ಮೆಗಾ ಕುಟುಂಬದ ಹೀರೋಗೆ ತಮನ್ನಾ ಭಾಟಿಯಾ ಡ್ಯಾನ್ಸ್ ಚಾಲೆಂಜ್! ವಿಡಿಯೋ ವೈರಲ್...

ತಮ್ಮ ನಟನೆಯಿಂದ ಸಿನಿಪ್ರಿಯರ ಹೃದಯ ಕದ್ದಿರುವ ಸೌತ್ ನಟಿ ತಮನ್ನಾ ಭಾಟಿಯಾ ಅಂದರೆ ಮಿಲ್ಕಿ ಬ್ಯೂಟಿ ಅವರು ಅತ್ಯುತ್ತಮ ಡ್ಯಾನ್ಸರ್​ ಎನ್ನುವುದರಲ್ಲಿ ತಪ್ಪಿಲ್ಲ. ಬಹಳಷ್ಟು ಚಿತ್ರಗಳಲ್ಲಿ ಅವರು ಐಟಂ ಹಾಡುಗಳಲ್ಲಿಯೂ ಹೆಜ್ಜೆ ಹಾಕಿ ಎಲ್ಲರನ್ನು ರಂಜಿಸಿದ್ದಾರೆ. ಕನ್ನಡದ ‘ಕೆಜಿಎಫ್​: ಚಾಪ್ಟರ್​ 1’ ಚಿತ್ರದಲ್ಲಿನ ‘ಜೋಕೆ... ನಾನು ಬಳ್ಳಿಯ ಮಿಂಚು’ ಹಾಡಿಗೆ ತಮನ್ನಾ ಅವರು ಮಸ್ತ್ ಮಸ್ತ್ ಡ್ಯಾನ್ಸ್​ ಮಾಡಿ ಕನ್ನಡ ಪ್ರೇಕ್ಷಕರಿಗೆ ಹತ್ತಿರವಾಗಿದ್ದಾರೆ.

ಇದೀಗ, ನಟಿ ತಮನ್ನಾ ‘ಗನಿ’ ಚಿತ್ರದಲ್ಲಿ ಐಟಂ ಹಾಡಿಗೆ ಕುಣಿದು ಕುಪ್ಪಳಿಸಿದ್ದಾರೆ. ಅಂದಹಾಗೆ, ಸಾಮಾಜಿಕ ಜಾಲತಾಣದಲ್ಲಿ ನಟಿಯ ವಿಡಿಯೋ ಒಂದು ವೈರಲ್​ ಆಗುತ್ತಿದೆ. ಈ ಸಿನಿಮಾದಲ್ಲಿ ತೆಲುಗಿನ ಮೆಗಾ ಕುಟುಂಬದ ವರುಣ್​ ತೇಜ್ ಅವರು ನಾಯಕ ನಟ. ಇನ್ನು, ನಟ ಜಗಪತಿ ಬಾಬು ಮತ್ತು ಸಾಯಿ ಮಂಜ್ರೇಕರ್​ ಅವರು ಬೇರೆ ಬೇರೆ ಪಾತ್ರಗಳಲ್ಲಿ ಮಿಂಚಲಿದ್ದಾರೆ. ಈ ಚಿತ್ರದಲ್ಲಿ ‘ಕೋಡ್ತೆ’ ಎಂಬ ಐಟಂ ಹಾಡಿಗೆ ತಮನ್ನಾ ಸಖತ್​ ಆಗಿ ಹೆಜ್ಜೆ ಹಾಕಿದ್ದಾರೆ.

‘ಗನಿ’ ಚಿತ್ರದಲ್ಲಿನ ‘ಕೋಡ್ತೆ’ ಹಾಡಿನ ಲಿರಿಕಲ್​ ವಿಡಿಯೋದಲ್ಲಿ ತಮನ್ನಾ ಹೆಜ್ಜೆ ಹಾಕಿರುವುದು ಕಂಡುಬಂದಿದ್ದು, ತಮ್ಮ ರೀತಿಯೇ ಡ್ಯಾನ್ಸ್​ ಮಾಡಿ ತೋರಿಸುವಂತೆ ಚಿತ್ರದ ನಟ ವರುಣ್​ ತೇಜ್​, ನಟಿ ಸಾಯಿ ಮಂಜ್ರೇಕರ್​ಗೆ ತಮನ್ನಾ #KodtheDanceChallenge ಹಾಕಿದ್ದಾರೆ. ಈಗ ತಮನ್ನಾ ಬಳಸಿರುವ ಈ ಹ್ಯಾಶ್​ ಟ್ಯಾಗ್​ ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡಿಂಗ್ ಆಗುತ್ತಿದೆ. ‘ಗನಿ’ ಸಿನಿಮಾಗೆ ತಮನ್​.ಎಸ್​ ಅವರು ಸಂಗೀತ ನಿರ್ದೇಶನ ಮಾಡಿದ್ದಾರೆ. 

https://www.vijayavani.net/srivalli-and-saami-saami-songs-get-100-million-views-on-youtube-and-create-a-new-record-for-pushpa-movie/

https://www.vijayavani.net/thalapathy-vijay-raises-his-remuneration-for-thalapthy-66-movie-and-would-earn-a-whopping-120-crores/