ಇನ್ಸ್ಟಾಗ್ರಾಂ ಜಟಾಪಟಿ!
ಕೆಲ ದಿನಗಳಿಂದ ನಟ ಧನ್ವೀರ್ ಹಾಗೂ ವಿಜಯಲಕ್ಷ್ಮೀ ನಡುವೆ ಸಂಘರ್ಷ ನಡೆಯುತ್ತಲೇ ಇದೆ. ಮೈಸೂರಿಗೆ ಯುವ ದಸರಾಗೆ ಹೋಗಿದ್ದ ಸಂದರ್ಭದಲ್ಲಿ ಧನ್ವೀರ್, ನಟ ದರ್ಶನ್ ಅವರಿಗೆ ಏನು ಆಗುವುದಿಲ್ಲ, ಯಾವ ಕುನ್ನಿಯೂ ಏನು ಮಾಡಲು ಆಗಲ್ಲ, ಅವರು ಜೈಲಿನಿಂದ ಹೊರಬರುತ್ತಾರೆಂದು ಹೇಳಿದ್ದರು. ಈ ಹೇಳಿಕೆ ವಿವಾದದ ರೂಪವನ್ನೂ ಪಡೆದುಕೊಂಡಿತು.
ನಟ ಧನ್ವೀರ್ ಅವರ ಈ ಮಾತಿಗೆ ತಿರುಗೇಟು ಎನ್ನುವಂತೆ ವಿಜಯಲಕ್ಷ್ಮೀ, ತಮ್ಮ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ, "ಕೆಲವರು ದರ್ಶನ್ ಅವರ ಹೆಸರನ್ನು ತಮ್ಮ ಸ್ವಾರ್ಥಕ್ಕಾಗಿ ಬಳಸಿಕೊಳ್ಳುತ್ತಾರೆ" ಎಂದು ಬರೆದುಕೊಂಡಿದ್ದರು.
ವಿಜಯಲಕ್ಷ್ಮೀ ಈ ಸ್ಟೋರಿಗೆ ಕೌಂಟರ್ ಆಗಿ ಧನ್ವೀರ್, ಬೇರೆಯವರ ಮೇಲೆ ಗೂಬೆ ಕೂರಿಸಿ, ಕೊನೆಗೆ ತಾವೇ ಸಂತ್ರಸ್ತರೆಂಬಂತೆ ವರ್ತಿಸುವುದು ಕೆಲವರ ಜಾಯಮಾನ. ಹೆದರಿಸುವುದು ನಿಮ್ಮ ಚಾಳಿಯಾದರೆ, ಅದನ್ನು ಎದುರಿಸಿ ನಿಲ್ಲುವುದು ನನ್ನ ಗುಣವಾಗಿದೆ ಎಂದು ವಿಜಯಲಕ್ಷ್ಮೀಗೆ ಧನ್ವೀರ್ ಪರೋಕ್ಷ ತಿರುಗೇಟನ್ನು ನೀಡಿದ್ದರು.
