಹಿಸಿ ದೂರು ದಾಖಲಿಸಲಾಗಿದೆ.

ಇದನ್ನೂ ಓದಿ: ಬೆಂಗಳೂರು ಸೇರಿದಂತೆ ರಾಜ್ಯದ ಹಲವೆಡೆ ಭಾರೀ ಮಳೆ ಸಾಧ್ಯತೆ; ಆರೆಂಜ್ ಅಲರ್ಟ್​ ಘೋಷಣೆ

ವಾರಣಾಸಿ ಮೂಲದ ವಕೀಲರಾದ ಪ್ರತೀಕ್​ ಕುಮಾರ್​ ಸಿಂಗ್​ ಎಂಬುವವರು ಎಲ್ವಿಶ್​ ಯಾದವ್​ ವಿರುದ್ಧ ದೂರು ದಾಖಲಿಸಿದ್ದು, ದೇವಾಲಯದ ಆವರಣದಲ್ಲಿ ಮೊಬೈಲ್​ ಹಾಗೂ ಕ್ಯಾಮರಾ ಬಳಕೆಯನ್ನು ಸರ್ಕಾರ ನಿಷೇಧಿಸಿದೆ. ಇದರ ಹೊರತಾಗಿಯೂ ಎಲ್ವಿಶ್​ ಫೋಟೋ ತೆಗೆಸಿಕೊಂಡಿರುವುದು ನಿಯಮಗಳಿಗೆ ವಿರುದ್ಧವಾಗಿದ್ದು, ಆತನ ವಿರುದ್ಧ ಕಠಿಣ ಕ್ರಮಕೈಗೊಳ್ಳಬೇಕು ಎಂದು ಆಗ್ರಹಿಸಿ ವಕೀಲ ಪ್ರತೀಕ್​ ಕುಮಾರ್​ ಸಿಂಗ್​ ದೂರು ದಾಖಲಿಸಿದ್ದಾರೆ.

ಕೆಲ ತಿಂಗಳ ಹಿಂದೆ ನೋಯ್ಡಾದಲ್ಲಿ ನಡೆದ ರೇವ್​ಪಾರ್ಟಿಗೆ ಹಾವಿನ ವಿಷ ಸರಬರಾಜು ಮಾಡಿದ ಆರೋಪದ ಮೇಲೆ ಪೊಲೀಸರು ಎಲ್ವಿಶ್​ ಯಾದವ್​ನನ್ನು ವಶಕ್ಕೆ ಪಡೆದಿದ್ದರು. ಇದಲ್ಲದೆ ಅಕ್ರಮ ಹಣ ವರ್ಗಾವಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯ ಎಲ್ವಿಶ್​ ಯಾದವ್​ನನ್ನು ವಶಕ್ಕೆ ಪಡೆದು ವಿಚಾರಣೆಗೆ ಒಳಪಡಿಸಿತ್ತು.

https://www.vijayavani.net/amala-paul-responds-to-criticism-against-inappropriate-outfit-from-level-cross-promotions-the-problem-lies-with

https://www.vijayavani.net/police-open-fire-on-inter-state-thief-in-hubballi