ಅಲ್ಲು ಅರ್ಜುನ್ ‘ರಾಕಾ’ಗೆ ವಿಲ್ ಸ್ಮಿತ್ ಎಂಟ್ರಿ? ವಿಲನ್ ಪಾತ್ರಕ್ಕೆ ಹಾಲಿವುಡ್ ಸ್ಟಾರ್ ಜೊತೆ ಮಾತುಕತೆ! Will Smith in Raaka

ಹೈದರಾಬಾದ್​: ತೆಲುಗು ಚಿತ್ರರಂಗದ ಸ್ಟಾರ್​ ನಟ ಅಲ್ಲು ಅರ್ಜುನ್​ ಹಾಗೂ ದೀಪಿಕಾ ಪಡುಕೋಣೆ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಳ್ಳಲಿರುವ ಬಹು ನೀರಿಕ್ಷಿತ ಸಿನಿಮಾ ರಾಕಾದಲ್ಲಿ ಹಾಲಿವುಡ್​​ನ ಖ್ಯಾತ ನಟ ವಿಲ್​ ಸ್ಮಿತ್​ (Will Smith in Raaka) ಕಾಣಿಸಿಕೊಳ್ಳಲಿದ್ದಾರೆ ಎಂಬ ಸುದ್ದಿಯೊಂದು ಸಾಕಷ್ಟು ಚರ್ಚೆಗೆ ಗುರಿಯಾಗಿದೆ.

ಭಾರತದ ಸಿನಿಮಾಗಳನ್ನು ಜಾಗತಿಕ ಮಟ್ಟದ ವೀಕ್ಷಕರನ್ನು ತಲುಪಿಸುವ ಉದ್ದೇಶದಿಂದ ಈ ಕೆಲಸಕ್ಕೆ ನಿರ್ದೇಶಕ ಅಟ್ಲೀ ಮುಂದಾಗಿದ್ದಾರೆಂದು ಹೇಳಲಾಗುತ್ತಿದೆ.

ಸೋಷಿಯಲ್​ ಮೀಡಿಯಾಗಳಲ್ಲಿ ಹರಿದಾಡುತ್ತಿರುವ ಸುದ್ದಿ ಪ್ರಕಾರ, ರಾಕಾ ಸಿನಿತಂಡ ಈಗಾಗಲೇ ವಿಲ್​ ಸ್ಮಿತ್​ ಅವರನ್ನು ಬೇಟಿ ಮಾಡಿದ್ದು, ಸಿನಿಮಾ ಬಗ್ಗೆ, ಅಲ್ಲಿರುವ ಪಾತ್ರಗಳ ಬಗ್ಗೆ ಮಾತುಕತೆ ನಡೆಸುತ್ತಿದ್ದಾಗಿ ತಿಳಿದು ಬಂದಿದೆ.

ಹಾಲಿವುಡ್​ನಲ್ಲಿ ತನ್ನದೇ ಆದ ಅಭಿಮಾನಿ ಬಳಗವನ್ನು ಹೊಂದಿರುವ ವಿಲ್​ ಸ್ಮಿತ್​ ಆಗಮನದಿಂದ ಭಾರತದ ಸಿನಿಮಾಗೆ ಜಾಗತಿಕ ಮನ್ನಣೆ ದೊರೆಯಲಿದೆ ಎನ್ನುವುದು ಸಿನಿಮಾ ತಂಡದವರ ಲೆಕ್ಕಾಚಾರವಾಗಿದೆ.

ಇದೊಂದು ಸೈನ್ಸ್ ಫಿಕ್ಷನ್ ಸಿನಿಮಾವಾಗಿದ್ದು, ಅಲ್ಲು ಅರ್ಜುನ್​ ನಾಲ್ಕು ಪಾತ್ರಗಳಲ್ಲಿ ಕಾಣಿಕೊಳ್ಳಲಿದ್ದಾರೆಂದು ಹೇಳಲಾಗುತ್ತಿದೆ. ರಾಕಾದಲ್ಲಿ ದೀಪಿಕಾ ಪಡುಕೋಣೆ, ಜನ್ವಿ ಕಪೂರ್​, ಮೃಣಾಲ್​ ಠಾಕೂರ್​, ರಶ್ಮಿಕಾ ಮಂದಣ್ಣ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದು, ಈ ಸಿನಿಮಾವನ್ನು ಸನ್​​ ಪಿಚ್ಚರ್ಸ್​ ನಿರ್ಮಾಣ ಮಾಡುತ್ತಿದೆ, (ಏಜನ್ಸೀಸ್​).