ಮಧ್ಯರಾತ್ರಿ ಒಟ್ಟಿಗೆ ಕಾಣಿಸಿಕೊಂಡ ರಶ್ಮಿಕಾ ಮತ್ತು ವಿಜಯ್ ದೇವರಕೊಂಡ! ವಿಡಿಯೋ ವೈರಲ್!

ಮುಂಬೈ: ನಟ ವಿಜಯ್ ದೇವರಕೊಂಡ ಮತ್ತು ನ್ಯಾಷನಲ್ ಕ್ರಶ್ ನಟಿ ರಶ್ಮಿಕಾ ಮಂದಣ್ಣ ಭಾನುವಾರ ಮಧ್ಯರಾತ್ರಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಹೌದು, ವಿಜಯ್ ಮತ್ತು ರಶ್ಮಿಕಾ ನಡುವಿನ ಪ್ರೇಮಾಯಣದ ಸುದ್ದಿಗಳು ಕಳೆದ 2, 3 ವರ್ಷಗಳಿಂದ ಕೇಳಿಬರುತ್ತಿಲೆ ಇವೆ. ಇನ್ನು, ಆ ಸುದ್ದಿಗಳಿಗೆ ನಟ ಮತ್ತು ನಟಿ ಸಹ ಉತ್ತರ ನೀಡದೆ ಮೌನವಾಗಿದ್ದಾರೆ. ಹೀಗಾಗಿ, ಆಗಾಗ ಈ ಜೋಡಿ ಒಟ್ಟಿಗೆ ಕಾಣಿಸಿಕೊಳ್ಳುವುದು ಮಾದ್ಯಮದಲ್ಲಿ ದೊಡ್ಡ ಸುದ್ದಿಯಾಗುತ್ತೆ. ರಶ್ಮಿಕಾ ಮಂದಣ್ಣ ಅವರು ಸದ್ಯ ಮುಂಬೈನಲ್ಲಿ ನೆಲೆಸಿದ್ದು, ವಿಜಯ್ ಕೂಡ ತಮ್ಮ 'ಲೈಗರ್' ಚಿತ್ರದ ಶೂಟಿಂಗ್​ಗೆ ಅಂತ ಮುಂಬೈನಲ್ಲೇ ಇದ್ದಾರೆ. 

ಇದೀಗ, ಡಿ.19 ರಂದು ರಶ್ಮಿಕಾ ಜೊತೆ ವಿಜಯ್ ಡಿನ್ನರ್ ಡೇಟ್ ಎಂಜಾಯ್ ಮಾಡಿದ್ದಾರೆ. ಮುಂಬೈನ ಬಾಂಡ್ರಾದಲ್ಲಿರುವ ಹೋಟೆಲ್ ನಿಂದ ಒಟ್ಟಿಗೆ ಡಿನ್ನರ್ ಎಂಜಾಯ್ ಮಾಡಿ ಹೊರಗೆ ಬಂದಿರುವ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಈ ಸುದ್ದಿ ಸಾಮಾಜಿಕ ಮಾಧ್ಯಮದಲ್ಲಿ ಶೇರ್ ಆದ ತಕ್ಷಣ, ತಾರಾ ಜೋಡಿ ತಮ್ಮ ಸಂಬಂಧವನ್ನು ಅಧಿಕೃತ ಮಾಡಲು ಹೊರಟಿದ್ದಾರೆಯೇ ಎಂಬ ಅನುಮಾನಗಳು ಹುಟ್ಟಿಕೊಂಡಿವೆ. 

ಈ ಹಿಂದೆಯೂ ಇದೇ ಜೋಡಿ, ಮುಂಬೈನ ಹಲವು ಜಾಗಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಜಿಮ್, ಹೋಟಲ್ ಅಂತ ಮುಂಬೈನ ಹಲವು ಕಡೆ ಕೈ ಕೈ ಹಿಡಿದುಕೊಂಡು ಒಡಾಡಿದ್ದಾರೆ. ವಿಜಯ್ ದೇವರಕೊಂಡ 'ಲೈಗರ್' ಚಿತ್ರದ ಶೂಟಿಂಗ್​ಗೆಂದು ಅಮೆರಿಕಾಗೆ ಹೋದಾಗ, ರಶ್ಮಿಕಾ ಸಹ ಅಲ್ಲಿಗೆ ಹೋಗಿ ನಟನನ್ನು ಭೇಟಿ ಮಾಡಿದ್ದಾರೆಂಬ ಮಾಹಿತಿ ಹರಿದಾಡಿದೆ.

https://www.vijayavani.net/prajwal-remembered-producer-ramu/

https://www.vijayavani.net/sudeep-as-bhargav-bakshi-in-kabzaa/