ಪವನ್​ ಕಲ್ಯಾಣ್​ ಹೊಸ ಅವತಾರಕ್ಕೆ ಕಾರಣವೇನು? ಕೊನೆಗೂ ಸಿಕ್ತು ಉತ್ತರ!

ಟಾಲಿವುಡ್​ನ ಜನಪ್ರಿಯ ಹೀರೋ ಮತ್ತು ಜನಸೇನಾ ಪಕ್ಷದ ಅಧ್ಯಕ್ಷ 'ಪವರ್​ ಸ್ಟಾರ್​' ಪವನ್​ ಕಲ್ಯಾಣ್​ ಅವರ ಹೊಸ ಲುಕ್​ ನೋಡಿ, ಹಲವರು ಆಶ್ಚರ್ಯಗೊಂಡಿದ್ದುಂಟು. ಉದ್ದ ಕೂದಲು ಮತ್ತು ಗಡ್ಡ ಬಿಡುವುದರ ಜತೆಗೆ, ಇತ್ತೀಚಿನ ದಿನಗಳಲ್ಲಿ ಜುಬ್ಬಾ-ಪೈಜಾಮದಲ್ಲಿ ಹೆಚ್ಚು ಕಾಣಿಸಿಕೊಳ್ಳುತ್ತಿದ್ದಾರೆ ಪವನ್​ ಕಲ್ಯಾಣ್​. ಎಲ್ಲಕ್ಕಿಂತ ಹೆಚ್ಚಾಗಿ, ಅವರು ಸಾಕಷ್ಟು ತೂಕ ಇಳಿಸಿಕೊಂಡಿದ್ದಾರೆ.

ಅವರ ಈ ಹೊಸ ಲುಕ್​ ನೋಡಿ, ಅವರನ್ನು 'ಬಾಬಾ' ಪವನ್​ ಕಲ್ಯಾಣ್​ ಎಂದು ಮೊದಲು ನಿರ್ದೇಶಕ ರಾಮ್​ಗೋಪಾಲ್​ ವರ್ಮಾ ಕರೆದರು. ಆ ನಂತರ, ಅವರನ್ನು ಬಾಬಾ ಎಂದು ಕರೆಯುವ ಪರಿಪಾಠ ಶುರುವಾಗಿದೆ.

ಇದನ್ನೂ ಓದಿ: ಪವನ್​ ಕಲ್ಯಾಣ್​ ಆಯ್ತು … ಈಗ ಉದಯಕಿರಣ್​ ಬಗ್ಗೆ ವರ್ಮಾ ಚಿತ್ರ?

ಇಷ್ಟಕ್ಕೂ ಪವನ್​ ಕಲ್ಯಾಣ್​, ಯಾಕೆ ಈ ಬಾಬಾ ಅವತಾರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂಬ ಪ್ರಶ್ನೆ ಅವರ ಅಭಿಮಾನಿಗಳನ್ನು ಬಹಳಬಹಳ ಕಾಡುತ್ತಲೇ ಇದೆ. ಆದರೆ, ಈ ಪ್ರಶ್ನೆಯನ್ನು ಪವನ್​ ಮುಂದೆ ಇಡುವುದು ಹೇಗೆ ಎಂಬ ಗೊಂದಲದಲ್ಲಿದ್ದವರಿಗೆ, ಈಗ ಕೊನೆಗೂ ಉತ್ತರ ಸಿಕ್ಕಿದೆ.

ವಿಷಯ ಏನೆಂದರೆ, ಕಳೆದ ನಾಲ್ಕು ತಿಂಗಳುಗಳಿಂದ ಪವನ್​ ಮನೆ ಬಿಟ್ಟು ಎಲ್ಲೂ ಹೋಗಿಲ್ಲ. ಮನೆಯಲ್ಲೇ ಇರುವುದರಿಂದ ಕಡ್ಡ ಮತ್ತು ತಲೆ ಕೂದಲಿಗೆ ಕತ್ತರಿ ಹಾಕಿಲ್ಲ. ಇನ್ನೂ ಶೂಟಿಂಗ್​ ಶುರುವಾಗುವುದು ತಡವಿದೆ ಎಂಬ ಕಾರಣಕ್ಕೆ ಸುಮ್ಮನಿದ್ದಾರೆ. ಇದರಲ್ಲೇನು ವಿಶೇಷವಿಲ್ಲ. ವಿಷಯವಿರುವುದು ಅವರು ತೂಕ ಕಡಿಮೆ ಮಾಡಿಕೊಂಡಿರುವ ವಿಷಯದಲ್ಲಿ.

