25 ರಿಂದ 151 ಅಂಕ ಪಡೆದಿದ್ದೇ ಆಶ್ಚರ್ಯ!
ಇನ್ನು ಈ ಶಂಕರ್ ಬನ್ನೂರ್, ಕೆಲ ತಿಂಗಳುಗಳ ಹಿಂದೆ ನಡೆದಿದ್ದ ಕೆಎಸ್ಆರ್ಪಿ ಪೊಲೀಸ್ ಕಾನ್ಸ್ಟೇಬಲ್ ಪರೀಕ್ಷೆಯಲ್ಲಿ ಕೇವಲ 25 ಅಂಕಗಳನ್ನು ಪಡೆದುಕೊಂಡಿದ್ದ. ಆದರೆ, ನಂತರ ನಡೆದಿದ್ದ, ಗ್ರಾಮ ಆಡಳಿತ ಅಧಿಕಾರಿ (VAO) ಪರೀಕ್ಷೆಯಲ್ಲಿ 151 ಅಂಕ ಪಡೆಯುವ ಮೂಲಕ ರಾಜ್ಯಕ್ಕೆ ಟಾಪರ್ ಆಗಿ ಹೊರಹೊಮ್ಮಿದ್ದ.
ಈ, ರೀತಿ ದಿಢೀರ್ ಅಂಕ ಏರಿಕೆ ಕಂಡ ಕೆಲ ಸ್ಪರ್ಧಾರ್ಥಿಗಳು ಈ ಶಂಕರ್ ಬನ್ನೂರ್ ಮೇಲೆ ಅನುಮಾನ ವ್ಯಕ್ತಪಡಿಸಿ, ಪರೀಕ್ಷೆ ನಡೆಸಿದ್ದ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ (KEA) ಕ್ಕೆ ದೂರನ್ನು ಸಲ್ಲಿಸಿದ್ದರು. ಈ ದೂರನ್ನು ದಾಖಲಿಸಿಕೊಂಡ ಕೆಇಎ ಕಾರ್ಯನಿರ್ವಾಹಕ ನಿರ್ದೇಶಕ ಎಚ್. ಪ್ರಸನ್ನ, ಈ ಅಭ್ಯರ್ಥಿಯ ಕುರಿತು ತನಿಖೆ ನಡೆಸುವಂತೆ ಹಾವೇರಿ ಜಿಲ್ಲಾಧಿಕಾರಿಗಳಿಗೆ ಆದೇಶಿಸಿದ್ದರು.
CCTV ಯಲ್ಲಿ ಬಯಲಾದ ಕಳ್ಳಾಟ!
ಕೆಇಎ ನಿರ್ದೇಶಕರ ಆದೇಶದಂತೆ ಹಾವೇರಿ ಜಿಲ್ಲಾಧಿಕಾರಿಗಳು, ಈ ಶಂಕರ್ ಬನ್ನೂರ್ ಪರೀಕ್ಷೆ ಬರೆದಿದ್ದ ಕೊಠಡಿಯ ಸಿಸಿಟಿವಿ ಫೂಟೆಜ್ಅನ್ನು ಪರೀಕ್ಷಿಸಿದಾಗ ಆತನ ಕಳ್ಳಾಟ ಬಯಲಾಗಿದೆ. ಪರೀಕ್ಷಾ ಕೊಠಡಿಗೆ ಮೊಬೈಲ್ ತೆಗೆದುಕೊಂಡು ಹೋಗಿ ಅದರ ಮೂಲಕ ಪ್ರಶ್ನೆ ಪತ್ರಿಕೆಯನ್ನು ಸ್ಕ್ಯಾನ್ ಮಾಡಿ ಉತ್ತರ ಪಡೆದು, ಓಎಂಆರ್ ಪ್ರತಿಗಳಲ್ಲಿ ಉತ್ತರ ತುಂಬಿದ್ದಾನೆ. ಈ ಕಳ್ಳಾಟ ಪತ್ತೆಯಾದ ಕೂಡಲೇ ಆರೋಪಿ ಶಂಕರ್ ಬನ್ನೂರ್ನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
