ವಿಜಯ್​ ಸಂಭಾವನೆಯಲ್ಲಿ ಕಡಿತ ... ಹೊಸ ಚಿತ್ರಕ್ಕೆ ಅವರ ಪೇಮೆಂಟ್​ ಎಷ್ಟು ಗೊತ್ತಾ?

ಕರೊನಾದಿಂದ ಚಿತ್ರೀಕರಣ ಚಟುವಟಿಕೆಗಳೆಲ್ಲಾ ಬಂದ್​ ಆಗಿರುವುದರಿಂದ, ನಿರ್ಮಾಪಕರು ಕಂಗಾಲಾಗಿದ್ದಾರೆ. ಈ ನಿಟ್ಟಿನಲ್ಲಿ, ದೊಡ್ಡ ಸ್ಟಾರ್​ಗಳು ತಮ್ಮ ಸಂಭಾವನೆಯಲ್ಲಿ ಕಡಿತ ಮಾಡಬೇಕು ಎಂದು ಹಲವು ನಿರ್ಮಾಪಕರು, ಬೇಡಿಕೆ ಇಟ್ಟಿದ್ದಾರೆ. ಈಗಾಗಲೇ ನಟಿ ರಾಕುಲ್​ ಪ್ರೀತ್​ ಸಿಂಗ್​ ತಮ್ಮ ಸಂಭಾವನೆಯಲ್ಲಿ 50 ಪರ್ಸೆಂಟ್​ ಡಿಸ್ಕೌಂಟ್​ ಘೋಷಿಸಿದ್ದಾರೆ.

ಈಗ ತಮಿಳಿನಲ್ಲೂ ಇಂಥದ್ದೊಂದು ಪರ್ವ ಶುರುವಾಗಿದ್ದು, ವಿಜಯ್​ ಸಹ ತಮ್ಮ ಸಂಭಾವನೆಯನ್ನು ಕಡಿತಗೊಳಿಸಿದ್ದಾರೆ ಎಂಬ ಸುದ್ದಿಯೊಂದು ಕಾಲಿವುಡ್​ನಲ್ಲಿ ಕೇಳಿ ಬರುತ್ತಿದೆ.

ಇದನ್ನೂ ಓದಿ: ಬಾಲಿವುಡ್​ ನಟ ಫರ್ಹಾನ್​ ಅಖ್ತರ್​ಗೂ ಕರೊನಾ ಆತಂಕ

ಸದ್ಯ 'ಮಾಸ್ಟರ್​' ಚಿತ್ರದ ಬಿಡುಗಡೆಗೆ ಕಾದಿರುವ ವಿಜಯ್​, ಜನಪ್ರಿಯ ನಿರ್ದೇಶಕ ಎ.ಆರ್​. ಮುರುಗದಾಸ್​ ಅವರ ಜತೆಗೆ ಹೊಸದೊಂದು ಸಿನಿಮಾ ಮಾಡುವುದಕ್ಕೆ ಒಪ್ಪಿಕೊಂಡಿದ್ದಾರೆ. ಇದು ವಿಜಯ್​ ಮತ್ತು ಮುರುಗದಾಸ್​ ಜತೆಯಾಟದ ನಾಲ್ಕನೇ ಸಿನಿಮಾ. ಇದಕ್ಕೂ ಮುನ್ನ ಈ ಜೋಡಿ, 'ತುಪಾಕಿ', 'ಕತ್ತಿ' ಮತ್ತು 'ಸರ್ಕಾರ್​' ಚಿತ್ರಗಳಲ್ಲಿ ಜತೆಯಾಗಿತ್ತು. ಈ ಎಲ್ಲಾ ಚಿತ್ರಗಳು ಹಿಟ್​ ಆದ ಕಾರಣ, ಈ ಹೊಸ ಚಿತ್ರದಲ್ಲಿ ವಿಜಯ್​ ಮತ್ತು ಮುರುಗದಾಸ್​ ಮತ್ತೊಮ್ಮೆ ಜತೆಯಾಗುತ್ತಿದ್ದಾರೆ ಎನ್ನುವುದು ವಿಶೇಷ.

ಸನ್​ ಪಿಕ್ಚರ್ಸ್​ನವರು ನಿರ್ಮಿಸುತ್ತಿರುವ ಈ ಚಿತ್ರ ಇಷ್ಟರಲ್ಲಾಗಲೇ ಪ್ರಾರಂಭವಾಗಿ, ಮುಕ್ತಾಯದ ಹಂತಕ್ಕೆ ಬರಬೇಕಿತ್ತು. ಆದರೆ, ಲಾಕ್​ಡೌನ್​ನಿಂದಾಗಿ ಎಲ್ಲವೂ ತಲೆ ಕೆಳಗಾಗಿದೆ.

ಇದನ್ನೂ ಓದಿ: ಚಿರು ಅಗಲಿದ ತಿಂಗಳ ಬಳಿಕ ಸರ್ಜಾ ಕುಟುಂಬ ನೆರವೇರಿಸಿದ ಚಂಡಿಕಾ ಹೋಮದ ರಹಸ್ಯವೇನು?

ಈಗ ಬಂದಿರುವ ಹೊಸ ಸುದ್ದಿಯ ಪ್ರಕಾರ, ವಿಜಯ್​ ತಮ್ಮ ಸಂಭಾವನೆಯಲ್ಲಿ 20 ಪರ್ಸೆಂಟ್​ ಡಿಸ್ಕೌಂಟ್​ ಕೊಟ್ಟಿದ್ದಾರಂತೆ. ಹಾಗಾದರೆ, ಅವರು ಈ ಚಿತ್ರಕ್ಕೆ ಪಡೆಯುವ ಮೊತ್ತ ಎಷ್ಟು ಎಂಬ ಸಹಜ ಕುತೂಹಲ ಎಲ್ಲರಲ್ಲೂ ಇರುತ್ತದೆ. ಇದಕ್ಕೂ ಮುನ್ನ ವಿಜಯ್​, ತಮ್ಮ ಹೊಸ ಚಿತ್ರಕ್ಕೆ 100 ಕೋಟಿ ಸಂಭಾವನೆ ತೆಗೆದುಕೊಳ್ಳುತ್ತಾರೆ ಎಂದು ಹೇಳಲಾಗಿತ್ತು. ಅದರಲ್ಲಿ 20 ಪರ್ಸೆಂಟ್​ ಕಟ್​ ಮಾಡಿದರೆ, 80 ಕೋಟಿ ಸಂಭಾವನೆಯನ್ನು ಈ ಚಿತ್ರಕ್ಕೆ ತೆಗೆದುಕೊಳ್ಳಲಿದ್ದಾರೆ.

ಬರೀ ವಿಜಯ್​ ಅಷ್ಟೇ ಅಲ್ಲ, ನಿರ್ದೇಶಕ ಮುರುಗದಾಸ್​ ಸಹ ತಮ್ಮ ಸಂಭಾವನೆಯಲ್ಲಿ ಡಿಸ್ಕೌಂಟ್​ ಕೊಟ್ಟಿದ್ದಾರಂತೆ. ಆದರೆ, ಎಷ್ಟು ಪರ್ಸೆಂಟ್​ ಎಂಬ ವಿಷಯ ಇನ್ನೂ ಬಹಿರಂಗಗೊಂಡಿಲ್ಲ.

https://www.vijayavani.net/video-worldsnakeday-wishes-by-samyukta-hornad/