ಸಿದ್ಧಾರ್ಥ್ಗೆ ಸಿಕ್ಕಿದೆ ಹೊಸ ಬಿರುದು … ಏನು ಗೊತ್ತಾ ಅದು?

ಚೆನ್ನೈ: ಸಾಮಾಜಿಕ ಮತ್ತು ರಾಜಕೀಯ ವಿಷಯಗಳ ಬಗ್ಗೆ ಧೈರ್ಯವಾಗಿ ತಮ್ಮ ಅಭಿಪ್ರಾಯಗಳನ್ನು ತಿಳಿಸುವ ಕೆಲವೇ ಕೆಲವು ಸೆಲೆಬ್ರಿಟಿಗಳಲ್ಲಿ ತಮಿಳು ನಟ ಸಿದ್ಧಾರ್ಥ್​ ಸಹ ಒಬ್ಬರು. ಯಾವುದೇ ವಿಷಯವಾಗಲೀ, ಸಿದ್ಧಾರ್ಥ್​ ತಮ್ಮದೊಂದು ಅಭಿಪ್ರಾಯವನ್ನು ಮಂಡಿಸುತ್ತಾರೆ.

ಇದನ್ನೂ ಓದಿ: ನಾಟಕ ಮಾಡ್ತಿದ್ದೀರಾ ಎಂದವರಿಗೆ ಅಕ್ಷಯ್ ಹೆಂಡತಿ ಕೊಟ್ಟ ಉತ್ತರ ಇದು …

ಈಗ್ಯಾಕೆ ಈ ವಿಷಯವೆಂದರೆ, ಸಿದ್ಧಾರ್ಥ್​ ಅವರ ಈ ನಡೆಯಿಂದಾಗಿ ಅವರಿಗೆ ಹೊಸದೊಂದು ಬಿರುದು ಸಿಕ್ಕಿದೆಯಂತೆ. ಉತ್ತರ ಭಾರತದ ಜನ ಅವರನ್ನು ದಕ್ಷಿಣದ ಸ್ವರಾ ಭಾಸ್ಕರ್​ ಎಂದು ಗುರುತಿಸುತ್ತಿದ್ದಾರಂತೆ. ಹಾಗಂತ ಸ್ವತಃ ಸಿದ್ಧಾರ್ಥ್​ ಇತ್ತೀಚೆಗೆ ಹೇಳಿಕೊಂಡಿದ್ದಾರೆ.

ಸಿದ್ಧಾರ್ಥ್​ ತರಹ ಸ್ವರಾ ಭಾಸ್ಕರ್​ ಸಹ ತಮ್ಮ ರಾಜಕೀಯ ನಿಲುವುಗಳನ್ನು ಆಗಾಗ ಸ್ಪಷ್ಟಪಡಿಸುತ್ತಿರುತ್ತಾರೆ ಮತ್ತು ಅದೇ ಕಾರಣಕ್ಕೆ ಅವರು ಹಲವರ ದ್ವೇಷವನ್ನು ಕಟ್ಟಿಕೊಂಡಿದ್ದಾರೆ. ತೀರಾ ಇತ್ತೀಚೆಗೆ, ಇಬ್ಬರೂ ಕಾಸ್ಟ್ಯೂಮ್​ ಡಿಸೈನರ್​ಗಳು ಇನ್ನು ಮುಂದೆ ಕಂಗನಾ ರಣಾವತ್​ ಜತೆಗೆ ಕೆಲಸ ಮಾಡುವುದಿಲ್ಲ ಮತ್ತು ಅವರೊಂದಿಗೆ ಗುರುತಿಸಿಕೊಳ್ಳುವುದಿಲ್ಲ ಎಂದಾಗ ಅವರ ಪರವಾಗಿ ಸ್ವರಾ ನಿಂತಿದ್ದರು. ಈ ಮೂಲಕ ಜನರ ಮೆಚ್ಚುಗೆಗೆ ಪಾತ್ರರಾಗಿದ್ದರು. ಈಗ ಸಿದ್ಧಾರ್ಥ್​ ಸಹ ಸ್ವರಾ ಬಗ್ಗೆ ಮೆಚ್ಚಿ ಮಾತನಾಡಿದ್ದಾರೆ.

ಈ ಕುರಿತು ಟ್ವೀಟ್​ ಮಾಡಿರುವ ಸಿದ್ಧಾರ್ಥ್​, ಹಿಂದಿ ಮಾತನಾಡುವ ಜನ ನನ್ನನ್ನು ದಕ್ಷಿಣದ ಸ್ವರಾ ಎಂದು ಗುರುತಿಸುತ್ತಿದ್ದಾರೆ. ನನಗೆ ಈ ಬಗ್ಗೆ ಯಾವುದೇ ಬೇಸರ ಇಲ್ಲ. ಸ್ವರಾ ಆಗುವುದಕ್ಕೆ ನಾನು ಎಂದೆಂದಿಗೂ ಸಿದ್ಧ ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ಧಾರಾವಾಹಿ ಚಿತ್ರೀಕರಣಕ್ಕೆ ಬ್ರೇಕ್ ಹಾಕಿದ ಗೋವಾ ಸರ್ಕಾರ

ಇದಕ್ಕೆ ಪ್ರತಿಕ್ರಿಯಿಸಿರುವ ಸ್ವರಾ, ನೀನು ದಕ್ಷಿಣದ ಸ್ವರಾ ಅಲ್ಲ, ಭಾರತದ ಸಿದ್ಧಾರ್ಥ್​ ಆಗಬೇಕು. ನಿನ್ನ ಬಗ್ಗೆ ಬಹಳ ಹೆಮ್ಮೆಯಿಂದೆ ಎಂದು ಉತ್ತರ ಕೊಟ್ಟಿದ್ದಾರೆ.

https://www.vijayavani.net/kareena-kapoor-wants-shahrukhs-house-in-london/