ಮಾರುಕಟ್ಟೆ ಏರಿಕೆಗೆ ಅಸಲಿ ಕಾರಣಗಳೇನು?
ಅಮೆರಿಕ ಎಲೆಕ್ಷನ್ ಎಫೆಕ್ಟ್: ಅಮೆರಿಕದಲ್ಲಿ ನಡೆದ ಮಧ್ಯಂತರ ಚುನಾವಣೆಯಲ್ಲಿ ಡೆಮಾಕ್ರಟಿಕ್ ಪಕ್ಷ ಜಯಭೇರಿ ಭಾರಿಸಿದೆ. ಇದರಿಂದಾಗಿ ಟ್ರಂಪ್ ಆಡಳಿತದ ರಿಪಬ್ಲಿಕ್ ಪಕ್ಷ ಅಧಿಕಾರ ವಂಚಿತರಾದ ಕಾರಣ, ಇಲ್ಲಿವರೆಗೆ ನಡೆದ ಏಕಪಕ್ಷೀಯ ನಿರ್ಧಾರಗಳಿಗೆ ಕಡಿವಾಣ ಬೀಳಲಿದ್ದು, ಇರಾನ್ ಜತೆಗಿನ ಯುದ್ಧದ ಕಾರ್ಮೋಡಗಳು ಕರಗಿ ಶಾಂತಿ ಮಾತುಕತೆ ಶುರುವಾಗಬಹುದು ಎಂಬ ಆಶಾವಾದ ಹೂಡಿಕೆದಾರರಲ್ಲಿ ಮೂಡಿದೆ.
ವಾಲ್ ಸ್ಟ್ರೀಟ್‌ನಲ್ಲಿ ಹಬ್ಬ: ಅಮೆರಿಕದ ‘ಡೌ ಜೋನ್ಸ್’ ಒಂದೇ ದಿನ 1,569 ಅಂಕ (3.03%) ಜಿಗಿದು 53,356.12 ಕ್ಕೆ ತಲುಪಿದೆ. ಇದು ಏಪ್ರಿಲ್ 2025 ರ ನಂತರದ ಕಂಡಿರುವ ಅತಿ ದೊಡ್ಡ ಜಿಗಿತವಾಗಿದೆ. S&P 500 ಮತ್ತು ನಾಸ್ಡಾಕ್ ಕೂಡ ಗಣನೀಯ ಏರಿಕೆ ದಾಖಲಿಸಿವೆ.
ತೈಲ ಬೆಲೆ ಪಾತಾಳಕ್ಕೆ: ಭಾರತದ ಪಾಲಿಗೆ ಅತಿ ದೊಡ್ಡ ಸಿಹಿ ಸುದ್ದಿ ಎಂದರೆ ಕಚ್ಚಾ ತೈಲ ದರ 94 ಡಾಲಕರ್ ಕ್ಕಿಂತ ಕೆಳಕ್ಕೆ ಇಳಿದಿರುವುದು. ಬ್ರೆಂಟ್ ಕಚ್ಚಾ ತೈಲ ಪ್ರತಿ ಬ್ಯಾರೆಲ್‌ಗೆ 93.65 ಡಾಲರ್ ಕ್ಕೆ ಮತ್ತು ಡಬ್ಲ್ಯೂಟಿಐ 86.98 ಡಾಲರ್ಗಳಿಗೆ ಕುಸಿದಿದೆ.
ಭಾರತಕ್ಕೆ ತೈಲ ಇಳಿಕೆಯ ಲಾಭವೇನು?
ಭಾರತ ತನ್ನ ಅಗತ್ಯದ ಶೇ. 80ಕ್ಕೂ ಹೆಚ್ಚು ತೈಲವನ್ನು ವಿದೇಶದಿಂದಲೇ ತರಿಸಿಕೊಳ್ಳುತ್ತದೆ. ತೈಲ ಬೆಲೆ ಕಡಿಮೆಯಾದಷ್ಟೂ ದೇಶದಲ್ಲಿ ಹಣದುಬ್ಬರ ಇಳಿಯುತ್ತದೆ, ಕಂಪನಿಗಳ ಮೇಲಿನ ಹೊರೆ ಕಡಿಮೆಯಾಗುತ್ತದೆ. ವಿಶೇಷವಾಗಿ ಪೈಂಟ್ಸ್, ವಿಮಾನಯಾನ ಮತ್ತು ಆಟೋಮೊಬೈಲ್ ಕಂಪನಿಗಳಿಗೆ ಇದರಿಂದ ನೇರ ಲಾಭವಾಗಲಿದ್ದು, ಈ ವಲಯದ ಷೇರುಗಳು ಇಂದು ದೊಡ್ಡ ಲಾಭ ಮಾಡಿವೆ.