ಇದನ್ನೂ ಓದಿ: ಅಂದು ಗಾಂಧಿನಗರ, ಇಂದು ನಗರದಾಚೆ … ಉಪ್ಪಿ-ಗುರು ಸೈಕ್ಲಿಂಗ್​

ಪವನ್​ ಕಲ್ಯಾಣ್​ ಅವರು ಅಷ್ಟು ಸಪೂರ ಆಗಿದ್ದು ಹೇಗೆ ಎಂದರೆ, ಅವರು ಚಾರ್ತುಮಾಸ ದೀಕ್ಷೆಯನ್ನು ಪಡೆದಿದ್ದಾರಂತೆ. ದಿನಕ್ಕೆ ಒಂದು ಹೊತ್ತು ಮಾತ್ರ ಊಟ ಮಾಡುತ್ತಿದ್ದಾರಂತೆ. ಹಾಗಾಗಿ ಅವರ ತೂಕ ಇಳಿದಿದೆ.

ಪವನ್​ ತೂಕ ಇಳಿಸಿಕೊಂಡಿರುವುದಕ್ಕೆ ಅವರು ಅಭಿನಯಿಸುತ್ತಿರುವ ಕೆಲವು ಚಿತ್ರಗಳ ತಂಡಗಳು ಇದೀಗ ಟೆನ್ಶನ್​ ಆಗಿವೆ. ಏಕೆಂದರೆ, ಪವನ್​ ಆಗ ಮೈಕೈ ತುಂಬಿಕೊಂಡು ಚೆನ್ನಾಗಿದ್ದರು. ಇದೀಗ ನೋಡಿದರೆ, ಅವರು ತೂಕ ಇಳಿಸಿಕೊಂಡಿದ್ದಾರೆ. ಹಾಗಾಗಿ ಕಂಟಿನ್ಯುಟಿ ಮ್ಯಾಚ್​ ಮಾಡುವುದು ಹೇಗೆ ಎಂದು ಎಲ್ಲರೂ ತಲೆ ಕೆಡಸಿಕೊಂಡಿದ್ದಾರೆ.

ಆದರೆ, ಜಾಸ್ತಿ ಟೆನ್ಶನ್​ ಆಗುವ ಅವಶ್ಯಕತೆ ಇಲ್ಲ ಎಂದು ಪವನ್​ ಎಲ್ಲರಿಗೂ ಸೂಚ್ಯವಾಗಿ ಹೇಳಿದ್ದಾರಂತೆ. ಏಕೆಂದರೆ, ಸದ್ಯಕ್ಕಂತೂ ಅವರು ಚಿತ್ರೀಕರಣ ಮಾಡುವುದಕ್ಕೆ ಮುಂದಾಗದಿರುವ ಬಗ್ಗೆ ಅವರು ತೀರ್ಮಾನ ತೆಗೆದುಕೊಂಡಿದ್ದಾರೆ. ವರ್ಷದ ಕೊನೆಗೆ ಚಿತ್ರೀಕರಣಕ್ಕೆ ಹೋಗುವುದರಿಂದ, ಅಷ್ಟರಲ್ಲಿ ಪುನಃ ಫಾರ್ಮ್​ಗೆ ಬರುವ ಆಶ್ವಾಸನೆಯನ್ನು ಅವರು ನೀಡಿದ್ದಾರೆ ಎಂದು ಹೇಳಲಾಗುತ್ತಿದೆ.

https://www.vijayavani.net/vijaya-lakshmi-posts-video-from-hospital/