ಕಳೆದ 10 ವರ್ಷಗಳಿಂದ ಬೆಲೆಯ ಅಸ್ಥಿರತೆ. ಇದರ ನಡುವೆ ಅನಾವೃಷ್ಟಿ, ಅತಿವೃಷ್ಟಿ. ಕಾಫಿ ಬೆಳೆಗಾರರು, ಕೂಲಿ ಕಾರ್ವಿುಕರೊಂದಿಗೆ ವನ್ಯಜೀವಿ ಸಂಘರ್ಷ. ಸತತ 2 ವರ್ಷಗಳ ಕರೊನಾದಿಂದ ಕಾಫಿ ರಫ್ತಿಗೆ ತೀರಾ ಹಿನ್ನಡೆ. ಕೃಷಿ ಕಾರ್ವಿುಕರ ಕೊರತೆ. ಇಷ್ಟೆಲ್ಲ ಕಹಿವಾಸ್ತವದ ನಡುವೆಯೂ ಗುಣಮಟ್ಟದ ಕಾಫಿ ನಮ್ಮದು ಎಂಬುದು ಹೆಮ್ಮೆಯ ಸಂಗತಿ. ಕಾಫಿ ಬೆಳೆ ಮಾತ್ರವಲ್ಲ, ಮತ್ತೊಂದು ಆಯಾಮದಲ್ಲಿ ಉದ್ಯಮವೂ ಹೌದು. ಕಾಫಿ ಉಷ್ಣ ಎಂಬುದು ತಪ್ಪು ಅಭಿಪ್ರಾಯ. ಕೆಲವು ದೇಶಗಳಲ್ಲಿ ಓರ್ವ ವ್ಯಕ್ತಿ ವರ್ಷಕ್ಕೆ ಸರಾಸರಿ 15 ಕೆಜಿ ಕಾಫಿ ಪುಡಿ ಬಳಕೆ ಮಾಡುತ್ತಾನೆ. ನಮ್ಮಲ್ಲಿ ಇದರ ಪ್ರಮಾಣ ತೀರಾ ಕಡಿಮೆ. ಆದರೆ ಕೆಲವರು ಶೇ.60ರವರೆಗೂ ಚಿಕೋರಿ ಬಳಕೆ ಮಾಡುತ್ತಿರುವುದು ಸರಿಯಲ್ಲ. ಚಿಕೋರಿ ರದ್ದತಿ ಬಗ್ಗೆಯೂ ಚಿಂತನೆ ನಡೆಯುತ್ತಿದೆ. ಭಾರತೀಯ ಕಾಫಿ ಮಂಡಳಿ ಬೆಳೆಗಾರರಿಗೆ ಸೂಕ್ತವಾಗಿ ಸ್ಪಂದಿಸುತ್ತಿದೆ. ಬೆಳೆ ವಿಸ್ತೀರ್ಣಕ್ಕೆ ಶ್ರಮಿಸುತ್ತಿದೆ. ‘ವಿಜಯವಾಣಿ’ ಕ್ಲಬ್ ಹೌಸ್ನಲ್ಲಿ ವ್ಯಕ್ತವಾಗಿರುವ ಅನಿಸಿಕೆಗಳನ್ನು ಸರ್ಕಾರದ ಗಮನಕ್ಕೆ ತರಲಾಗುವುದು.
