ಜೈಲರ್​ಗಾಗಿ 110 ಕೋಟಿ ರೂ. ಸಂಭಾವನೆ ಪಡೆದರಾ ರಜಿನಿಕಾಂತ್​?

ಭಾರತದಲ್ಲೇ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟ ಸೂಪರ್​ಸ್ಟಾರ್​ ರಜಿನಿಕಾಂತ್​. "ಅನ್ನಾತೆ' ರಿಲೀಸ್​ ಆದ ಎರಡು ವರ್ಷಗಳ ನಂತರ ಅವರು ನಟಿಸಿರುವ ಚಿತ್ರ "ಜೈಲರ್​'. ಟೈಗರ್​ ಮುತ್ತುಸ್ವಾಮಿ ಪಾಂಡಿಯನ್​ ಎಂಬ ನಿವೃತ್ತ ಜೈಲರ್​ ಪಾತ್ರದಲ್ಲಿ ರಜಿನಿ ನಟಿಸಿದ್ದಾರೆ. ನೆಲ್ಸನ್​ ದಿಲೀಪ್​ ಕುಮಾರ್​ ನಿರ್ದೇಶನದ ಆ್ಯಕ್ಷನ್​ ಥ್ರಿಲ್ಲರ್​ ಚಿತ್ರವಿದು. ಈಗಾಗಲೇ ಪೋಸ್ಟರ್​ ಮತ್ತು ಶೋಕಾಸ್​ ವಿಡಿಯೋ ಮೂಲಕ ಚಿತ್ರದ ಬಗ್ಗೆ ಎಲ್ಲಿಲ್ಲದ ಕುತೂಹಲ ಮೂಡಿಸಿರುವ ಚಿತ್ರ "ಜೈಲರ್​'. ಜತೆಗೆ "ಕಾವಾಲಯ್ಯ…' ಹಾಡು ಕೂಡ ಹಿಟ್​ ಲಿಸ್ಟ್​ ಸೇರಿದ್ದು, ಸಿನಿಮಾ ಮೇಲಿನ ನಿರೀೆ ಹೆಚ್ಚಿಸಿದೆ.

ಇದನ್ನೂ ಓದಿ : ರೆಬೆಲ್​ ರಾಗಿಣಿ : ಪಂಚ ಭಾಷೆಗಳಲ್ಲೂ ಬಿಜಿಯಾದ ಕನ್ನಡದ ಹುಡುಗಿ

ಇದೀಗ ಈ ಚಿತ್ರಕ್ಕಾಗಿ ರಜಿನಿಕಾಂತ್​ ಪಡೆದಿರುವ ಸಂಭಾವನೆ ಎಲ್ಲರ ಹುಬ್ಬೇರುವಂತೆ ಮಾಡಿದೆ. 225 ಕೋಟಿ ರೂ. ಬಜೆಟ್​ನಲ್ಲಿ "ಜೈಲರ್​' ಮೂಡಿಬಂದಿದ್ದು, ಅದರಲ್ಲಿ ರಜಿನಿಕಾಂತ್​ ಬರೋಬ್ಬರಿ 110 ಕೋಟಿ ರೂ. ಸಂಭಾವನೆ ಪಡೆದಿದ್ದಾರೆ ಎನ್ನಲಾಗಿದೆ. ಅರ್ಥಾತ್​ ಚಿತ್ರದ ಬಜೆಟ್​ನ ಶೇಕಡಾ 48ರಷ್ಟು ಹಣ ರಜಿನಿಕಾಂತ್​ ಜೇಬು ಸೇರಿದೆ. ಇನ್ನು ಚಿತ್ರದಲ್ಲಿ ಶಿವರಾಜಕುಮಾರ್​, ಮೋಹನ್​ ಲಾಲ್​, ಜಾಕಿ ಶ್ರಾಫ್​, ವಿನಾಯಕನ್​, ರಮ್ಯಕೃಷ್ಣ, ತಮನ್ನಾ ಭಾಟಿಯಾ ತಾರಾಗಣದಲ್ಲಿದ್ದಾರೆ.

ಇದನ್ನೂ ಓದಿ : ಡಾಲಿಗೆ ಸುಮನ್​ ಜೋಡಿ : ಕುತೂಹಲ ಮೂಡಿಸಿದ “ತೋತಾಪುರಿ 2′ ಚಿತ್ರದಲ್ಲಿ ಧನಂಜಯ ಲುಕ್

ಆ. 10ರಂದು "ಜೈಲರ್​' ವಿಶ್ವಾದ್ಯಂತ ರಿಲೀಸ್​ ಆಗಲಿದೆ. ತಮಿಳುನಾಡು ರಾಜ್ಯದ ಥಿಯೇಟರ್​ ಮಾಲೀಕರ ಸಂ, ರಾಜ್ಯಾದ್ಯಂತ ಕೇವಲ "ಜೈಲರ್​' ಚಿತ್ರವನ್ನು ಪ್ರದರ್ಶಿಸಲು ಥಿಯೇಟರ್​ ಮಾಲೀಕರಿಗೆ ಮನವಿ ಮಾಡಿದ್ದು, ಈಗಾಗಲೇ ಸಿನಿಮಾ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ಆ. 11ರಂದು ಬಾಲಿವುಡ್​ನಲ್ಲಿ ಸನ್ನಿ ಡಿಯೋಲ್​ ಅಭಿನಯದ "ಗದರ್​ 2' ಹಾಗೂ ಅಕ್ಷಯ್​ ಕುಮಾರ್​, ಪಂಕಜ್​ ತ್ರಿಪಾಠಿ ನಟಿಸಿರುವ "ಓ ಮೈ ಗಾಡ್​ 2' ಎರಡು ಸ್ಟಾರ್​ ಸಿನಿಮಾಗಳು ರಿಲೀಸ್​ ಆಗುತ್ತಿವೆ. ಬಾಲಿವುಡ್​ನ ಸ್ಟಾರ್​ ಸಿನಿಮಾಗಳಿಗೆ ದಣದ ಸೂಪರ್​ಸ್ಟಾರ್​ ಬಾಕ್ಸಾಫಿಸಿನಲ್ಲಿ ಮುಖಾಮುಖಿಯಾಗಲಿದ್ದಾರೆ.

-ಏಜೆನ್ಸೀಸ್​

https://www.vijayavani.net/kichcha-sudeep-speaks-about-upcoming-movies