ಎರಡು ತಿಂಗಳ ಬಳಿಕ ಹೆಚ್ಚಾಯಿತು ಪೆಟ್ರೋಲ್, ಡೀಸೆಲ್ ಬೆಲೆ

ನವದೆಹಲಿ: ಸರಿ ಸುಮಾರು ಎರಡು ತಿಂಗಳ ಬಳಿಕ ಪೆಟ್ರೋಲ್ ಮತ್ತು ಡೀಸೆಲ್ ದರದಲ್ಲಿ ಹೆಚ್ಚಳ ದಾಖಲಾಗಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆ ದರಕ್ಕೆ ಅನುಗುಣವಾಗಿ ದೇಶದಲ್ಲೂ ಪೆಟ್ರೋಲ್​ ದರ ಪ್ರತಿ ಲೀಟರಿಗೆ 17 ಪೈಸೆ ಮತ್ತು ಡೀಸೆಲ್ ದರ ಪ್ರತಿ ಲೀಟರಿಎ 22 ಪೈಸೆ ಹೆಚ್ಚಳವಾಗಿದೆ. ದೆಹಲಿಯಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ದರ 81.06 ರೂಪಾಯಿ ಇದ್ದಿದ್ದು, ಇದೀಗ 81.23 ರೂಪಾಯಿ ಆಗಿದೆ. ಡೀಸೆಲ್​ ದರ ಪ್ರತಿ ಲೀಟರ್​ಗೆ 70.46 ರೂಪಾಯಿ ಇದ್ದದ್ದು 70.68 ರೂಪಾಯಿ ಆಗಿದೆ.

ಇದನ್ನೂ ಓದಿ: ಲವ್​ನಲ್ಲಿ ಜಿಹಾದ್​ಗೆ ಜಾಗವೇ ಇಲ್ಲ – ರಾಜಸ್ಥಾನ ಸಿಎಂ ಅಶೋಕ್​ ಗೆಹ್ಲೋಟ್ ‘ಪ್ರೇಮ’ ಪಾಠ !

ಪೆಟ್ರೋಲ್ ದರ ಸೆಪ್ಟೆಂಬರ್ 22ರ ನಂತರ ಪರಿಷ್ಕರಣೆ ಆಗಿರಲಿಲ್ಲ. ಅದೇ ರೀತಿ ಡೀಸೆಲ್ ದರದಲ್ಲೂ ಅಕ್ಟೋಬರ್​ 2ರ ನಂತರ ಪರಿಷ್ಕರಣೆ ಆಗಿರಲಿಲ್ಲ. ಸರ್ಕಾರಿ ಸ್ವಾಮ್ಯದ ತೈಲ ಕಂಪನಿಗಳಾದ ಇಂಡಿಯನ್ ಆಯಿಲ್ ಕಾರ್ಪೊರೇಷನ್​, ಭಾರತ್ ಪೆಟ್ರೋಲಿಯಂ ಕಾರ್ಪೊರೇಷನ್​, ಹಿಂದುಸ್ಥಾನ್ ಪೆಟ್ರೋಲಿಯಂ ಕಾರ್ಪೊರೇಷನ್​ ಗಳು ಅಂತಾರಾಷ್ಟ್ರೀಯ ತೈಲ ಬೆಲೆ ಮತ್ತು ಫಾರಿನ್ ಎಕ್ಸ್​ಚೇಂಜ್​ ರೇಟ್​ಗೆ ಅನುಗುಣವಾಗಿ ದರ ಪರಿಷ್ಕರಣೆ ಮಾಡುತ್ತವೆ.

ಇದನ್ನೂ ಓದಿ: ಗ್ರಾಮದಲ್ಲಿದ್ದವರಿಗೆಲ್ಲ ಕರೊನಾ ವೈರಸ್ ಸೋಂಕು- ಒಬ್ಬ ಮಾತ್ರ ಬಚಾವ್​ !

ಇದಕ್ಕೂ ಮೊದಲು ಜೂನ್ 30ರಿಂದ ಆಗಸ್ಟ್ 15ರ ತನಕ ಮತ್ತು ಮಾರ್ಚ್ 17ರಿಂದ ಜೂನ್ 6ರ ತನಕ ತೈಲ ಬೆಲೆ ಯಥಾಸ್ಥಿತಿ ಇತ್ತು. ಮುಂಬೈನಲ್ಲಿ ಶುಕ್ರವಾರದ ಪರಿಷ್ಕೃತ ಪೆಟ್ರೋಲ್ ದರ 87.94 ರೂಪಾಯಿ, ಡೀಸೆಲ್​ ದರ 77.11 ರೂಪಾಯಿ ಆಗಿದೆ. ಪೆಟ್ರೋಲ್​ ದರ ಚೆನ್ನೈನಲ್ಲಿ 84.31, ಕೋಲ್ಕತದಲ್ಲಿ 82.79 ರೂಪಾಯಿ, ಡೀಸೆಲ್ ದರ ಚೆನ್ನೈನಲ್ಲಿ 76.17 ರೂಪಾಯಿ, ಕೋಲ್ಕತದಲ್ಲಿ 74.24 ರೂಪಾಯಿ ಆಗಿದೆ.

https://www.vijayavani.net/terrorists-had-planned-attack-on-26-11-anniversary-say-sources/