ಇತ್ತೀಚೆಗಷ್ಟೆ ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದ್ದು ಈ ವಿಭಿನ್ನ ಕಥೆಯಲ್ಲಿ, ಅಷ್ಟೇ ವಿಭಿನ್ನ ಪಾತ್ರದಲ್ಲಿ ನಾಯಕ ವಿಜಯ್ ರಾಘವೇಂದ್ರ ಮಿಂಚಿದ್ದಾರೆ. ‘ಈ ರೀತಿಯ ಪಾತ್ರ ಮಾಡಲು ಮೊದಲು ಹಿಂದೇಟು ಹಾಕಿದ್ದೆ. ಆದರೆ, ಕಥೆ ಹಿಡಿಸಿತು. ನನ್ನಂತೆಯೇ ನಿಮಗೂ ಈ ಸಿನಿಮಾ ಹಿಡಿಸುವ ವಿಶ್ವಾಸವಿದೆ’ ಎಂದು ಚಿತ್ರದ ಬಗ್ಗೆ ಅವರು ಭರವಸೆ ವ್ಯಕ್ತಪಡಿಸಿದರು. ಚೊಚ್ಚಲ ಚಿತ್ರಕ್ಕೆ ಆ್ಯಕ್ಷನ್-ಕಟ್ ಹೇಳಿರುವ ಸಂಭ್ರಮದಲ್ಲಿರುವ ನಿರ್ದೇಶಕ ಸುಹಾಸ್ ಕೃಷ್ಣ, ‘ಇದು ನನ್ನ ಮೊದಲನೇ ಸಿನಿಮಾ. ಸ್ವಂತ ಕಥೆಯ ಚಿತ್ರ. ಕೃತಿಚೌರ್ಯದ ಅಪಾಯದ ಬಗ್ಗೆ ಹಾಗೂ ಬರಹಗಾರನೊಬ್ಬನ ಜೀವನಗಾಥೆ ಚಿತ್ರದಲ್ಲಿದೆ. ಈ ಸಿನಿಮಾದಲ್ಲಿ ಕ್ರೈಂ-ಸಸ್ಪೆನ್ಸ್ ಅಂಶಗಳಿವೆ’ ಎಂದು ಮಾಹಿತಿ ನೀಡುತ್ತಾರೆ.
