ನಾನೀಗ ಆರೋಗ್ಯವಾಗಿದ್ದೇನೆ. ನಿಮ್ಮೆಲ್ಲರ ಪ್ರೀತಿ ನನ್ನನ್ನು ಉಳಿಸಿದೆ. ಆದರೆ ನಾನು ಆತ್ಮಹತ್ಯೆಗೆ ಪ್ರಯತ್ನ ಮಾಡಿದ್ದನ್ನು ಅನೇಕರು ರಾಜಕೀಯಗೊಳಿಸುತ್ತಿದ್ದಾರೆ. ಸೀಮನ್ನಂತಹ ಜನರು ನನ್ನ ಸಾಯುವ ಪ್ರಯತ್ನವನ್ನು ಮತ್ತಷ್ಟು ಆಡಿಕೊಂಡರು. ನಾನು ಸಾಯಲು ನಿಜಕ್ಕೂ ಗಂಭೀರವಾಗಿ ನಿರ್ಧರಿಸಿದ್ದೆ. ನಾನು ಯಾವುದೋ ಒಂದು ನಿರ್ಧಿಷ್ಟ ಪಕ್ಷದ ದಾಳ ಎಂದು ಹೇಳುವುದನ್ನು ದಯವಿಟ್ಟು ನಿಲ್ಲಿಸಿ. ಮನುಷ್ಯರಂತೆ ವರ್ತಿಸಿ. ನಾನು ಸಾವಿನ ವಿಚಾರದಲ್ಲಿ ನಾಟಕ ಮಾಡುತ್ತಿಲ್ಲ. ಏನೂ ಆಹಾರ ಸೇವಿಸಲು ಸಾಧ್ಯವಾಗುತ್ತಿಲ್ಲ. ತಿಂದಿದ್ದೆಲ್ಲ ವಾಂತಿಯಾಗುತ್ತಿದೆ. ರಕ್ತದೊತ್ತಡ, ಹೃದಯ ಬಡಿತದಲ್ಲಿ ಕೂಡ ಬದಲಾವಣೆಯಾಗುತ್ತಿದೆ. ನಾನು ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದೇನೆ. ಯಾರದ್ದೋ ಅಣತಿ ಮೇರೆಗೆ ಇದನ್ನೆಲ್ಲ ಮಾಡುತ್ತಿಲ್ಲ. ನನ್ನ ಸಾವನ್ನು ರಾಜಕೀಯಗೊಳಿಸಿದ್ದಲ್ಲದೆ, ಬಾಯಿಗೆ ಬಂದಂತೆ ಮಾತನಾಡುತ್ತಿರುವವರ ಬಗ್ಗೆ ನನಗೆ ತುಂಬ ಬೇಸರವಿದೆ.
