ವಾಪಸ್​ ಬಂದ್ರು ರಂಗೀಲಾ ಬೆಡಗಿ ಊರ್ಮಿಳಾ ಮಾತೊಂಡ್ಕರ್​...

ಬೆಂಗಳೂರು: ಕಾಂಗ್ರೆಸ್​ ಪಕ್ಷವನ್ನು ತೊರೆದು ಇತ್ತೀಚೆಗಷ್ಟೇ ಶಿವಸೇನೆಗೆ ಸೇರಿರುವ ನಟಿ ಊರ್ಮಿಳಾ ಮಾತೊಂಡ್ಕರ್ ಕೆಲವು ದಿನ 'ಇಲ್ಲಿ' ಕಾಣಿಸಿಕೊಂಡಿರಲಿಲ್ಲ. ಇದೀಗ ವಾಪಸ್ ಬಂದಿರುವ ಅವರು ಆ ಬಗ್ಗೆ ಹೇಳಿಕೊಂಡಿದ್ದು, ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡಿದ್ದಾರೆ.

ಅಂದಹಾಗೆ ಇದು ಪಕ್ಷಾಂತರದ ವಿಷಯ ಅಲ್ಲ. 'ಇಲ್ಲಿ' ಎಂದರೆ ಇದು ಸೋಷಿಯಲ್ ಮೀಡಿಯಾಗೆ ಸಂಬಂಧಿತ ವಿಷಯ. ಏಕೆಂದರೆ ಕೆಲವು ದಿನಗಳ ಹಿಂದೆ ರಂಗೀಲಾ ಹುಡುಗಿ ಊರ್ಮಿಳಾರ ಇನ್​ಸ್ಟಾಗ್ರಾಮ್​ ಖಾತೆ ಹ್ಯಾಕ್​ ಆಗಿತ್ತು. ಆ ಬಗ್ಗೆ ಸೈಬರ್ ಕ್ರೈಮ್​ಗೆ ದೂರು ಕೊಟ್ಟು, ಮತ್ತೆ ಇನ್​ಸ್ಟಾಗ್ರಾಮ್​ಗೆ ಎಂಟ್ರಿ ಸಿಕ್ಕ ಬಳಿಕದ ವಿಷಯವನ್ನು ಊರ್ಮಿಳಾ ಹಂಚಿಕೊಂಡಿದ್ದಾರೆ. 'ಅಯಾಮ್​ ಬ್ಯಾಕ್​ ಆನ್ ಇನ್​ಸ್ಟಾಗ್ರಾಮ್​' ಎಂದು ಹೇಳಿಕೊಂಡಿರುವ ಅವರು, ಮುಂಬೈ ಪೊಲೀಸರಿಗೆ ಹಾಗೂ ಇನ್​ಸ್ಟಾಗ್ರಾಮ್​ ತಂಡಕ್ಕೆ ಧನ್ಯವಾದ ತಿಳಿಸಿದ್ದಾರೆ.

ಇದನ್ನೂ ಓದಿ: ಸಾಯುವಾಗಲೂ ಮಗನಿಗೆ ಬಿಯರ್​ ಕುಡಿಯೋಕೆ ದುಡ್ಡು ಕೊಟ್ಟ ಅಪ್ಪ! 

ಸೈಬರ್ ಕ್ರೈಮ್​ ಎಂಬುದು ಮಹಿಳೆಯರು ಹಗುರವಾಗಿ ತೆಗೆದುಕೊಳ್ಳುವಂಥ ವಿಷಯವಲ್ಲ. ನನ್ನ ಇನ್​ಸ್ಟಾಗ್ರಾಮ್​ ಖಾತೆ ಹ್ಯಾಕ್​ ಆಗಿರುವ ಕುರಿತು ಮುಂಬೈ ಸೈಬರ್ ಕ್ರೈಮ್ ಪೊಲೀಸರಿಗೆ ದೂರು ನೀಡಲು ಹೋದಾಗ ಸೈಬರ್ ಕ್ರೈಮ್​ ಡಿಸಿಪಿ ರಶ್ಮಿ ಕರಂಡಿಕರ್ ಅವರ ಭೇಟಿಯಾಯಿತು. ಸೈಬರ್ ಕ್ರೈಮ್ ಸಂಬಂಧಿತ ವಿಷಯದ ಬಗ್ಗೆ ಆಗ ಅವರು ಮತ್ತಷ್ಟು ಅಂಶಗಳನ್ನು ತಿಳಿಸಿದರು. ಮುಂದೆ ಇಬ್ಬರೂ ಈ ವಿಷಯದ ಬಗ್ಗೆ ಒಂದಷ್ಟು ಕೆಲಸ ಮಾಡಲಿದ್ದೇವೆ ಎಂದೂ ಊರ್ಮಿಳಾ ಹೇಳಿಕೊಂಡಿದ್ದಾರೆ.

https://www.vijayavani.net/accused-arrest-who-gives-torture-for-money-after-getting-close/

https://www.vijayavani.net/s-scary-video-of-actor-jayasurya-dragged-by-power-tiller/

https://www.vijayavani.net/s-temple-dedicated-to-sonu-sood/