ಸುದೀಪ್​ ಯಾಕೆ 'ಪುನೀತ ಪರ್ವ' ಕಾರ್ಯಕ್ರಮಕ್ಕೆ ಬರಲಿಲ್ಲ ಗೊತ್ತಾ?

ಶನಿವಾರ ಸಂಜೆ ಬೆಂಗಳೂರಿನಲ್ಲಿ ನಡೆದ 'ಗಂಧದ ಗುಡಿ' ಚಿತ್ರದ 'ಪುನೀತ ಪರ್ವ' ಎಂಬ ಪ್ರೀ-ರಿಲೀಸ್​ ಇವೆಂಟ್​ ಕಾರ್ಯಕ್ರಮಕ್ಕೆ ದಕ್ಷಿಣ ಭಾರತದ ಜನಪ್ರಿಯ ನಟರ ಜತೆಗೆ ಕನ್ನಡ ಚಿತ್ರರಂಗದ ಹಲವು ಸ್ಟಾರ್​ ನಟರು ಭಾಗವಹಿಸಿದ್ದರು. ಆದರೆ, ಈ ಕಾರ್ಯಕ್ರಮದಲ್ಲಿ ಸುದೀಪ್​ ಮಾತ್ರ ಈ ಇವೆಂಟ್​ನ ಭಾಗಿಯಾಗಿರಲಿಲ್ಲ. ಸುದೀಪ್​ ಅವರ ಗೈರುಹಾಜರಿಯ ಕುರಿತಾಗಿ ಸೋಷಿಯಲ್​ ಮೀಡಿಯಾದಲ್ಲಿ ಸಾಕಷ್ಟು ಟೀಕೆಗಳು ಸಹ ವ್ಯಕ್ತವಾದವು. ಈಗ ಸುದೀಪ್​ ಆ ಕಾರ್ಯಕ್ರಮಕ್ಕೆ ಬರಲಿಲ್ಲ ಎಂಬ ಅಸಲಿ ಕಾರಣ ಗೊತ್ತಾಗಿದೆ.

ಇದನ್ನೂ ಓದಿ: ಕೃಷ್ಣನಿಗೆ ‘ಕೃಷ್ಣ’ ಸಾಥ್​; ದಿಲ್​ ಪಸಂದ್ ಚಿತ್ರದಲ್ಲಿ ಅಜೇಯ್​ ರಾವ್​ ವಿಶೇಷ ಪಾತ್ರ

ಈ ಕಾರ್ಯಕ್ರಮಕ್ಕೆ ಸುದೀಪ್​ ಬರದಿರುವುದಕ್ಕೆ ನಿಜವಾದ ಕಾರಣ ಎಂದರೆ, ಅವರು ತಮ್ಮ ಪತ್ನಿ ಜತೆಗೆ ಆಸ್ಟ್ರೇಲಿಯಾದಲ್ಲಿದ್ದಾರೆ. ಅಷ್ಟೇ ಅಲ್ಲ, ಭಾನುವಾರ ನಡೆದ ಭಾರತ ಮತ್ತು ಪಾಕಿಸ್ತಾನ ನಡುವಿನ ಮ್ಯಾಚ್​ಗೆ ಅವರು ಸಾಕ್ಷಿಯಾಗಿದ್ದಾರೆ.

ಈ ಕುರಿತು ಟ್ವಿಟರ್​ನಲ್ಲಿ ಬರೆದುಕೊಂಡಿರುವ ಸುದೀಪ್​, 'ಮಹಾರಾಜನು ಎಲ್ಲಿದ್ದರೂ ಮಹಾರಾಜ ತಾನೇ ... ಈ ಪಂದ್ಯವನ್ನು ಲೈವ್​ ಆಗಿ ವೀಕ್ಷಿಸುವುದೇ ಒಂದು ದೊಡ್ಡ ಗೌರವ' ಎಂದು ಹೇಳಿದ್ದಾರೆ. ಅಷ್ಟೇ ಅಲ್ಲ, ಹಾರ್ದಿಕ್​ ಪಾಂಡ್ಯ ಬಗ್ಗೆಯೂ ಮೆಚ್ಚುಗೆ ಸೂಚಿಸಿರುವ ಸುದೀಪ್​, 'ನೀವು ತಾಳ್ಮೆಯಿಂದ ಆಡದಿದ್ದರೆ, ಇದು ಸಾಧ್ಯವಾಗುತ್ತಿರಲಿಲ್ಲ. ಹ್ಯಾಟ್ಸ್​ ಆಫ್​' ಎಂದಿದ್ದಾರೆ.

ಪ್ರಿಯಾ ಸುದೀಪ್​ ಸಹ ಬಗ್ಗೆ ಈ ಬರೆದಿದ್ದು, 'ಇಂಥದ್ದೊಂದು ಪಂದ್ಯ ನೋಡಬೇಕೆಂದರೆ ನಿಜಕ್ಕೂ ಅದೃಷ್ಟ ಮಾಡಿದರು. ಒತ್ತಡದಲ್ಲಿ ಆಡುವುದು ಸುಲಭವಲ್ಲ. ಅಂಥ ಒತ್ತಡದ ಮಧ್ಯೆಯೂ ವಿರಾಟ್​ ಕೋಹ್ಲಿ ಅವರು ಭಾರತಕ್ಕೆ ಒಂದು ಮರೆಯಲಾಗದ ಗೆಲುವನ್ನು ತಂದುಕೊಟ್ಟಿದ್ದಾರೆ' ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ದೀಪಾವಳಿ ಸಂಭ್ರಮದಲ್ಲಿ ರಶ್ಮಿಕಾ: ಶೂಟಿಂಗ್​ಗೆ ರಜೆ ಹಾಕಿ ಮನೆಯಲ್ಲಿ ಹಬ್ಬ ಆಚರಣೆ

ಕಳೆದ ಕೆಲವು ದಿನಗಳಿಂದ ಆಸ್ಟ್ರೇಲಿಯಾದಲ್ಲೇ ಬೀಡುಬಿಟ್ಟಿರುವ ಸುದೀಪ್​ ದಂಪತಿ ಈ ವಾರಾಂತ್ಯಕ್ಕೆ ಬೆಂಗಳೂರಿಗೆ ವಾಪಸ್ಸಾಗುವ ನಿರೀಕ್ಷೆ ಇದೆ.

https://www.vijayavani.net/kantara-movie-another-record-happy-thing-to-hombale/